عامل ايه النهارده؟؟

أنا النهاردة قلقانة وزعلانة
قلقانة عشان عندي امتحان ادعولي
وزعلانة عشان امبارح اقترحت فكرة في واحة الإيمان ومحدش رد عليها بآه أو حتى لأ
والله فكرة حلوة أوي واللي عنده اعتراض أنها حلوة يقوللي أيه السبب بس أحس أن حد معايا
أنا زعلانة زعلانة زعلانة

ماشي يارورووربنا ان شاء الله يوفقك في الامتحان ربنا معاكي ومع كل اللي بيمتحنوا

أشكرك يا صفية على ردك الرقيق ربنا يبارك لك
رفعتي من معنوياتي

ربنا معاكي ان شاء الله يا رورو مفيش قلق . ربنا يوفقكم .

انا النهردة كويسة الحمدلله واخر تمام

شكرا يا وليد
أنا انهارده كويسة الحمد لله
بس مقصرة في حاجات كتييييير أوي أدعولي أكملها

ربنا معاكى يا رورو فى الامتحانات ومع كل الى بيمتحنوا

شكرا يا برنس

كملوا دعواتكم يا جماعة انا لسة بدري عقبال مااخلص امتحانات أوعى حد يبطل يدعي

بس في حاجة المنتدى مفتقدها

أيــــــــن مــحــمـــد حــــــالــــوووووووو

انا النهردة كويسة الى حد ما بحاول اكسر الملل اللي انا فيه

انا خايفه وقلقانه من النتيجه جدا

ازيكم يا احلي اعضاء .
انا بجد زعلان منكم . محدش بيسال علي حد من ساعات اخر مرة دخلت فيها .ليه كده ؟؟
شكراً لسؤالك يا رورو.

اوعوا تزعل يا حالو دلوقتى كلة هيدخل المنتدى ويسلم عليك

اوعوا تزعل يا حالو دلوقتى كلة هيدخل المنتدى ويسلم عليك

لا يا دودو مش حكاية يسلموا عليا المفروض تسالوا علي بعض وتفضفضوا مع بعض وتطمئنوا علي بعض .

متزعلش يا حالو
معلش الدنيا مشاغل وبعدين حد يزعل من ناس بيحبوه

عندك حق يا روزى احنا مانقدرش نزعل من اى احد فى المنتدى لان احنا بنحب بعض جدا

عندك حق يا روزى احنا مانقدرش نزعل من اى احد فى المنتدى لان احنا بنحب بعض جدا

لية كدة يا زينة؟

ليه كدة يا زينة ومافيش حاجة تستاهل ان الواحد يكون زعلان
ومتزعلش يا حالو

الدنيا خربانة والله بس أعمل ايه
انا طبعتى العصبية جدا

اولا موضوع حلو اوى ياحالو بس انا حاسة انى على طول حزينة حتى لو بضحك او بهزر بكون مضايقة مش عارفة ليه وعلى طول مخنوقة حتى لو حصلت حاجة تفرحنى بفرح شوية بس مش من قلبى ونفسى الاقى حل لانى بجد تعبت من حياتى حاسة انها مملة وكئيبة

ليه بس كدة يا سوسو صدقوني مافيش حاجة تستاهل ان احنا نبقى دايما مخنوقنين وماليناالحزن هية الحياة قد ايه عشان نحس بكدة خلينا نسمتمتع بيها احنا لسة في بداية حياتنامش عايزين حاجة تعكر علينا حياتنا
وانا الحمد لله كويسة اوي النهردة ربنا يدومهاعلينا جمبلة وتمام

على رأيك والله

ياجماعة انا مش متشائمة بس هى دى الحقيقية وده اللى انا حاسة بيه

ازيكم يا اعضاء ليه كده يا soso. زي ما قالت صفية مفيش حاجة تستاهل الحزن عيشي فري وحاولي تنسي اي حاجة تزعلك .

ازيكم يا احلى اعضاء
انا النهردة زعلانة اوى ومضيقة جدا من كل حاجة حولياوان تعبت جدا مش عرفة اعمل
انا بقى يقولو فى البيت عندى انى بقيت كئيبة جدا
انا نفسى القى حل
انا عايزة اعيت واتكلم مع احد واحكى لة وينصحنى اعمل اية؟
انا هعيت خلاص

فية اية يا جماعة هو مافيش حد بيرد عليا لية؟

انا انهاردة مخنووووووق جداااااا

وانا كمان يا برنس
انت لية مخنوق؟

احنا كلنا تحت امرك ياdodo وسامعينك لو عايزة تحكى اى حاجة

والله ياحالو هى دى الحقيقة

شكرا يا sosoعلى سوالك
انا مضايقة لان كل الناس ضدى انا و دايما انا الغلضانة
حتى اهم الناس عندى انا مبقاش عندى ثقة فى احد
وانا مضايقة من حاجات تانية كتير جدا
انا نفسى اخلص منها قبل ثانية ثانوى علشان متاثر بيها
شكرا ليكى يا سوسو على سوالك

ليه كده بس يا دودو زعلتيني . المهم انتي تقولي ان الناس يقولوا انك غلطانة . غلطانة في ايه ؟؟
الصح معروف والغلط معروف.

بس يا حالو انا دايما بطلع الغلطانة حتى لو انا صح والغلط دايما انا
و مافيش احد بيوقف جابى
تعرف يا محمد انا نفسى يكون ليه اصحاب كتير يخافوا عليا واخاف عليهم بس ما فيش احد مساعدنى فى ذلك
والله يا انا مش عرفة اقول اية لان الى انا حساه مش عرفة اعبر به
شكرا ليك يا حالو

ليه كده يا dodo بتقولى ان مالكيش اصحاب احنا أو انا تحت امرك فى اى حاجة لانى حاسة بيكى

حاولي تتعرفي على اصحاب يادودو مادلايش واقفة مكانك مابتعمليش حاجه صح يادودو يعني الدنيا ديه كلها مش لا قيه فيها اصحاب دورى وانتي تلاقي اصحاب كتيرة يتمنوا يصاحبوكي ويقفوا جنبك صح ولا انا غلطان

انا الحمد الله
انهارده مبسوطه اوى

المشكلة مش مشكلة عدد يا احمد المشكلة انك تلاقى اصحاب بجد يحبوك ويخافوا عليك

الحمد لله النهارده يوم عسل .
المهم انتم عاملين ايه؟؟
ودود مش احسن شوية؟؟

ايه يازينه ليه كده انتي زعلانه ليه وعايزه اقولك والله ياسوسو فيه صحاب كتير بس انتي دوري وهتلاقي وانت ياحالو ايه اخبار رجلك لسه بتوجعك على العموم ربنا يشفيك

اوكي يا احمد سيحتلي ماشي . علي العموم الحمد لله بس لسه مش قادر ادوس عليها اوي . يلا الحمد لله بس ديه عطلتني عن حجات كتتتتتير .

ايوه صح دودو عاملة ايه ؟؟؟

شكرا ليك يا حالو على سوالك والف سلامةعليك
بس يا احمد انا كنت عندى اصحاب كتير بس كلهم اتخلو عنى من دون سبب
هى المشكلة انك تلاقى صحبة تفهمك وتخاف عليك فهمت كلامى

يادودو انت عايزه تفهميني ان زمن الصحاب خلاص راح يادودو اكيد هتلاقي اصحاب حلوة اذا كان في مدرستك او في اي حته ويادودو انت ماسالتهمش انهم سابوكي ليه

ايه يا جماعه فرفشه شويه ايه النكد ده