مصر هى أمى ولا بتشتغلنى؟

مصر هى ام ولا بتشتغلنى ؟
انا ابنها وضناها ولا بالتبنى؟
بتفرق ليه ما بينى وبين اخويا الكبير
تطلع ليه فى عينى لجل مايلبس الحرير
وتقولى اصبر شوية يا ضنايا يا نور عنيا
امى بتضحك عليا مانا شايف خير قدام عنيا
مش لاقى فى بلدى شقة وامى تقولى استن شوية
افطر واتغدى دقة .....واللحمة للضيوف
واخويا ابن اللذينا واخد فيلا فى مارينا
وبسين كمان فى جنينا
انا ساكت غصب عنى ماهى امى وبتشتغلنى
مش لاقى وظيفة ليا اصرف منها واعيش
ومعنديش محسوبيه وبالتالى دخلت الجيش
واخويا حظة نار وبيقبض بالدولار
امى بتديلى كوسة وتقولى استنى على رخص الخضار

طبعا مصر ام الدنيا بس حبيت افضفض معاكو شويه
تقبلوا وموضوعى ويارب يعجبكوا

تحياتى : بنوته مسلمه
لا اله الا أنت سبحانك ان كنت من الظالمين

حلوه اوى تسلمى

ميرسى جدا على تعليقك
يا متركس

اتمنى المتابعه

سبحان الله بحمده سبحان الله العظيم

not at all

لا اله الا انت سبحانك ان كنت من الظالمين

ذوقك فى اختيارك صورك جبار اوى يا متركس



سبحان الله بحمده سبحان الله العظيم

شكرا للمجامله يا بنوته

صدقينى مش مجامله

فعلا صورك عجبانى جدا

بس بليز ممكن تقوليلى ازاى احط صوره بعد الكومنت اللى بتكتبيه

عشان احب احط صوره كدا برضه



لا اله الا انت سبحانك ان كنت من الظالمين

بصى انتى تدوسى على الصوره اللى انا حطاها ديه و هاتتحملك صفحه جديده دوسى على اختيار
ملف اختارى الصوره اللى انتى عايزها و بعدين دوسى تحميل بعد ما هيحمل اعملى كوبى للكلام
اللى قدام كود المنتديات و فى ملفى تدوسى على التوقيع و تعملى باست هناك و بس
اما لو محملتش معاكى الصفحه اعملى سيرش على جوجل و اكتبى مركز تحميل الصور و الملفات
بس يارب بتاعى يحمل معاكى عشان بتاعى بيحمل كل حاجه

حلوه اوى شكرا ليكي

جميله جدااااااا