ايه هو؟؟؟؟؟؟؟؟؟؟؟؟؟؟؟

"بسم الله الحمن الرحيم"
احنا النهارده هنجرب فكره جديده هى فكره محمد روما واظن انكم عارفين ايه هى الفكره
وانا بجد فرحانه انى انا اول واحده تجرب الفكره دى""""
اسم الموضوع هو ....................... "ايه هو ؟؟؟؟"
الموضوع ببساطه ان احنا هنفضفض مع بعض عن اصعب موقف مريت بيه فى حياتك..........
ولو الزمن رجع بيك تانى ممكن تعمل ايه ؟؟
ومش ضرورى يكون الموقف محزن ... عادى ممكن يكون موقف مضحك بس صعب .....

وانا اول واحده هبتدى معاكم
انا عن نفسى اصعب موقف مر عليا فى حياتى هو موقف مؤلم جداااااااااااااا
وانا عمرى م هنساه ان انا واخويا كنا راجعين من المدرسه واحنا كنا ساكنين عند شريط السكه الحديد اللى عند الجراج وحصلت حادثه ان القطر وهو ماشى خبط عيل وهو راجع من المدرسه وانا واخويا بقينا واقفين بنبص على الواد اللى القطر خبطه على السكه الحديد وكان منظر بشع جدااااااااااااااااااااا
انا بجد مش عارفه احنا جبنا الجرأه دى منين وقتها وفضلنا نتفرج لحد اما الحكومه جت ولمت الجثه
بس بجد لحد دلوقتى مش ناسيه الموقف ده كأنه لسه حاصل امبارح
ولو الزمن رجع بيا تانى مكنتش هعمل حاجه لان انا مفيش حاجه فى ايدى علشان اعملها
اتمنى انى مكنش طولت عليكم
بس يارب الموضوع يعجبكم ونتشارك مع بعض فيه..............

بجد موضوع حلو اوى وفكرة كويسة جدا
والموقف الى حصل دة بجد صعب اوى
يلا ربنا يرحمو
الموقف بتاعى هو موقف غريب وانا عمرى ما انساة لحد دلوقتى
انا طالعة من المدرسة وكت نفسى اروح عشان انام بقول ل هاجر يا هاجر يلا مكروباص فاضى اهو قالتلى لا انا هاستنى نورهان
3 عادو من قدامنا اخر ما زهقت والشمس اكلت دماغى ركبت اخر مكروباص وسبتهم بعد كدة لقيت اكتر من 4 ولاد كانو عاوزين يركبو ولقيت نورهان لسة طالعة وهاجر جاية والى يجى يقعد هما اربعة بس جاين بيفتحو الباب قفلتو وناديت على هاجر ونورهان انهم يجو ويقلولى افتحى الباب وانا اقولهم لاءة هما جاين ومارضيتش اركب الولاد

يا جامده والله انتى بت ميه ميه
شكرا ياقمر على مرورك الجميل

انا بقى هقول موقف مضحك حصلى انا وصحابى
كنا تحت فى العتبه ولاقينا واحد عنده يجى 30 سنه كدا عمال يجرى فى الشارع
وعمال يقول محدش هيتجوز الشباب مش لاقى ياكل المهم جه علينا فواحد صاحبى
فضولى شويه فراح قله فى ايه يا عم روق كدا احنا هنقضيها بنات بلا جواز بلا بتاع
والحياه هتبقى زبادى فى الخلاط وايزى واسبور فجاه الاقى الراجل اتسمر فى المكان
اللى فيه وطاخ راح مدى صاحبى حته الم على وشه وراح جارى هههههههههههههه
انا فضلت اضحك على صاحبى بصراحه كنت همووووت من الضحك

كل واحد ليه موقف واحد ولا ينفع اقول تانى

شكررررررررررررررا الموضوع جامد هيخلينا نعرف بعض اكتر

ههههههههههههه بس موقف جاااااااااااااامد
لا طبعا براحتك يا مصطفى نورت الموضوع

يلا بقى بسرعه قول الموقف التانى

خدى ده عندك ياستى كان يوم فرح اختى وتانى يوم عليا
امتحان فرنساوى الكلام ده فى اولى ثانوى المهم الفرح خلص
والبيت كان عندنا عامل زى طبق الكولاى المهم قعد اللف
فى الشقه انى الاقى حته انام فيها مفيش وطبعا مينفعش اقوم الناس
المهم روحت واخد بطانيه وطالع على السطح نايم والامتحان تانى
يوم عليا الساعه 9 وطبعا مفتحتش كتاب الساعه جات 9 ونص
ولسه نايم جم صحابى اتصلوا بيا على البيت عشان يشوفوا ايه اللى حصل
والاساتذه اتصلوا بيا والهى فيهم الخير والمهم بقى كله عمال يدور عليا فى البيت
عشان اروح الامتحان وانا ايه مســـتــقــنــيص على السطح ونايم قعدوا ينادوا عليا بقى
صحيت على يجى ميت صوت بينادى عليا ونزلت خدلى كام تهزياه حلوه وانا مكنش فى دماغى
انا كل اللى كان فى دماغى انى الحق اللجنه وكنت لابس جلبيه نايم بيها والهى العظيم ولا غسلت وشى ولا غيرت الجلبيه ولا عملت ايه حاجه من على السطح على اللجنه
فى اليوم ده بقى خد تريقه على اليونى فورم اللى انا كنت لابسه كان يوم اسود

هههههههههههههههه
ايه يا مصطفى المواقف الجامده دى المهم انت روحت اللجنه بالقلم ولا بالصابونه

ههههههههههههههههههه رحت زى ما صحيت ولا قلم ولا اى حاجه
انا مغسلتش وشى اصلا

بجد انا مش عارف اقولك ايه عشان المفروض انا اول واحد امور علي موضوعك
بس والله العظيم كنت في الشغل وصاحب الشغل رخم عليا وخلاني
اسهر اتمنا لو متزعليش مني roma
..........................................................................
بجد الموقف ده صعب ومش اي حد يستحملو ............
والله موضوعك جميل اوي ده بجد
واسف علي الرد المتاخر

عادى يا محمد مفيهاش حاجه
شكرا لمرورك الجميل

mustafa.sharf كتب:

ههههههههههههههههههه رحت زى ما صحيت ولا قلم ولا اى حاجه
انا مغسلتش وشى اصلا

هههههههههههههههههه والله العظيم ده موقف جااااااااااااااااامد جدااااااااااااااااااااا

بجد موضوع جميل و موقف صعب جدااااااااا

شكرا يا جميله على مرورك الجميل
بس كده فين الموقف يا حلوه......................

شكرا ليكى والله انتى اجمل

Mohamed.Rooma كتب:

بجد انا مش عارف اقولك ايه عشان المفروض انا اول واحد امور علي موضوعك
بس والله العظيم كنت في الشغل وصاحب الشغل رخم عليا وخلاني
اسهر اتمنا لو متزعليش مني roma
..........................................................................
بجد الموقف ده صعب ومش اي حد يستحملو ............
والله موضوعك جميل اوي ده بجد
واسف علي الرد المتاخر

عادى يا محمد بس انت كمان مش قولت الموقف اللى عندك ليه ؟؟؟؟؟؟؟؟؟؟؟؟؟؟؟!!!!!!!!!!!!!!!!!!11