رسالة الى بابا..

أبي الحبيب

مقدمــه لسيادتكــم برعــم نشــأ فى عهدكــم وتربّــى فى كنفكــم وشرب من
بحــر علمكــم وحكمتكــم التى أذهلــت العــدو قبل الصديــق

تسمـحلي أقــولّك يابابا ؟

بابا أنا تعبــان أوي ....لأ مــش سنانــي دي ودانــي !!!...أيــوه
ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش
منها حاجــة ...حقول لك شويــة حاجــات منها واخواتي هنا يمكــن يحبــوا
يزودوا عليها شــوية حاجات تانيــة جايز أكــون نسيتها ... بابا مــش
عايزك تزعــل منى علشان فتحــت لك قلبــي

(1)
بابا...بلدنا فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى

(2)
الدول اللى كان محــدش بيسمع عنــها خالــص بقت أحسن مننا بكتيــر أوي
يعنــى دول زي الهند...الفلبين...حتى تايــلاند عندهم إيــدز وبرضه
بيشتغلــوا وبيصدّروا كمــان....إنت نمــت يابابا؟ .....لسه صاحي... طيب
أكمــل

(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا
إيه واحــنا بقيــنا إيه....الإعــلام بتاعــنا بقه زبــالة بصراحــة
يابابا...تفتكــر ده من إيــه؟

(4)
الناس اللى عايشيــن بره محــدش بيســأل فيهم خــالص يابابا....تصــوّر لو
حــد منهم مات ...السفــارة مابترضــاش تبعت جثته إلا لــو الناس لمّــت
من بعضها ودفعــت المعلــوم......ده غير إن سفــاراتنا بتعاملهم بطــريقة
أخر جليطــة وقلّة حيا بصــراحة

(5)
إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب علشــان طعمــه أحلــى ....مش مهــم

(6)بابا...بيقولــوا إن إسرائيل ممكــن ترجــع تحتلّنا تانى علشــان
المعاهدة اللــي عمّــو .. مضى عليها دي.....مينفعــش تلغيــها يابابا
وندخّل جيــش مصــري في سينا

(7)
هــوه ليه عمــو عمرو خــالد وأنكــل يوســف القرضــاوى ملهمش برامــج على
التليفزيــون بتاعنا يابابا ؟؟؟....ليه كل البــرامج بتطلــع فيها روبــي
ونانســي ودينا؟؟؟....طــب عمو ....مابيزعلــش لما بيشــوف الحاجــات دي ؟

(8)
فيه إشاعــة بتقول إن عدد الجــراد اللى هاجم مصــر 70 مليون جرادة يعنى
نفــس عدد شعــب مصر وإن عمــو كمال الشاذلى هــوه اللى بعتهــم علشان
يقولــوا نعم يابابا .... صحيــح إنهم كتبــوا ليك مبايعة علــى ورق
الشجــر يابابا؟

(9)بابا ..... وزير الزراعة الجديد ده باين عليــه فقــر وقدمــه نحــس .... اوعى تفرط فيــه يابابا لأنــه بقى أملنــا الوحيد

(10)
بابا...إنــت صحيح ناوي تجــدد تاني في 2011 ؟؟؟

باباااااااا......سيب شعرررررري ياباباااا.......مين الناس دول يابابااااااااا

همّا واخدني ورايحين على فين يابابااااااااا

topic gamel gedan and resaltc kter nice
w ysharfne en ana awel wahda trod 3la el mawdo3

thx 4 u man

slogen

احنا الجيل قادم

لازم نغير حاجات كتيرة ومش اى حاجه ترموها على المسؤلين

كلكم راعى وكلكم مسؤلين عن رعيته

ربنا يهدينا

ومصر هتفضل بلد الخير

طول ماإحنا بنحاول نغير

وتسلمى على موضوعك