حوار مع اثنين طرش

الأول : الأتوبيس ده بيروح مصر الجديدة ؟

الثاني : ايه على الحديدة ؟ إنت طالب إحسان ؟

الأول : بذرة الكتان ؟ تلاقيه عند العطار .

الثاني : جزار ؟ انت عايز تشترى لحمة ؟

الأول : زحمة ؟ أصل ده معاد خروج الموظفين .

الثاني : قمر الدين ؟ مبحبهوش

الأول : ما بتطفحهوش ؟ ليه كفى الله الشر ؟

الثاني : راس البر ؟ دة مصيف محترم .

الأول : الهرم اتخرم ؟ دي حتة جميلة .

الثاني : بليلة ؟ هو انت جعان ؟

الأول : عيان ؟ يا عم شوفلك تاكسي يوصلك لباب العمارة .

الثاني : إمارة ؟ هو انت لسة اتأمرت ؟

الأول : اتأخرت ؟ دي الساعة لسة ثلاثة .

الثاني : شحاتة ؟ ياعم شوفلك شغلانة تاكل منها عيش .

الأول : خيش ؟ دة صوف انجليزي ؟

الثاني : بنتك زيزي ؟ ربنا يخلي .

الأول : انتاج محلي ؟ دة شغل بلاد برة .

الثاني : المبرة ؟ هو انت لسة عيان ؟

الأول : دخان ؟ أصل اليومين دول السجاير بقت حراقة .

الثاني : كريم حلاقة ؟ دة أنا باستعمل انجرام .

الأول : أنا ما عنديش احترام ؟ أهو انت اللي ماعندكش احترام

( يقوم الشجار بينهم ويدخل الشاويش )

الشاويش : الله ... الله ... وكمان بتتخانقوا قدامي ؟

الأول : مين حضرة الشاويش ؟

الشاويش : وكمان تجار حشيش ؟ قدامي على السجن .

طب واللهى البتاع ده عملوه عندنا فى فقره من فقرات حفله عيد الام وكان جميل

اه يا دلوعة ما هما عملوه عند اختى وجت اختى حكيتهولى وعجبنى مووووووووووت

جميلة اووووووووووووووووى يا ريناد هههههههههههههههههههههههههه

مرسى ليكى يا عبير يا قمر
جكيل علشان انتى قرأتيه

هههههههههههه
حلو اوووووووى الموضوع

مرسى يا شريف

جميل جدا شكرا احني بنستني الجديد منك يا جمبل

ربنا يخليكى يا اجمل بنوتة

بجد جميل اوووووووووووووووووووووى
يا قمر

شــــــــــكــــــر

ربنا يخليكى يا نودى

ahg

يالهوي طرش طرش مش اي كلام يعني
هههههههه ميرسي ياقمر

هههههههههه
مرسى ليكى يا اجمل كليوباترا