السلام عليكم
طبعا انتوا عارفين حكاياتى مع سواقين التاكسى
النهارة مش هتكلم عن السواقين انا هتكلم عن حالة السواقين اللى خلاص هيتجمعوا ويدخلوا فى الحكومة بالعربيات
طبعا وحقهم لما واحد بية زى الفل لية علاقات مع البية الكبير والراجل ياولداه جاب باكدج اسعافات اولية وفاكر ان الشعب المصرى بيخاف لان حضرتك كمان اصلا لو نزلت ساعدت اى حد هتبلس انت لو كان عامل حادثة ولا حاجة
الحكومة عايزة تشيل النخوة من الشعب وصلت لكده
ياعم دى الناس بتنقل دم كده على الهوا زى الشحن على الهوا كده
عمك دة اللى هو البية لقى ان البضافة مش هتتباع هنا فمصر وهتقف علية بخسار
وطبعا مش هيغلب طبعا مش هيغلب
البية راح كلم واحد من كباريهات البلد اقصد كبارات البلد وراح منزلة قانون على مقاسة
كل سواق يحط شنطة الاسعافات الاولية فى العربية ودة قانون لازم تعملة ولو معملتوش غرامة وحبس ياريس
طبعا العملية بقت زى الفل وبدل ما جاب شحنة وهتضيع علية راح بعت ييجيب ييجى 100 شخنة تانية وارمى يامعلم
طبعا يلعن ابو الهطل بتاع البلد دة وكمان حكاية المثلث اللى كان ب 3 جنية وهب حطوا صفر على اليمين
عادى عادى ابتسم فانت فى مصر ؟؟
ياجماعة انا مش ضد النظام ولا الالتزام بس لما ينزلوا قوانين ينزلوها بعقل مش بهطل
يعنى واحد بية عايز يبيع شحنة ياعم اشطة عادى شغال هنبعهالك واهى فرصة ننزل قانون الناس تمشى علية وقانون كويس زى الفل
بس ياعم علم الناس ازاى تستعمل الحاجة دى بدل ما ييجى يدى حقنة لحد علشان يعيش يروح رازعة واحد يموت فيها ولا ييجى يربط رجل حد ولا اى حاجة يخرب الدنيا ولا يدلية علاج غلط ولا ولا ولا ولا
يعنى كده انت بتموت الناس مش بتنقذها
والمثلث دة ياعم انت عايز تقلل حوادث العربيات على الطرق السريعة ماشى موافقين وكل السواقين مقالوش حاجة
بس بقى نزلها سعر مقلناش زى ماهى خلى الناس تاكل عيش خليها ب 10 جنية وحدد السعر دة علشان مش مرة واحد من 3 تطلع ل 30 يعنى حاجةهبل فحت جدا
والحزام جايين دلوقت يقولوا خلاص احنا بجد هنحاسب على الحزام وهو القانون طالع بقالة 3 سنين ولا اىحد بيعمل حاجة لان اصلا الشعب المصرى نزل كمية اجهزة حزام امان من اللى قلبك يحبها تيجى تعمل فرملة مرة واحدة بدل ما تنقذك لا دى تموتك ممكن تتكسر او الحزام اللى المفروض مش بيتقطع يروح مكسور ايوة مكسور تسح انة حتة خشبة وياعينى لو ركنت فى حتة فيها شمس والشمس جت على الحزام هترجع تلاقى الحزام اتحمص .. وياعينى بقى لو كان من ابو 3 جنية تيجى تفرمل يروح الحزام شايل رقابتك
فيها اية لو عملتوا توعية للسواقين واصحاب العربيات ازاى يعرف الجهاز السليم من المضروب وافضل اماكن وافضل اسعار لشراء الاجهزة دى
بس نقول اية سمك لبن تمر هندى
كده انت ولا هتخلى الناس تشيل الشنطة ولا يحطوا المثلث ولا يركبوا الحزام ويلعن ابو القوانين الهبلة دى وطظ فى الغرامة بس محدش يكدرنى
ياللى ماسكين البلد لما تعملوا قوانين اعملوها صح علشان تبقى حاجة كويسة بعد ما تموتوا بدا ما كل الشعب عمال يلعن ابو اللى جاب ابوكوا .
المهم انا كل دة وبتكلم فى جزء بسيط جدا جدا من المشاكل اللى فى البلد مش بقلكوا خربانة يا جدعان…..
هتيجى اية المشاكل دى ادام حوارات التعليم العالى والثاناوية العامة بتاعة الايام دى على الاقل مشكلة قوانين المرور الجديدة مقتصرة على اصحاب العربيات والسواقين انما مشكلة التعليم العالى والثاناوية العامة مشكلة جيل يا جدعان حرام عليكوا
يقولك انت تبع القاهرة ليك كليات القاهرة بس ملحقتش تلبس احسن حيطة وتروح تدخل جامعة خاصة هو اية دة التعليم الاستفزازى دة؟
ولا اية كمان تجيب مجموع الكلية اشطة زى الفل اخيرا هخش الكلية …… لا لا لا متفرحش كده دة فية اختبارات يا نجحت يا اما سقط يعنى برضة الفرصة ضعيفة وياعينى لو الكلية اتملت خلاص كده بالسلامة تروح تدفعلك كام الف جنية فكلية خاصة على اساس ان الشعب مستريح وكل مواطن لا يقل مرتبة عن 6 الاف جنية شاملة ضريبة المبيعات والحبشتكنات…
يادكاترة الجامعة يا افاضل يا محترمين استغفر الله العظيم وحسبنا الله ونعم الوكيل فيكم
مش كل واحد دكتور معاه كام مليون يروح يفتح كلية ويقولك معهد بتنجان العالى ومعهد ام احمد العالى معادل بقانون ام فتحى يوم الثلاث اللى فات؟
وتيجى انت تطلع طبعا للبوب الكبير . وترميلة عضمة يروح منزلك قرار
البلد دى يا جدعان بتاعة اللى معاه فلوس يدوس ويلعن ابو الشعب مش مهم المهم ان الناس العالية يسترحوا …
ماهو انتوا كمان كام سنة مش هتلاقى شعب يستهلك الاستهبال دة …
ياجدعان عايزين تحرير واللى عايز اثبتله كلامى يخشى على
https://www.youtube.com/watch?v=NpAN6r9IONYعايزه الرد من فضلكم
موضوع: الدنيا خربانة............ 
الإثنين 23 مارس - 0:37:57
