اسئلة مستفزة جدا

الاسئله بتبقى مستفزه للى بيتسأل وبكون عايز يخنق اللى بيسأله او ميردش عليه

بصوا التصرفات دى والاسئله الرذله دى

1_واحد داهن الحيطه ولسه مانشفتش وكاتب يافطه اد دماغه حاسب الحيطه لسه
مدهونه يقوم يجى واحد ظريف وحاطط ايده عليها وبيلمسها وبيقول ده لسه منشفتش فعلا
(يعنى هو لازم يحلف)

2_أنت في أوضتك على السرير وطافي النور ومتغطي فيجى اخوك مثلا ويقولك انت هتنام ولا ايه؟ سؤال ينرفز
(( اكيد انا مش فى وضع رقص وواضح اوى ان انا هنام))

3_أنتم معزومين عند ناس ورحتو لبيتهم وأول ما فتحولكوا الباب سألوكوا ايه ده انتو جيتواا ؟
(لا لسه والله ما جيناش)

4_أنت لابس هدومك و متأنتك و على سنجه عشره وريحة البارفان
واصله لاخر الشارع وخلاص بتفتح باب الشقه يجي حد من أهلك
وينادي ويسألك بصوت عالى انت خارج؟
(( لاء دانا لسه راجع ))

5_ماسك سماعه التلفون وقاعد بتدوس على الارقام يجي حد من أهلك مثلا ويقولك انت هتتكلم في التليفون ؟
(( لا بتفرج عليه أكيد بتكلم ))

6_مثلا : ماسك مذكرة أو كتاب وقاعد بتحفظ ومتحمس اوى جه حد وقالك :انت قاعد بتذاكر ولا ايه؟
(( تقوم رامي الكتاب و تقوله لااااااااء ))

7_واحد بيخبط على الباب وانت رايح تفتح طبعا هتقول الاول مين ؟ فيرد عليك ويقولك انا
يا راجل تصدق كنت فاكرك مش انت

thx 4 u

Nice Topic

اصله بجد حاجه تخنق
اسئله بايخه وتشل
بجد هعيط

ولا خدوا بقى الاسخن
ربنا هاديك كده ... ماسك سبحه و عمال تسبح ، يجي حد من البيت يعدي
عليك ويقول :هوه انت بتسبح
(( لاء هفرطها و أسلقها ))

*****************

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب
الاغنيّة ديه ولا ايه ؟

(( لاء طالبها اخنق على نفسي))


*****************

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و
قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ..

(( أكيد يعني مش هيقولهم البقاء لله ))


*****************

,,,المذيعه الرخمه : وياترى بقى هتعملوا ايه العيد ده هتقضوه ازاي ؟
اكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيد عليهم و نقولهم كل سنه
و انتوا طيبين

(( سبتيله ايه يقوله يارخمه ))

****************

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!


(( يعني اساسي الواد لسه ما طلعلوش عرق الخسه علشان يقول لأ ))

*****************




كفايه كده عليكواااااا
اظن انتوا عارفين الباقي

نيس توبيك

ايه ده انتى اللى عامله التوبيك يا توته
هههههههههههههههههههههههههههههههههه
ههههههههههههههههههههههههههههههههههههههه
جامد اخر حاجه

hhhhhhhhhh
topic gamed zayek ya 2mr

:

nice ya tota men youmk bas dh el tabe3y beta3na

مرسى يا قمر بجد جامد اخر حاجة

حلوة جدا يا توته