اشهر الجمل اللى بيقولوها الام والاب

امشى جاتك مشش
فى ركبك .

* جتها نيلة الى عايزة خلف تيجى تتفرج .

*ذاكر ياموكوس مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* هو ده اللي انت فالح فيه طول اليل والنهار قاعد علي الزفت الكمبيوتر
بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية
الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة
طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!

(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو
انا غاوى جوع مثلا )

.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما
تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟

ماما:مووو لمـا يــــــخدك .

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى ا%

هههههههههههههههههههه

تسلم الاياااااااااادى يا رومانسى المنتدى

* قومي ساعدي امك ده اللي هيتجوزك أمه داعية عليه
يالهوى بالنص بتتقال..................الموضوع تحفه
شكراااااااااااااااااااااااااااااااااااااااااااااااااااااااااااااااااا

هو انا الخدامه اللى جابهالكوا ابوكم
وطبعا اللى يخرج من الاوضه يطفى النور
وبصراحه نص الموضوع بيتفالى كل يـــــــــــــــــــــــوم
الموضوع تحفه

ههههههههههههههههههههههه هوة دة الى بيحصل فعلا
موضوع جميل ميرسى thanks

deewaar كتب:: هههههههههههههههههههه

تسلم الاياااااااااادى يا رومانسى المنتدى

تسلم نووووووورت بجد

hala كتب:: * قومي ساعدي امك ده اللي هيتجوزك أمه داعية عليه
يالهوى بالنص بتتقال..................الموضوع تحفه
شكراااااااااااااااااااااااااااااااااااااااااااااااااااااااااااااااااا

تسلمى بجد نورتينى يا قمرررر

tamtam كتب:: هو انا الخدامه اللى جابهالكوا ابوكم
وطبعا اللى يخرج من الاوضه يطفى النور
وبصراحه نص الموضوع بيتفالى كل يـــــــــــــــــــــــوم
الموضوع تحفه

تسلمى يا طماطم بجد منورانى كتييييير

ناريمان كتب:: ههههههههههههههههههههههه هوة دة الى بيحصل فعلا
موضوع جميل ميرسى

تسلمى يا نيرمو يا قمر منورانى بجد

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* ما فيش مذاكرة على المزيكا .. وازاى بتذاكر و البتاع ده شغال جنبك .
* كريم دا عيل بايظ وماتمشيش معاه تاني .
كريم ميييييييييين ؟؟؟؟؟؟؟؟؟؟
ههههههههههههههههه كانك قاعد معانا فى البيت
الموضوع حلو جدا تسلم يا رومانسى

هههههههههه زى ما قالت بنت مصريه
كأنك قاعد معانا فى البيت
بس بجد موضوع جميل تسلم ايدك

هههههههههههههه
فعلا دة اللى بيحصل
شكراااااااااااااااااااااااااااااا

هههههههههههههههههه تسلموووو كلكوووو

ههههههههههههههههههههه
جتها نيله الى عايزه خلف
تسلم ايدك..........

ههههههههههههه
موضوع جميل بجد تسلم ايدك