ساعدونى

انا بجد فى ورطة انا محتاجة مساعدكم حد يقولى اذاكر ازاى مذكرة جيدة جداااااااااااااااااا

بس انتى علمى ولا ادبى وفى تانيه ولا تالته وايه المواد اللى واخداها

وانا هرد عليكى انشاء الله ....

سؤال حلو انا كمان عايزاه

mustafa.sharf كتب:

بس انتى علمى ولا ادبى وفى تانيه ولا تالته وايه المواد اللى واخداها

وانا هرد عليكى انشاء الله ....

انا فى تانية ادبى فلسفة

بصى اول حاجه علاقتك مع ربنا هتلاقى نفسك مرتاحه للمذاكره وطبعا اهم حاجه
تنظيم وقتك بالنسبه للفلسفه انا فى تالته وباخد فلسفه انا من راى كنتى خدى علم نفس
فى تانيه افضل المهم بالنسبه للمذاكره اختارى افضل وقت بتبقى فايقه فيه وخصصيه
للمذاكره .. ايه بقى المشاكل اللى بتقابلك انتى بقى فى المذاكره ؟؟

بصى انا مش فاكر كنت بذاكر فى الثانوى ازاى
بس هقولك انا بذاكر ازاى فى الجامعة حاليا


انا لما بذهق خالص ومش عارف افهم كنت بمسك الكتاب واقعد قدام المرايا واشرح لنفسى المادة واكنى بشرح لحد معايا واعمل لنفسى اسألها واجاوب عليها ولما اخلص جزء كبير من المادة اعمل لنفسى اختبار بس يكون صعب جدا واحله والاسئلة اللى ما اعرفهاش اخشها اول مرة بس وبعد ما اخلص اقراء الدرس تانى واجابات الاسئلة اللى عملتها
وابعد شويا عن المذاكرة حوالى ساعة وارجع احل نفس الاسئلة تانى بس تكون شفوى قدام المرايا برضوا وبعد كده اكتبها بعد ما اسمعها لنفسى وبعد كده اقراء اجابات الاسئلة تانى تأكدى ان الدرس ده لو بعد سنة مش هتنسيه ابد ابد لان العقل والذاكرة دخلتها المعلومة اكثر من مرة وبطرق مختلفه ومتكرره هتلاقى نفسك حفظاه زى اسمك وهكذا باقى الدروس ولما تخلصى المادة كلها تبقى تقوليلى وانا اقولك تعملى ايه بقى عشان ده موضوع طويل

والمهم انك لما تكونى بتذاكرى وبتشرحى لنفسك يكون جنبك زجاجة مياه او اى عصير او اى مشروب وتعيشى دور الاستاذ وكده بجد الطريقة ديه جامدة جدا ومجربة وناجحة بنسبة 95% وجربى وقوليلى ايه رأيك

هو اول مرة هتحسى انك مجنونة شويه لكن لما تقعدى فترة وتتعودى عليها هتستمتعى بيها جدا

اى خدمة والحساب 40 جنية حق الدرس

شكرا يا باسم بجد انا هاجربها

بخصوص 40 جنية ينفع المرة الجاية علشان معملتش حسابى

ياواد انتا يا جامد

شكرا شكرا
المهم ايه رأيكم فى الفكرة ديه مش تقدر تخلى الواحد يعرف يحفظ ويفهم فى نفس الوقت ولا انا غلطان

ايه المذاكرة الجامد دى يا باسم
والله فكرة جامده اوى

بس مش مجنونة الفكرة ديه شويه ولا ايه

هى مجنونة اه بس لذيده
وبتخلى الواحد ما يحتجش لدرس خصوصى
وبيفهم كمان
لان هو اللى بيشرح لنفسه وبالطريقة اللى هو بيقدر يفهم بيها صح وكده يبقى الواحد مايقولش مش فاهم لان لو انت ما فهمتش نفسك تبقى غبى غبى غبى غبى غبى غبى غبى غبى غبى غبى

اشكرك جدا يا باسم للمساعده الجميله ديه

جربتيها يا عبير

اه نجحت جدااااااااا