رساله اعتزار لمصطفي شرف

انا اسفه يا مصطفي اني ظنيت فيك سوء
وبعدين الانسان مبيتعلمش بسهوله وفعلا انا كنت فكرة اني لما اتكلم واصاحب علي النت ممكن يكون فيه مصدقيه لكن اتضحلي العكس اكتشفت اني في عالم النفاق من غير معرف
والسؤال اللي عيزة اعرفه ليه احنا بنتجه للنفاق في حياتنا انتو فكرين ان النفاق بيحل كل حاجة واديني اتشكيت عشان اعرف ان النت ده عبارة عن وصله نفاق ليس الا وان اللي تعرفه شخصيا هو بس اللي بيكون صادق معاك انا مش قصدي التجريح بالعكس في هنا اعضاء جميله وانا بحبهم لكن انا هقولها لتاني مرة انا مش هدخل المنتدي ده تاني لاني ملقتش فيه غير النفاق وبس ولقيت الحب الي بيقولوا عليه في المنتدي لقيته ليس الا نفاق بس
وانا بنضم لمصطفي شرف وبقولوا انا كمان هخرج زيك من المنتدي ومش هرجعلوا تاني ابدا رغم اني ليا اصحاب هنا بيحبوني لكن معلش انا هعرف اكلمكوا مش هبعد عنكم
سلام يا اكبر كدب عشته في حياتي

ايه ده ايه ده
مافيش خروج
واللى هيخرج هعوره وانا هقف على باب المنتدى واللى هيخرج هديلى كزلك تحت عنيه
بطلى هبل بقى انتى ومصطفى ارجع يا درش المنتدى ومتزعلش منى يا صاحبى انت اخويه الصغير وصاحبى وحقك عليا يا عم ولا يهمك
وانتى يا هانم سيبك من الكلام ده

انا مش فاهمة حاجة
كل شوية حد يزعل ويسيب المنتدى ويمشى
حرام عاليكم محدش يمشى بقى انا حاسة انى اول مرة بتعامل معاكم

انا مش عارف اية اللى حصل ياكليوبترا بس من الواضح انها حاجة كبيرة
ياجماعة اية اللى بيحصل .. المكان دة فى يوم من الأيام كان مافيش فية غير احترام وحب لبعض إية اللى حصلكوا؟!!
مش كل واحد يحصلة مشكلة مع حد من أعضاء المنتدى يقول أنا هاسيب المنتدى
اى مكان زيى مافية الحلو فية كمان الوحش .. وإنتى عمرك ما هاتلاقى مكان كل اللى فية كويسين والنفاق موجود فى الدنيا
ولو عندك مشكلة ماتهربيش منها .. لو إنتى على حق إقفى قدام المشكلة دى وحاولى تحليها .. لو معرفتيش تحليها لوحدك إخواتك فى المنتدى موجودين .. ويتمنوا إنهم يساعدوكى

وياريت ماتسيبيش المنتدى ودة رجاء خاص منى

شكرا .....

ايه ده هوا انا اول اما اجى كلكو تمشو لا محدش هيمشى خليكو جدعين

يا جماعة والله العظيم انتوا اللى ممكن تخلوا المكان اللى اتجمع فيه اجمل اصدقاء ده "اجمل مكان واجمل جروب" وانتوا بردوا اللى ممكن تخلوه " كدبة زى مابتقول كليوباترا"
ليه!!!!! ماتقدروش تفضلوا فى المنتدى واحنا بنحب بعض كلنا ومانظنش فى بعض اى حاجة سيئة !!!
لو انتوا ماتقدروش خلاص انا مش هاقدر اخليكم تتغلبوا على نفسكم وتحاولوا غصب عنكم
بس فعلا اتمنى من كل قلبى يا مصطفى ان انت ترجع تانى وانت يا باسم ياريت تكلمه على الفيس وتقوله
وانتى يا اجمل كليوباترا انتوا قامت مابينكم مسابقات محترمة فياريت ماتضيعوش اللحظات الحلوة دى بسهولة كدة


تحيــــــــــــــــــــــــــــــــــــــــــــــــــــــــــــــــــــــــــــــــــــــــاتى ليكم

لا حول ولا قوة الا بالله
مش عارف
فى عفريت ظهر مرة واحدة فى المنتدى

ويا كليوبترا
زى ما بتقولى ان المنتدى او النت طلع كدبة كبيرة او نفاق
خليكى شجاعة وقولى مين الكدبة
وقولى الى حصل
عشان خاطر الاعضاء الجميلة اللى هنا
ولو احنا مالناش خاطر عندك ما تقوليش واتهربى برحتك
بس انا من هنا هبتدى اخد عنك فكرة انك جبانة
فرجاء ما تخليش الفكرة ديه تدخل دماغى رجاءا

تعالى بقى المنتدى تانى لابلغ عنك البلطجية يجيبوكى بالاسلحة غصب عنك
ههههههههههههههههه
تعالى بقى انتى وحشتينى والله ومافيش حد هرخم عليه غيرك

بص ياجماعة انا مش هسيبكم بس انا مش هدخل تاني لحد امتحانات اخر السنه متخلص وهرجع ارخم عليكم تاني وانت يا باسم مش هسيبكم وافتكر كدة ولا انت ولا مصطفي وانا مش عشان مشكله هبله مش هسيبكم يالا باي لحد مرجع تاني وادعولي

يلا ربنا معاكى يا قمر الثانوي العام صعب اوى انا كنت فيه ومجرباه ربنا يوفقك

ربنا معاكى يا كليوباترا ويوفقك يااااااااااااااااااااااااااااااااااارب
وهاحاول اصبر نفسى لحد ماترجعى
بجد هاتوحشينى......
عقبالك يا مصطفى ماترجع لعقلك وترجعلنا تانى

لو على الثانوية العامة اوكى
لكن لو فيه حاجة تانية
بردوه هبلغ عنك البلطجية تانى
هما وقفين مستنين امر منى
وربنا معاكى يا قمر ومش هقبل اقل من 106 %
ومليش دعوة جيبيهم بالذوق بالعافية وماتنجحى انشاء الله تبقى تعذمينى على حاجة ساقعة