أنا حبيت أكتب الكلام دة عشان نحس إحنا كنا إية قبل إنتفاضة 25 يناير وبعد 25 يناير
وعشان نحس بقيمة اللى الشباب المصرى العظيم دة عملوا...عشان نبطل نحس
إن المصرى بالصورة دى ولكم خالص إحترامى وتقديرى:
أنا مصرى..ايوة انا مصرى .. إية الغريب فى كدة!!!!..أنا مصرى والله مصرى إنتوا
لية مش مصدقين إنى مصرى؟؟!!...انا بمشى جنب الحيط ومش بفتح بقى .. عرفتوا
بقى إنى مصرى؟؟..أنا ماليش رأيى ومانيش حر ومليش حق .. صدقتوا بقى إنى مصرى
.. انا خواف وجبان بخاف من الصهايينة والأمريكان ابقى اية ؟؟ ابقى مصرى .. انا
مابقتش عروبى ولا قومى .. عايزينى شرق اوسطى ولا ية دعوة باخويا ولا ابن عمى ..
انا بحجز بس .. ابقى اية؟ ابقى أكيد مصرى .. انا مابقاش يهمنى فلان سرق وعلان
نهب ولا يهمنى إنسان ظلم او إتظلم .. انا مايهمنيش الأسعار تبقى نار .. بسكت ولا
بهرى ولا بنكت .. هاا مش كدة ابقى مصرى؟؟انا شايف الغش والسرقة والرشوة والوث
مية النيل بأدية ولا اختشى... ايقنتوا دلوقتى إنى مصرى؟؟ أنا قوى .. وبستحمل وبستعبط
وبسوق الهبل .. وأسوق لحد إسكندرية فى ساعتين .. وأروح مشوار لوسط البلد فى
أربع ساعات عشان موكب سيدنا وتاج رسنا واللى أنضف مننا .. والله العظيم أنا مصرى
.. عليا الطلاق بالتلاتة انا مصرى .. يبقى انا مصرى لأن مصر دى بلدى .. مصرى
يعنى مصر دى كلها بتاعتى .. والله العظيم أنا مصــ............... لأ .......
أستغفر الله العظيم كنت هاكدب .. أنا مش مصرى .. لأن مصر مابقتش بتاعتى .. مصر
كذبتنى وخونتنى وهدتنى وشحتتنى وقهرتنى واستغفلتنى وكممتنى وطرشتنى واستعمتنى
.. طب وكتاب الله .... إيــــــــه!! هو انهى كتاب فيهم .. أصل الحكومة
كمان...كفرتنى
من مسرحية خيبتنا للفنان المحترم : محمد صبحى
موضوع: وربنا مصرى... 
الجمعة 11 فبراير - 7:53:14
