مش بلطجيه

أكتب اليكم من ميدان التحرير : الآن هناك مذبحه تحدث فى شارع محمد محمود ارجو نشر هذا على جميع مواقع التواصل "انا فاتح من التلفون والفيس شكله فيه مشكله ومش عارف أكتب عليه" احنا مش بلطجيه احنا شباب البلد دى وولادها اللى عايزيينها تكون اجمل بلد ف الكون .. ودلوقتى احنا بنموت واحد ورا التانى .. احنا خرجنا نقول للعسكرى كفاااااااااااايه يبقى جزائنا اننا نموت ؟
بيضرب علينا غاز مسيل للدموع منتهى الصلاحيه
استخدمت نوعا جديدا من الغاز، تسبب في إصابة العشرات بأعراض جديدة مختلفة عن أعراض الغاز المسيل للدموع الذي تم إلقاؤه خلال الأيام الماضية ( تشنج عصبي ورعشة وقيء مصحوب بدم)(الغاز ده محرم دوليا)
اقسم بالله بيضرب علينا رصاص حى مش خرطوش ولا مطاطى
شباب مصر بيموتوا اعملوا حاجه بلاش تفضلوا ساكتين والنبى كفايه سلبيه
نعمل ايه تانى عشان نبطل ام السلبيه اللى فينا ده؟!!
احنا مش عارفيين هانقدر نصمد لحد امتى...!!

مافيش كلام تانى اقولهولكوا .. واحتمال ده يبقى اخر كلام هاقوله لانى رايح شارع محمد محمود ..بس مش عشان اضرب ظابط او احرق قسم .. انا رايح عشان ادافع عن بلدى وعن الأمل المتبقى للبلد دى

ســــلام