انا عندى مشكلة وارجوكم ساعدونى فيها بنصائحكم بليز

اولا انا مش هتكسف من اى حاجة وهحكيلكم قصتى وفى قصتى مشكلتى
وارجوا منكم ان تفيدونى باى مساعدة ورأى

اولا انا واحد عمرى ما حبيت اى بنت او بمعنى دخلت فى علاقة عاطفى ابدا كانت حياتى هى الشغل والدراسة وبعض الاصدقاء
الكلام ده استمر لغاية سنة تالتة جامعة لغاية ما اتعرفت على بنت ولاول مرة مشاعرى تتحرك ناحيتها واحس بحاجات اول مرة اعرفها وا احسها وبعد كده حبيتها وحبيتها اوى كمان لدرجة انها بقت عندى كل حاجة بمعنى الكلمة وما بقتش عارف انا ازاى ممكن تعدى على ثانية من غير لما اسمع صوتها وكان عندى استعداد من عمق حبى ليها وشدة انى اموت نفسى لو طلبت منى ده لانى اول مرة احب حد فيها لغاية ما فى يوم بعدت عنى من غير اى سبب وغيرت رقمها وماعرفش عنها اى حاجة ومن ساعتها وانا كنت بروح لحد بيتها واقعد كل يوم بعد الشغل اقعد هناك ساعتين او ثلاثة على امل انى اشوفها وكان ده مصبرنى وواجع قلبى كمان لغاية لما ردت عليا فى يوم على الايميل بتاعها وبعتيتلى رقم تليفونها واول لما كلمتها حكيتلها على اللى حصلى لما سبتنى وكنت انا بعمل اى كل يوم والموضوع اللى انا كنت فيه عما يقرب من سنة ولما كلمتها قبلت مشاعرى ديه بكل برود وما قدرتش اللى انا كنت فيه حسيت ساعتها بوجع اكبر ما كنت اتخيله وحسيت انى قلبى سابنى وبعد عنى ومابقتش عارف بجد الاقيه ومن ساعتها وانا قلبى ماااات وما بقتش حاسس بأى حد وكل لما اقابل بنت تحبنى بجد ما احسش بيها ابدا واكنها مش موجودة اصلا
ومابقتش عايز حاجة ولا عايزها ترجعلى ولا عايز احب حد تانى او ما بقتش عارف احب حد تانى بجد مش عارف اعمل ايه حاسس انى بضيع نفسى بأيدى ومش عارف
لو حد يعرف ينصحنى انا اعمل ايه او اقدر ازاى الاقى قلبى تانى ارجوكم جاوبونى
لانى والله بجد انا ماليش حد خالص فى الدنيا ديه غير الاصدقاء اللى على المنتدى ده برغم انى ما اتكلمت مع اى حد فيهم حتى على الخاص بس حاسس ان انتم قريبين منى
وبثق فيكم بجد اذا كان على المنتدى الاول او الثانى ده
انا هستنى ردودكم او نصايحكم بليز
واسف بجد على الازعاج

بص يا باسم مع ان انا بنت بس انت غلطان من الاول ...يا سيدى ماكنتش عارف تتقل شوية؟!!
*
بص هو فيه بنات كدة او بمعنىى أصح وصدقنى"الانسان بيحب دايما اللى منفضله ومش حاسس بيه ولكن بيبعد عن اللى بيحبه" بصراحة أنا نفسى اعرف ليه؟ّ!!
المهم .... من رايى يا باسم انك تحاول تبعد عن الصدمة اللى واجهتك مع البنت الاولى ومافيش انسان معفى من الخطأ . فحاول تتعلم من خطأك المرة اللى جاية وحاول تتغلب على نفسك. صدقنى انت قدها بس انت يكون عندك ارادة وعزم على التخلص من المشكلة دى
لان العمر بيعدى يا باسم
فحاول تتغلب عليها وتحاول وتحاول تحب بنت """تستاهل حبك""""
وابقى اتقل المرة اللى جاية
وربنا يوفقك يارب

انا بجد متشكر ليكوا جدا

بس انا فعلا نسيت البنت ديه لانى اتولد جوايا كره كبير جدا ليها خلانى كرهتها ونسيتها فعلا بس المشكلة هنا انى مابقتش بحس بأى حد مش بنات بس انا بقيت حتى لما يحصل حاجة لصحبى مش بهتم واكن وجوده زى عدمه وده خسرنى كتير من اصحابى ومش عارف ارجع تانى ازاى زى ما كنت
المشكلة انى كنت اول مرة احب حد والانسانة للى احبها تعمل كده فيه من غير ما اعمل حاجة
بجد انا مش عارف ارجع الانسان اللى انا اعرفة تانى

انا متشكر ليكوا بجد انتو اخواتى واكتر كمان
بس انا عايز اعرف ايه هو الطريق اللى اقدر ارجع تانى للانسان اللى عرفته زمان انا ما بقتش عارف نفسى وقربت اكره نفسى بجد
انا تعبت بجد

تكره نفسك ليه حاااااااول على قد ما تقدر تنسى لان الدنيا مش هتقف عندها ومفيش غيرهل فى الدنيا بكره تحب وتتحب وتلاقى الانسانه الى تقدرك بجدددد وهيا لو سابتك وانت معملتش حاجه يبقى هيا مكنتش بتحبك
فحاول تتغلب على الى انت فيه ده

انا متشكر ليكى جدا على مرورك
بس انا بدأت اكره نفسى عشان بقيت بخسر ناس بسبب اللى انا فيه
وانا فعلا نسيتها يعنى هى مش فارقة معايا دلوقتى
وانا فعلا عرفت بنت تانية وكانت بتحبنى اوى وبجد ربنا يحميها يارب كانت بتعمل اى حاجة عشان تسعدنى وترضينى بس المشكلة فيا انا انى انا ما حسيتش بأى حاجة من ناحيتها ولا ناحية اى حد تانى وما بقتش عارف زاى اتخلص من الاحساس ده وارجع احس بالناس واصحابى تانى حاسس انى قلبى بس بينبض وبس عشان اعيش وباقى الوظايف مش بس واقفة ديه بايظة

متشكر ليك جدا يا درش
انت كلامك زى اخويا بالظبط

وعندك حق مصر قبل 25 يناير غير مصر بعد 25 يناير

ههههههههه ماشى

المهم انت بقى روحت التحرير وشاركت مع الناس اللى كانوا هناك ولا قضيتها القناة الاولى والجزيرة

رحت يوم التنحى حظى جميل اوووى

يابختك انا كان نفسى اروح والله بس اعمل ايه نصيبى
اصل انا رجلى اتكسرت فى يوم الجمعة يوم الغضب
ووالله يا مصطفى ما كنت اعرف ان الموضوع فى اليوم ده هيقلب كده
ماكنتش روحت يالا نصيبى
ومبروك علينا

ربنا يقومك بالسلامه يا باسم ورجليك تخف ان شاء الله

اولا:ربنا يقومك با السلامة يا باسم
ثانيا با النسبة لموضوعك انا بقولك انه يمكن ان النسيان بالنسبة لحالة اول حب تكون صعبة جدا لان مشاعرك كلها بتكون متجهة الي من تحب وعند الصدمة بتتصدم جدا بس بقولك حاو تسيطر علي نفسك امام الناس واللي هينسيك هو تفكيرك في دراستك وفي طموحك انتا عايز تبقي ايه في الحياة وغير كدة رضا الوالدين فكر فيها ايضا علي العلم اني لسة مدخلتش في مشكلة زي دية لكن بعرف ازاي اتخطي اي مشكلة وذلك بفضل الله تعالي

انا بجد متشكر ليكى جدا يا كليو بترا واهتمامك
بس انا فعلا بعد اللى حصل ده فكرت بس فى دراستى وده خلانى انسى اصحابى ووجباتى تجاه اهلى واخواتى
انا فى واحد صديق ليا قالى ان انا اللى هينسينى انى اقابل بنت تحبنى وتعرف نقطة ضعفى وتدخلى من ناحيتها وتغيرنى خالص من النقطة ديه
ولازم تكون غير اللى انت عرفتها خالص فى طبعها وتصرفاتها
بمعنى تخلينى مش عارف هى عايزة ايه منى
بمعنى اوضح تشغلنى وتخلينى دايما بفكر فيها وفى اللى بتعمله

وانا بدأت فعلا اقتنع بده وبقول يا رب


وانا بجد متتن انك اهتميتى بمشكلتى
شكرا جدا