اتنين سمعهم تقيل

تخيلوا لو اتنين سمعهم ثقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس !!! قدامي على القسم

ههههههههههههههههههههههههههههههههههههههههههههههه..ي با يكحلها عمااااها والله حااااالة ...

انا عايزة الرد من كل الاهلاوية اولا

قديمه اوووى وبعدين انا كنت كاتبه قبل كدا وابحثى عن الموضوع قبل
ما تنزليه لو سمحت الرابط اهو كمان بتاعه
https://nahdaa.ahlamontada.net/montada-f7/topic-t2901.htm?

معلش بقى اصل انا زملكاووووووى

اتشرفنا ياعم الزملكاووووى وشكرا على تشجيعك ليا

على فكره انا بهزر معاكى يعنى متزعليش


خلاص مش ههزر معاكى تانى

اصل ده اول موضوع ليا فى المنتدى دة بعد كده ان شاء الله هاعمل مواضيع تكسر المنتدى وهانشوف الاهلى اللى هياخد الدورى ولا الزمالك هو انت زملكاوى بجد ولا كنت بتهزر

لا والهى انا عاشق للزمالك
ومتزعليش منى مره تانيه وانا اسف

على فكرة موضوع هايل يا جميلة واحلى تحية واحلى سلام ليكى ونورك الى نور المنتدى
وعلى فكرة يا مصطفى ممكن تبحث عن المواضيع الى موجودة وتشوف لو كانت مكررة بس ممكن حد يكون كاتب الموضوع ومغير العنوان ويطلع البحث غلط
ثانيا مافيش ادارة عشان نستفيد او نعرف اى حاجة اوك
وفى انتظار جديدك ان شاء الله يا بنوتة اوك

mustafa.sharf كتب:

قديمه اوووى وبعدين انا كنت كاتبه قبل كدا وابحثى عن الموضوع قبل
ما تنزليه لو سمحت الرابط اهو كمان بتاعه
https://nahdaa.ahlamontada.net/montada-f7/topic-t2901.htm?

معلش بقى اصل انا زملكاووووووى

تصدقوا وتأمنوا بالله.
الموضوع ده انجل حطاه برده ..مكرر
حوار بين اتنين سمعهم تقيل

الموضوع الاصلي بواسطة حالو.

تخيلوا لو اتنين سمعهم تقيل اتكلموا مع بعض

يعني مصطفي وانجل واهلاويه مكررين....

ههههههههههههههه اهو جالك اللى حافظ مواضيع
المنتدى كلها ....

بتقول ايه !

تعددت المواضيع والمغزى واحد

عادى يعنى

على فكره موضوع حلو اوى

ميرسى اهلاويه هما كده الاهلويه جامدين اوى

بجد جميله جدااااااااااااااااا
هههههههههههههههههههه

انت كده زعلت الناس يا وليد
صدمتهم ياعم

شكرا على الموضوع الجامد موت لاني اول مره اسمعه يا اهلاويه
وانا من مشجعي النادي الاهلي

الموضوع ده جامد جداااااااااااااااااا
مع اني زمالكاوية

جميل جدا ً