انا والنجوم وهواك.....؟؟؟

انا امبارح اول مرة اسمع فيها برنامج اسامة منير
انا والنجوم وهوالك
وعجبنى جدا البرنامج لانى لاقيت ان كل اللى بيبعته فى الرسايل واللى بيتكلمه بيقوله كل اللى جواهم وبرنامج بجد بيدخل الواحد فى مشاكل الناس ويبتدى يطرح حلول ليه من خلال الرسايل والناس اللى بتتصل
فأنا قررت انى اعمل موضوع بنفس اسم البرنامج
عشان كلنا نعمل حلقات زى البرنامج زى من القلب للقلب والخيانة والخداع والعاطفة وهكذا
وكل واحد فينا يطرح سؤال او مشكلة شغلاه او حاجة عايز ياخد راى حد فيها , نتكلم ونحل مع بعض ونقول كل اللى جوانا
من غير ما نخاف او نتكسف لان احنا كلنا هنا اخوات
ولما نخلص مشكلة ندخل فى حلقة جديدة واى واحد فينا يعمل الحلقة ديه ويبتدى يسأل
ايه رايكم يا شباب
وانا هعمل اول حلقة فى المنتدى

الســـــــــــــــــــــــــــــــــلام عليكـــــــــــــــــــــــــــــــــــــــم

مساء الخير على كل اعضاء منتدى احلام البنات والشباب ومحدش يضايق ان انا حطيت اسم الشباب معاكم يا بنات
موضوع حلقتنا هو **(الشعور بالذنب)**

كام مرة شعرتم بالذنب تجاه نفسكم والاخرين , كام مرة الواحد فينا عمل حاجة مع حد اذا كان قريب او بعيد اخ او صديق حس فيها ان هو كان غلط وحس بالذنب تجاه نفسه
وكام مرة شعرت بالذنب تجاه حبيبك انك مهمل بوجباتك معاه وانك مش مهتم بيه كام مرة
شعرت بالذنب تجاه اهلك انك مأثر فى حقهم والواجبات اللى عليك ليهم ما بتعملهاش كلها
وكام مرة شعرت بالذنب تجاه نفسك بتأثيرك واهمالك لدينك والتقرب الى الله وانك مخطأ وخايف تتوب لا تسيب المعاصى والاخطاء اللى انت شايف ان هى متعة الحياة
وكام مرة وكام مرة ....الخ

ارجوا من الاعضاء ان كل واحد فينا يكتب اللى جواه بكل امانة ومن غير كسوف ولا احراج
لانك لما تعترف بغلطك تبقى انت انسان مش شئ له روح لكن ليس له عقل او قلب
وكلنا هنا ايد واحده
يالا يا شباب ورونى الصراحة والحلقات الجامده

بصراحة هو موضوع جميل جداااااااااااااااا
ونفسى كل الاعضاء يشاركون فية بس بصراحة

بشعر بالذنب عندما اراى اشخاص يحتاجون مساعدة منى وانا لم يكن فى امكانى ان اساعدهم
بشعر بالذنب عندما اغضب ابى او امى حتى لو الامر صغير
بشعر بالذنب عندما تكون اشخاص قريبة منى تزعل منى و انا لم اعرف سبب هذا الخصام
شكراااااااااااااااااااااا يا باسم على الحلقة المتميزة
وارجو انا كل واحد يشارك فى هذة الحلقة حتى نتهى منها ونبداء فى حلقة جديدة

انا متشكر اوى ليكى يا نودى على اشتراكك
واتمنى باقى الاعضاء يشاركوا ويقوله اللى جواهم
وانا بشكرك تانى مرة
وفعلا عايزين بعد ما الاعضاء تشارك نبتدى فى حلقة تانية
ويا سيتى انتى اللى تقترحى الحلقة اللى جايا تكون عن ايه اوكى وما تهربيش من المسؤلية وتقولى لا اوكى

اوكى انا موافقة
بس بعد لما نشوف راى الاعضاء فى الحلقة دية
وانت كمان المفروض تقول رايك وتشارك فيها
وبعد كدة ان شاء الله هنشوف موضوع جديد وحلقة اجمل

وشــــــــــــــــــــــــــكــــــــــــــــــــــرااااااااااااااا لك يا باسم

اولا الموضوع جامد جدااااااااااااااااااا
وفكره جديده جدا
يعنى هى الاجابه بتعات نودى ممكن تكون قريبه من اجابتى
يعنى انا بشعر بالذنب لما حد يزعل منى لما ازعل امى او بابا

وانا اجابتى زى نودى بس بجد يا باسم الموضوع تحفة
ونودى بجد احنا هنستنى الحلقة الجديدة منك زى ما باسم قال
اكيد بعد الامتحانات انا عارف ان كل الاعضاء دلوقتى بتمتحن
ربنا معاكم جميعا

شكرااااااااااااااااااا يامحمد اسعدانى مرورك
انت وجوجو

السلام عليكم
الى احلى اصدقاء فى احلى منتدى
والى كل صديق وصديقة يريدون التحدث باسلوب راقى ومهذب
فى منتديا العزيز
ونبداء حلقة اليوم من برنامجنا العظيم

(انا و النجوم و هواك )

نتحدث اليوم عن الـــحريــــــــــة

بالنسبة للشباب والبنات نرى قيود فى التعامل مع البنات فالشاب مهما تكلم مع الفتاة فى كثيرا من المواضيع بالنسبة لة شىء عادى
اما البنات اذا تكلمت معة فينتقضها المجتمع وبعض العقول التى لا تفهم وجهات النظر لذلك نرى عند دخولنا الجامعة اننا نقع فى مشاكل كثيرة واشياء ضارة تسىء الينا لاننا دخالنا هذا المجتمع بدون تأهيل لهذة المرحلة وهذا المجتمع الكبير لذلك يجب ان يكون الحوار العلمى والثقافى بين الفتاة والشاب موجود بشرط وجود اخلاق و صفات حميدة بينهما
يوجد كثير من الناس تعتقد ان وجود البنات والشباب فى منتدى واحد خطاء وانا اراى انة لا يوجد خطاء بدام الحوار فى حدود الادب و الاخلاق و فى صميم الموضوع واقول نحن نعلم اننا اخواة فى بلدنا العظيمة
وارجو ان تنال اعجابكم هذة الحلقة وارجو المناقشة ووجهة نظركم فى الحرية

تمتم

نوووووووووووودى

والله انا زعلانة كتبت حلقة جديدة وبرضوا مش فى حد رد
لوسمحتم ردوا ولو مش الحلقة حلوة قولوا انى الحلقة وحشة
ونعمل واحدة تانية

ولا تزعلي يا قمر موضوع الحلقه جميل جدا وانا كمان مستغربه زيك بالظبط بس عشان احنا في مجنمع شرقي واسلامي كل الناس بتشوف ان الاختلاط بين الولد والبنت مش كويس بس اكيد لازم يكون في علي الاقل حوار من الطرفين عشان كلا من الطرفين يفهم نظريه الاخر واحنا كمان منسقطش في مشاكل وذلك بسبب جهلنا عن العالم الاخر

ميرسي يا قمر علي الحلقه الجامده اوي ديه
وفي انتظار موضيعك الجميله يا قمر

ازاى بقى يا نودى احنا نقدر ع زعلك
والله الموضوع انا مع كليوبترا فى رايها اننا فى مجتمع شرقى بس المجتمع مبقاش زى زمان والمفروض ان المجتمع الى احنا فى يعرف ان البنت دلوقتى بقت زى الولد ولاز يحصل بنهم اختلاط ويكون فى حدود الادب بس المجتمع بتعنا مش عايز يعقتد ان الختلاط بقى لازم بين ولد وبنت وكمان عشان نعرف نطور المجتمع بتعنا




وعلى فكره يا نودى عيب عليكى لما تنزلى موضوع ونقول عليه وحش مفيش حاجه انتى بتنزليها يا حببتى وحشه خالص والموضوه تحفه وفعلا موضوع حيوى جدا
شكرا بجد ليكى يا نودى

والله انا سعيدة جداااااااااااااا بمروركم على الموضوع وشكرااااااااا يا جوجو وعايزينك تشاركى معانا بمواضيعك زى زمان وشكرا يا كيلوباترا ممكن اطلب منك تكونى صحابة الحلقة القادمة وتعمليها مع انى المفروض صاحب الموضوع باسم يكون موجود بس مش عارفة مش بيدخل لية ولا يعلق على الموضوعات زى زمان

بجد يانودى تسلم ايديكى وانتى عارفه انى مش بقالى كتير مش بدخل المنتدى ودخلت والله وعجابنى موضوعك
بس انا عايزة اوضح حاجة ان هنا فى بلدنا وف الشرق كله ان مش ينفع تتكلم مع ولد بس اللى همامش شايفينه ان العالم نطاقه وسعت وان الاختلاط بقى سائد ف العالم وبالتحديد ف اوروبا
وبقى التطور ظاهر فى الجانب الغربى والسبب انهم مش بيضعوا قيود للمعاملات وعندهم المراءة مثل الرجل ف العقل والنطاق والعمل عندهم كل حاجة سواسيه بس انا عايزة اقول ان المراءه مثل الرجل وان المراءه نصف المجتمع بس الاختلاط لازم يكون فى نطاق الاحترام بس كدة
ميرسى ليكى يااجمل نودى وع فكرة انا بحب برنامج اسامه بتاع انا والنجوم وهواك والبعض منا بيستفيد من البرنامج ده واحب اشكر اللى فكر انه يحط البرنامج ده ف منتدنا واكيد ليكى يانودى يا اجمل نودى

والله انا سعيدة بيكى يا قمر انك دخلتى تانى المنتدى ونفسى اشوفلك موضوعات زى زمان والله فعلا كلامك جميل ومنطقى وشكراااااااااا على مرورك على الموضوع وتعليقق اللى زى العسل زيك والبرنامج فعلا جميل بتاع اسامة لاننا بنستفيد من المشاكل اللى الناس بتقع فيها وفعلا انا شكرت باسم لانى فكرتة جامدة جداااا واكيد لازم نستفيد واى واحد عندة مشكلة او عايز يكلم فى موضوع يدخل ويعمل حلقة واحنا نقول وجهة نظرنا فى الموضوع دة

Nody كتب:

والله انا سعيدة جداااااااااااااا بمروركم على الموضوع وشكرااااااااا يا جوجو وعايزينك تشاركى معانا بمواضيعك زى زمان وشكرا يا كيلوباترا ممكن اطلب منك تكونى صحابة الحلقة القادمة وتعمليها مع انى المفروض صاحب الموضوع باسم يكون موجود بس مش عارفة مش بيدخل لية ولا يعلق على الموضوعات زى زمان

ميرسي يا حبيبتي ربنا يخليكي وانشاء الله هعملك حلقه نار بس هفكر في موضوع محدد وانزله انشاء واهلا مرة تانيه بيكي يا قمر في المنتدي

ماشى يا قمر وانا فى انتظار موضوع حلقتك
ومواضيعك اللى زى العسل زيك ياقمر

ميرسي يا حبيبتي ربنا يخليكي
انا بصراحه في موضوع شغلني جدا ولسه بفكر فيه وهو هل فعلا ثورة 25 يناير قامت بالاصلاح و التغيير انا نفسي اعرف رايكم فيها بجد طبعا كلنا شفنها ومنا المعارض والمؤيد وسمعنا كمان عن التغيير اللي بيقولوا حصل مع اني مش شايفه حاجه زي كده بالعكس انا شيفه ان دلوقتي مفيش اي حاجه اتغيرت الاسعار دلوقتي زادت عن الاول والامن غاب عننا والبلطجيه انتشرت اكتر فسؤالي دلوقتي فين التغيير اللي بتقولوا عليه بليز شاركوني بارئكم علي السؤال ده ومين وفقني ومين معارضني؟؟؟؟؟؟؟؟؟؟؟؟؟؟؟

عندك حق مفيش حاجة اتغيرت ده بالعكس الواحد بقي بيخاف ينزل بعد الساعة 10:hjlg:

انا من وجهة نظرى انى مفيش جديد حصل والثورة دية ضيعت ناس كتير وكمان وقت وبالعكس كل حاجة فى البلد سعرها ارتفع و الفلوس اللى زودوها للناس عرفوا يخدوها مننا تانى بارتفعهم للاسعار والبلطجية الحمد الله زاد اووووووووووى مكنش بيحصل كدة قبل الثورة يمكن كان بيحصل بسيط مش زى دلوقتى والامتحانات السنة دية عارفين اصحابى بعد النتيجة كانوا عاملين تظلم راحوا يشوفوا الورق لقوا انى فى اسئلة متعلم عليها صح بس الدرجة بتاعت الاسئلة مش حاطينها ومش اصحابى بس انا كل لما اقول لحد يقول نفس الكلام ومش فى الثانوية العامة بس لا فى الجامعة ناس قالولى انهم بيكونوا حالين ويجيبوا ملاحق فى المواد كلها الله واعلم اية اللى بيحصل فى البلد وكمان اليومين دول كل حاجة تتعمل فينا يقول خطاء حصل هى حياة الناس بسيطة كدة عندنا ولا اية هنفضل سكتين لامتا لحد ةلما يدخلوا علينا والله الواحد مش عارف يعمل اية انا مش ضد الثورة ومع التغير بس للاحسن مش للاوحش واللى عاملوا الثورة فين دلوقتى كل اللى اقدر اقولة ربنا معنا فى الايام اللى جاية

وبشكر اووووووووووى يا كليوباترا على موضوع الحلقة الاكثر من رائع وانا اتكلم معكم بصراحة ولو حد معارض فى كلامى ياريت يقول وجهة نظرة

ميرسي يا قمر والله بجد ديه قضيه مهمه جدا ومحتاجه لنقاش طويل ملهوش نهايه بس ربنا معانا والرئيس الجديد ميكنش زي اللي قبله وميرسي ليكي يا مرام علي شاركتك معايا في الحلقه ديه
ميرسي يا بنات

العفو يا كليوباترا

اهلا اهلا اهلا
بالشباب اللى زى العسل
والبنات اللى زى القمر

سورى يا جماعة على عدم دخولى الفترة اللى فاتت بس كنت مشغوووووووووووووووووول شويه

عموما الحلقة بتاعتك يا نودى جميلة جدا
وفعلا انا محتار زيك فى موضوع كلام الشباب مع البنات
بس ربنا يستر ويكون كلام بس


وانا جيت ومش ماشى وقاعد على قلبكم

بسم الله الرحمن الرحيم

موضوع حلقتنا النهاردة عن
___________((" الصراحــــــــــــــــــــــــــــــــة"))___________

الصراحة لازم تكون فى كل شئ تكون مع

الله سبحانه وتعالى
النفس
الناس
الاهل
الاصدقاء
الحبيب

ليه دايما بنختلق اكاذيب عشان نطلع من مشكلة حصلتلنا ليه ما نقولش الحقيقة ليه ما نواجهش مشاكلنا
انا مش هشرح كل عنصر انا قولته ؟ اتمنى من اجمل اعضاء ان هما يشرحوا ويقوله وجه نظرهم فى كل عنصر
ونقول ايه هى السلبيات والاجابيات العائدة على عدم الصراحة وفعلها

وشكرا ليكم
باسم

موضوع الحلقة يجنن بماانك بتتكلم عن الصراحة يبقي لازم نقول الصراحة اناعن نفسي بحب الصراحةو مبحبش اكدب علي اهلي مهماحصل وكمان لازم نكون صرحي مع الاصدقاء والاحباب ومرسي علي الحلقة الجميلة ديه بجد استمتعت

shokran gedan 3ala merorek ya maram

العفو

اولا اهلا بيك من تانى نورت بس بلاش تبعدوا عن المنتدى
تانى المهم الحلقة حلوة
انا عن نفسى جربت الصراحة مع اصحابى بس بيزعلوا لوانت قولتلهم اى عيب فيهم عشان يتجنبوا هذا العيب او موقف وحش علقت علية عشان مش يكراروا الغلط دة بس بيزعلوا ويطلعوك انك وحش وغيور وحاجات كدة ولما تكذب وتجاملهم فى حاجة يقول عليك ملاك اكيد مش كل الناس كدة بس دلوقتى الصحاب مش زى زمان حاسة انى معنى كلمة صديق انقرد بيعرفوا بعض عشان المصلحة وبس
بالنسبة للحبيب يشترط الصراحة بينهم حتى ولو كان موضوع محرج وطرف منهم غلطان الصراحة هتشفع لة

بالنسبة للاهل انا عن نفسى مش بخبى اى حاجة لانى لو خبيت اى حاجة دة معناة انى بعمل حاجة غلط

انا من وجهة نظرى ان الصراحة احسن الطرق بس تقول اية دة الزمن اللى احنا فية ولو انت كويس فى 100000000000000000000000000000 وحش دية المشكلة عملنا ثورة بس لسة فية رشوة وحاجات كتير سلبية انت مش هتقدر تغير البشر صح ولا اية

noooooooooooooooooooooody

اولا شكرا جدا على الترحيب واوعدك مش هسيبه تانى المنتدى
وشكرا على مرورك الجميل واللى اسعدنى يا نودى وانتى بجد وحشاااااااااااااااااااااااااااااانى كتير وكل الاعضاء كمان

وبرافوا عليكى لان انتى الوحيدة اللى جوبتى اجابة كاملة وطلعتى اللى جواكى وعقبال باقى الاعضاء
وشكرا ليكى يا اجمل نودى فى الدنيا

ماشى وعايزين نعرف رايك كمان بصراحة يعنى جاوب وباقى الاعضاء يشدوا حيلهم ويجابوا يايلا اللى هيجاوب ومش بختصار هنجبلوا بنيونى
هههههههههههههههه

ههههههههههه
انا عن نفسى بحب اعرف اللى قدامى قبل ما اتكلم معاه
لو من النوع اللى بيحب النفاق يبقى خليه بعيد احسن لانه قبل ما يضر نفسه هيضرنى لان هيدينى مقلب فى نفسى وهنفضل طول حياتنا فى مجاملات وكذب والانسان اللى مش بيحب الصراحه بيبقى بوشين معاك حاجه ومن وراك حاجه تانيه

اما النوع اللى بيحب الصراحه بحب اقرب منه لانه بيورينى السلبيات اللى فى شخصيتى وبعرف اغيرها ولما بتكلم معاه عن حاجه وحشه فيه بيتقبل النقد بفرحه وبيصحح الحاجه ديه وبكده يبقى احنا الاتنين افادنا بعض



بالنسبه للاهل انا بحب الصراحه ومش بحب اكدب لان معنى الكدب انى بعمل حاجه غلط واقصر طريقه للاقناع هى الصراحه

اما بالنسبه للحبيب الحقيقه انا مجربتش بس اكيد لازم يكون فى صراحه علشان لو اتبنت على كدب تبقى علاقه فاشله واى حاجه تحصل هتنكسر بسهوله

ايوة كدة يا جماعة هى دية الاجابات واول واحدة فائزة فى حلقتنا اليوم eman zizoوتاخذ اول واحدة من الكيس يايلا اتفضلى هههههههههههههه
ولسة لمسابقة مستمرة واى واحد حاسس انو عايز يعمل حلقة يتفضل طبعا البرنامج برنمجكم

ميرسى
انا عايزه بالفراوله

وسعوا يا بنات كليوباترا جت ونورت المنتدي كمان وحشني جداااااااااااااااا والله من اصغركم لاكبركم بس خلاص بقي انا جيت وبعدين انا مبعتش كتير لسه عمله موضوع طازه المهم بقي بخصوص الموضوع بتاع الاستاذ باسم

احيك علي الموضوع وورائي بقي ان الصراحه مطاوبه في كل شئ بس احينا بنلجئ لما يسمي بالكدب الابيض لتصحيح اوضاع وانا بقي هفرطلك الصراحه بالنسبه لكل شخص انتا قايل عليه
اولا
الصراحه مع النفس مهمه جدا ومدام احنا صريحين مع نفسنا اعتقد مفيش حد هيغلط ولا هيظلم نفسه
ثانيا
اما بقي ما يخص الناس انا بعتقد يعني لو انتا حتي صريح معاهم لازم يكدبوا اي حاجه بتقولها وديه بصراحه معرفش ليه حسه ان هي بقيت عاده فيهم
ثالثا
الاهل وديه حاجه مفروغ امرها تماما لانك من اول حاجه لازم وللابد تكون صريح مع اهلك بخصوص اي شي يخص حياتك مهما ان كان صغير لازم تكون صريح معاهم
رابعا
الاصدقاء الصراحه المتبادله بينهم مطلوبه لانها هي اللي بتصنع الاخوه والعشرة بينهم لان الصديق اهم من الحبيب 100مرة والصراحه هنا مطلوبه اكتر من الحبيب كمان
خامسا بقي
الحبيب
ها .........قولتله الوداع قالي فكك مني
انا بقول ................ولا بلاش اقول احسن

نودي انا عيزة عشرة من اللي في الكيس لو سمحتي

اديها الكيس تستاهل

شكرا شكرا شكرا جدا لكل الاعضاء اللى شاركوه معانا فى التوبيك ده

وموعدنا مع حلقة جديدة من الحلقات الجامده اخر حاجتين تلاتة كده
وحلقة اليوم يا اجمل اعضاء عن حاجة مهمة جدا وهى:_

____________((المســــــــــــتقبل))_____________

مين فينا ما بيحلمش بمستقبل ليه باهر ؟؟؟
بس فى ناس بردوه مش بتحلم بحاجة خالص كل همها ان هى تعيش اليوم بيومه وماتستناش بكرة يجى ولا حتى تفكر فيه .
اولا :_
المستقبل الدراسى وده اخطر حاجة , يجى الطالب طبعا اول لما يدخل المدرسة بيبقى طفل ومش فاهم حاجة خالص , ولما يكون فى سنة خامسة ابتدائى تقولة انت عايز تكون أيه؟ طبعآ بيجاوب الاجابة النوذجية وهى!! عايز اكون دكتور او ظابط .....
ولما بيكبر شويه وبيدخل اعدادى وهو فى سنه تالتة اعداى بيكون فهم بقى الدنيا فيها أيه ؟ بس لللاسف فى ناسى بتوصل للمرحلة ديه ومابتكنش لسه استوعبت أيه اللى هو فيه وهو عايز أيه بالرغم ان فى اولاد وبنات بيوصله للمرحلة ديه بيقدروه ان هما يختاوه هما عايزين أيه
مثلا يعنى :_
الطالب بيفكر يدخل أيه ثانوية عامة,ولا صناعى , ولا فنى تجارى , ولا سياحة وفنادق , ولا ولا ولا ولا وهكذا
هنا بقى بنقف ونسأل ليه هو دخل المجال ده ؟؟؟؟؟؟
فى ناس بتدخل فى مجال معين للمنظرة وبس , وفى ناس بتدخل مجال تانى عشان تكبر دماغة بس هى بتكبر دماغة ليه ومن أيه!!!
وفى ناس بتدخل مجال معين غصب عنها وبتجبر عليه وانته عارفين مين دول اللى بيجبروه
وفى ناس بتخل المجال اللى هما عايزينه عشان قدروه يرسمه لنفسهم مستقبل وبيجتهده عشان يحققه..

وده اول قسم فى حلقتنا النهاردة _____((المستقبل الدراسى))_______

منتظر من حضراتكم الردود الملتهبة على الموضوع ده وقولولى أيه الفرق بين كل الناس المذكورين . بس بشرط كل واحد بعد ما يخلص اجابة على الموضوع . يقول هو عايز يكون أيه ؟ وهو عمل أيه او بيعمل أيه عشان يحققه ؟؟ اوعى تنسى انتى وهى وهو اوكى ؟ يالا يا شباب ويالا يا بنات مستنى افادتكم فى الموضوع وتفيدوه ناس تانيه بأرائكم؟


وشكرآ
باســـــــــــم

طب ممكن اسئلك سؤال يا كليوباترا

انتي ليه جيتي عند الحبيب ومردتيش تجوبي

samer كتب:

طب ممكن اسئلك سؤال يا كليوباترا

انتي ليه جيتي عند الحبيب ومردتيش تجوبي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوعك حلو اوي يا باسم

والسبب في ان الطالب لما بيدخل المدرسه بيدبرمج علي الحفظ مش الفهم لدرجه انه في الامتحان بيصم اللي بيدهوله المدرس صم وبيكون قلقان لو حط حاجه تانيه من عنده ليرسب في الامتحان وده بسبب التعليم الغلط من الاول ومستقبله بيحدده علي حسب رغبه زميله مش رغبته هو وكتير لو لقيت واحد وسالته انتا نفسك تتطلع ايه يرد عليك ويقولك .............مش عارف مش لما اخش ثانوي الاول او مش لما انجح الاول وغير كده مش بيكون حاطط خطه لنفسه عشان يوصل بيها للي هو عيزه

انا اخر سنه ليا في اللسن السنه دي واملي لما اتخرج اني اشتغل في مجال السياحه او اكون مترجم لي شركه كبيرة عشان اشرف بنت الحلال اللي هرتبط بيها انشاء الله

ثانكس يا باسم علي الحلقه الجامده اوي ديه

شكرا ليك يا سمير على مرورك والرد
وفعلا انت عندك حق فى اللى قولته وبيحصل فعلا الكلام ده

بس يا استاذ سمير انت ما قولتش انت عملت ايه عشان تحقق اللى انته عاوزه يعنى فى مجالك انت عشان تعمل اللى انت بتتمناه ده يعنى لازم يكون معاك اكتر من لغة يعنى مش انجليش بس لا العربى والانجليزى دول أساس
وده على حسب علمى المحدود وانت اكيد ادرى منى
وربنا يوفقك يارب

basim_2011 كتب:

samer كتب:

طب ممكن اسئلك سؤال يا كليوباترا

انتي ليه جيتي عند الحبيب ومردتيش تجوبي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سوري يا سامر ديه حاجه تخصني انا

رغم العداء اللي بينا بس بجد حلقه جامده اوي وخطيرة جدا
انا من رائي ان 50%من الطلاب اهليهم اللي بتختطلهم مستقبلهم ومش بيردوا يستخدموا ايراده اولاده في انهم عيزين ايه والنتيجه اننا بنلاقي بعد كده الدكتور الفاشل اللي بينسي مشرط في مريض او المهندس اللي بيوقع العمارة علي دماغ الناس وده بسبب انهم كانوا مجبرين علي دخول الكليات ديه بعتبرها من كليات القمه انا من رائي ان الاهل مش يجبروا اولادهم علي مهنه هما مش حبينها لكن يسعدوهم في التفكير واتخاذ قرار تحديد المسار

اما ما يخصني انا فانا نفسي اشتغل في مجال السياحه واكون مرشده سياحيه وانا منظه نفسي علي المهنه ديه بدليل اني بقرا كتب كتتتتير اوي عن التاريخ وانشاء الله هاخد كورسات لغات عشان اللغه بتعتي وربنا معايا بقي

بجد حلقه جامده طحن

شكرا اوى يا أمل حياتى على مرورك الجميل
وكلامك برده صح فى موضوع الاهل ده , وانشاء الله هتكونى مرشدة سياحية واجمل مرشدة كمان وانا هكون وراكى وهساعدك على قد ما اقدر عشان تكونى احسن واحدة فى العالم

موضوع الحلقة جااااامد وكلامك يجنن يارب تكوني احلي مرشدة سياحية يا كليوباترا

ميرسي يا حبيبتي
بس انتي بردو معلقتيش عن الحلقه ومقولتيش
انتي عايزة تكوني ايه وهتعملي ايه عشان توصلي للي انتي عيزة ازاي

يالا يا مرام عشان مافيش غيرك عشان نغير الحلقة
ولا انتى مكسوفة

يعني انا اللي واقفالك في الزور ماشي يا باسم

ماشى ماشى ياسى باسم
مش فاضل يعنى غير مرام وانا رحت فين ؟؟؟؟؟؟؟؟؟
انا زعلانة عشان يعنى مش شوفت الموضوع تخلص الحلقة وتنسونى
اهى اهى اهى

لالالالالالالالالالالالالالا انا بقي عايزة اعرف ردك يا نودي
علي الحلقه ديه مليش دعوة بقي

خلاص يا كليوباترا انا هبقى اقولك لما نتقابل
عشان باسم خلاص هيقفل الحلقة وعايز يحط حاجة جديدة

ماااااااااشي لماااااااشوف الحلقة الجديدة ولا هتنطش ياااااستاذ