عضو فى ورطه(طمطم)

ازيكم يا شباب وكل سنه وانتم طيبين .....

في إطلاله جديدة في كرسي اعتراف جديد

لعضوه مميزه ومحبوبه

وردودها المميزه دائما

تسكن هذه العضوه في جزيرة منتدى النهضه الثانويه بنات

في وسط المنتدى وبين اصدقائها صاحبه لقب

عــــــــــــــــــــــــــــــــــــــــضو ذهبـــــــــــــــــــــــــــــــــى
رحبو معايا بالعضوه طمطوطه
عايزاها تقول احد احد

طمطم يا حبيبتى
حبيت انى اكون اول واحده اسئلك
مين هو اول حب فى حياتك
وقولتيله ان انتى بتحبيه ولا لا؟؟

ايه اصعب قرار ختيه؟؟

وعمرك ختى قرار وندمتى عليه قبل كده؟ لو الاجابه اه
قولى ايه هو القرار ده

-مــــن انـــــــت ؟

2- ماهو هدفك ؟

3-ماهي أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهها ؟

6-ماهي التجربه التي تتمنى تكرارها ؟

7-ماهو أفضل مكان تتردد إليه ؟

8-مـــــن يطـــــربك ؟

9-من هو توأم روحك ؟

10- ماهو اكثر شئ تخشاه ؟

11- مالذي يشعرك بأكثر قدر من الحرج ؟

12-شخص تحتاج لقربه الآن منك ؟؟

13-متى تغضب ؟

14-باقة ورد لمن تهديها ؟

15- باقة شوك لمن تهديها ؟

16- شخص لاترفض له طلبا ؟

17-ماهي أعظم صفة تفضلها ؟

18-وماهي اكره صفة تنبذها ؟

19-أعظم شيء فقدته ؟

20-وأعظم جرح دفنته ؟

21- اسوأ خبر سمعته ؟

22-ماذا يمثل لك الموت ؟

23-دعوه صادقه من اعماق قلبك لمن تهديها ؟

24-اوصف نفسك كما تراها ؟!

25-و اخيراً صف نفسك بكلمات بسيطة كما يراك الناس ؟؟؟؟

لا يا جماعه بطلو رخامه واسالو

لالالا انا مبسألش عشان كل الاسئلة بتبقي معظمها مكرر وبعدين مبحبش اضغط عليكم هههه وكمان هيا لسه مردتش عالدفعة الاولي

ميرسى يا توته ع المقدمه الهايله ديه

وميرسى يا محمد ع زوقك

بس يا جماعه اول اما القى وقت فاضى هجاااااااااوب ع طول
معلش يا بنوته استنى شويه ومتسخنيش حد عليا

مممممممممممم
ماشى يا مصطفى
ربنا يقدرنى عليكوااااااااااااااا

توته كتب:

طمطم يا حبيبتى
حبيت انى اكون اول واحده اسئلك
مين هو اول حب فى حياتك
كان حد قريبى
وقولتيله ان انتى بتحبيه ولا لا؟؟
لاه

ايه اصعب قرار ختيه؟؟
مظنش ان اخدت قرار اصلا

وعمرك ختى قرار وندمتى عليه قبل كده؟ لو الاجابه اه
مفتكرش
قولى ايه هو القرار ده

ميرسى ليكى يا احلى توته فى الدنيا

انا لو سخنتها هخليكى نشدى فى شعرك
ههههههههههههههه

البنوته الجميله كتب:

-مــــن انـــــــت ؟
طمطم ومظنش ان انا حد اكتر من كده

2- ماهو هدفك ؟
انى ادخل كليه كويسه

3-ماهي أمنيتك ؟
ان اخلى ابويا وامى احسن ناس واسعد ناس فى الدنيا

4-ماهي رؤيتك للحياة ؟
زى ما فيها حزن فيها فرح بس بتختلف نسبها من انسان لاخر

5-ماهي رسالتك في هذه الحياة ولمن توجهها ؟

ايه الاسئله الجامده ديه...........لما القى رساله ليا الاول
6-ماهي التجربه التي تتمنى تكرارها ؟
ممممممممم مفيش

7-ماهو أفضل مكان تتردد إليه ؟
اى مكان اكون شايفه فيه القمر

8-مـــــن يطـــــربك ؟

ام كلئوم
9-من هو توأم روحك ؟
اختى واصحابى
10- ماهو اكثر شئ تخشاه ؟
الفراق

11- مالذي يشعرك بأكثر قدر من الحرج ؟
لما حد يكسفنى بحاجه انا مقصتهاش

12-شخص تحتاج لقربه الآن منك ؟؟
اصحابى

13-متى تغضب ؟
لو حد عصبنى وفهمنى غلط

14-باقة ورد لمن تهديها ؟
بابا وهاله وناريمان واصحاب المنتدى كله

15- باقة شوك لمن تهديها ؟
مممممممم مفيش حد بيوحشنى
علشان اشتقله

16- شخص لاترفض له طلبا ؟
بابا و ناريمان

17-ماهي أعظم صفة تفضلها ؟
الطيبه

18-وماهي اكره صفة تنبذها ؟
الكذب


19-أعظم شيء فقدته ؟
الى وقتنا هذا (جدتى)

20-وأعظم جرح دفنته ؟
مفيش

21- اسوأ خبر سمعته ؟
موت جدتى

22-ماذا يمثل لك الموت ؟
اكتر حد يا خد منك روحك ومتقدرش تقوله لاه


23-دعوه صادقه من اعماق قلبك لمن تهديها ؟
ممممممممم اهديها للشباب كلها
(اذا اردت شىء فاطلق سراحه فان عاد اليك فهو ملك لكوان لم يعد فانه لم يكن لك منذ البدايه)
لان معظم الشباب ممكن تضيع ورا اى حاجه تروح منها

24-اوصف نفسك كما تراها ؟!
انسانه عاديه جدااااااااااااا بحب الناس
وبعشق لغه العيون وصعب جدا حد يفهمنى
وووووووبس

25-و اخيراً صف نفسك بكلمات بسيطة كما يراك الناس ؟؟؟؟
اسبكوا انتوا بقى الللى تجاوبوا ع السوال ده

وميرسى ع الاسئله الجامده ديه

طب ليه كده بس
؟؟؟؟؟؟؟؟؟؟؟؟؟؟؟؟؟؟؟؟

يلا باى دلوقتى وانتظرى منى اسئلتى انشاء الله !!!!!!!!!

بس يارب تكون خفيفه

احنا معندناش اسئله خفيفه
ههههههه

يا ستى وانا مستعده لاى اسئله

Bravo TamTam Keeeep Going

رومانسى

URW

دى بثى اسله عامه



1- أول من بنى السجون في الإسلام هو

2- أول جبل وضع في الأرض هو

3- أول من ركب الخيل هو

4- من قائل لولا أن الموت أتاني لجعلت كل الدول الأوروبية إسلامية هو

5- أول من عدا بفرسه في سبيل الله هو

6- أول حي من العرب أدوا الصدقة طائعين هم

7- أول أولاد آدم عليه السلام هو

8- أول من سمى القرآن بالمصحف هو

9- أول فدائية في الإسلام هي

10- أول من رمى بسهم في سبيل الله هو
11-أول من كتب ( بسم الله الرحمن الرحيم ) هو

12- أول مولود في الإسلام هو

13- كانت زرقاء اليمامة تبصر من مسيرة تقارب :-
=

14- أول ما خلق الله تعالى هو =

15- أول بيت بني في الأرض هو

16- أول من خط و خاط هو
17- أول من اختتن و ضاف الضيف هو

18- أول من حفظ القرآن الكريم عن ظهر قلب بعد محمد – صلى الله عليه وسلم - هو (

19- أول من اتخذ جهاز شرطة في الإسلام و جعل لها جهازا مستقلا لحفظ الأمن هو (

20- أول من يكسى يوم القيامة هم

21- أول ما يتكلم من الإنسان يوم القيامة ، و يشهد عليه هو.

22- أول ما يقضي بين الناس يوم القيامة هو
23- أول من سل سيف في سبيل الله هو .

24- أول من قدم المدينة من المهاجرين هو

25- أول آية نزلت في القتال قوله تعالى ( أذن للذين يقاتلون بأنهم ظلموا و إن الله على نصرهم لقدير ... )

26- أول من حكم بقطع السارق في الجاهلية هو

27- أول من يدخل النار من هذه الأمة هم السواطون ، و

28- أول من قال : و أما بعد : هو

29- أول من استشهد من الأنصار يوم بدر هو
30- أول معركة بحرية إسلامية هي

عبال اما احل الاسئله ديه
هكون انا اول واحده اموت بسببكوااااااااا

الف بعد الشر وهنلاقي طمطم تاني ازاي بعدك

اه عندك حق هو احنا عندنا كام طمطومه

هههههههههههههههههههه
طب اعمل ايه يارومانسى بس
قولى انت البنوته خلاص هتجبلى الضغط

هههههههههههههههههههههههههه الضغط والسكر وكل حاجه
هههههههههه

لالالا عادى بس الاسئله كلها وحده

ربنا معاكى يا طمطومه

ازييك يا طماطم ايه اللى البنوته بتعمله معاكى ده هههه على العموم هفكرلك فى كام سؤال

وهقولهملك

عايزاك تفرقع زى القمبله عايزه قمبله مش اسئله

واللهى يارومانسى انا معاك جدااااااااا
وبعدين بصراحه معظم الاسئله
مش عارفها مش هكذب عليكوا
ويا بنوته ارحمينى شويه شوفى رومانسى الرحمه بتشع من عنينه ازاى
ومرسى ليك يا مصطفى انا كويسه انت اللى عامل ايه
ومستنيه اسئلتك ياكابتن

ايه يا جماعه ايه الكابه الى انتو فيها دى حسه ان مفيش فرفشه ولا اى حاجه كده
تؤ تؤ تؤ تؤ تؤ تؤ تؤ تؤ تؤ تؤ مش دمكو خفيف

المنتدى بقى تعبان صح مش كدا

اه واللهى عندك حق

يا جماعه معلش النت كان فاصل
على العموم وحشتونى ومتزعلوش

mustafa.sharf كتب:

ماشى يا عفريته خدى اسئلتى :
مقبوله منك يا درش
1_ حبيتى كام مره ؟؟
هتصدقنى لو قولت انى مش عارفه انا حبيت اصلا ولا لاه
2_اول حرف من حبيبك لو مفيش مانع ؟
ممممممم (ا)بتهيئلى
ههههههههه
3_ معتقده انى الحب اللى انتى عايشاه فعلا حب حيقيقى ولا مراهقه؟انا قولتلك انا مش عارفه اصلا ده حب ولا لاه
4_نفسك تخشى كليه ايه ؟
بم انى بقى حولت ادبى
نفسى ادخل السن او فنون جميله
5_اكتر ماده بتحبيها ايه ؟
الرياضه
6_احسن اسم ولد وبنت بالنسبه لكى ؟
ولد:ادم ــــــــــــ ـبنت:ارين
7_كانوا بيدلعوكى وانتى صغيره بيقولوك ايه ؟
كتييييييييييييييير
طمطم وطاطا وبطوطه وكده يعنى
8_اختارى عضو من الاعضاء واهديله نصيحه ؟
انا اللى محتاجه النصيحه واللهى
9_افضل مطرب وممثل بتفضليه ؟
مطرب؟محمد منير وعمرو دياب
ممثل؟احمد السقا وحسن الرداد
10_ايه رايك فى الشباب اليومين دول ؟
اجمل شباب بجد جواهم حجات كتير حلوه بس هما اللى مش عارفين يوظفوها صح
11_صفه حلوه فيكى وعاده نفسك تتركيها ؟
ممممممممممممم صفه بجيد تعامل الناس اللى حدا ما
عاده النت اللى هيضيعنى
12_ ممكن تتجوزى من اصغر منك ؟
لاه
13_لخصنا حياتك فيما لا يزيد عن سطر جو امتحانات اهو ياستى؟
ههههههههههههه ياباشا براحتك
بس حياتى كلها تعتبر يوم معرفش ان كان صح ولا غلط بس انا بحاول اكون فيه كويسه
بس بسيطه جدا يعنى مش مليانه مغامرات ولا مواضيع
14_لو بتحبى حد والحد ده مش قادر يتقدملك واتقدملك عريس جاهز
ووالديك موافق هتعملى ايه ؟؟
استحاله اتجوز حد انا مش عايزاه
ووالدى بيكون مقدر ذلك
15_لو كنتى ولد هتعملى ايه ؟
يااااااااااااااااااااااااه تصدق ده احلى سوال
اولا هخرج براحتى فى كل حتى وارجع الفجر
ثانيا استحاله كنت اخلى بنت تزلنى لانى بشوف شباب كتير بضيع من كده
16_قولنا نكته حلوه زيك كدا
انا ماليش فى النكت خاااااااااااااااااااااااااااااااااااالص
17_اكتر عضو قريب منك فى المنتدى ؟
هما كتير
طبعا انت و رومانسى وتوته وماتريكس
18_عضو ذكى ؟توته
19_عضو دمه خفيف ؟هاله
20_عضو رومانسى ؟رومانسى طبعااااااااااا
21_عضو مثقف ؟مصطفى شرف
22_عضو تفرحى بوجوده ؟كلكم واللهى
23_هل تعتقدى بالصداقه بين الولد والبنت بدون ان تتحول الى حب ؟
مممممممم ممكن بس لو كان برده فيها حدود يعنى لازم يكون فى خط احمر
واكيد مش هتكون زى البنت والبنت او الولد والولد
وفعلا فى الغالب بتتحول لحب بس كده كانت الصداقه طريق للحب والصداقه عمرها ماتبقى طربق لحاجه هذا من راى
24_عندك اخوات ؟
عندى اخت اسمها سلمى 3 اعدادى
25_ كلمه تقوليها لصاحب الاسئله ؟؟؟
بجد يا مصطفى كنت مستمتعه بالاسئله جدا
وانت فعلا والاعضاء المقربين ليا هنا فى المنتدى
ومثال فعلا للزميل المحترم
شكراااااااااااااااا جدا


قابلى يا حاجه طمطم وانتظرى باقى الاسئله يا عفريته ههههه

انا مستنيه ومن غير زهق خااااااااااااااااااااالص

15_لو كنتى ولد هتعملى ايه ؟
يااااااااااااااااااااااااه تصدق ده احلى سوال
اولا هخرج براحتى فى كل حتى وارجع الفجر
ثانيا استحاله كنت اخلى بنت تزلنى لانى بشوف شباب كتير بضيع من كده

ههههههههههه ترجعى الفجر من اولها صياعه بس احلى حاجه اولتيها تانى نقطه
وعلى العموم انتى حلوه كدا بلاش تبقى ولد احسن

4_نفسك تخشى كليه ايه ؟
بم انى بقى حولت ادبى
نفسى ادخل السن او فنون جميله

ليه كدا يا طماطم !!

ههههههههههههههههههههههههههههه
هتصدق اننا بنحضر لخروجه العيد من اسبوعين ومش عارفين نروح فين
من الشباب اللى ماليه البلد والزحمه كمان وعلشان يكون مكان نرجع منه بسرعه
لو كنت ولد بقى كانت الحكايه عادى


لكن بالنسبه لليه كده انت قصدك على ايه

حولتى ادبى ليه

قدر الله وماشاء فعل و
رحم الله امراء عرف قدر نفسه

بتعرفى تشديييه ولا اجى اشدو معاكى هههههههه

عثـــــــــــــــــــــــــــــل
عسل يعنى مش ممكن

خفه
هههههههههه مش ممكن الخفه دى ههههههههههههه

ماشى يا عسل انتى وهى فين الاسئله بقى ولا انا اللى هسأل لوحدى