ادى امريكا

آدي أمريكا
آدي أمريكا بلد الديمقراطية ..
سجن أبو غريب يشهد على المبادئ الأمريكية ..
يعتذر بوش .. يعتذر رامسفيلد ..
وتفضل الحقيقة هي .. هي ..
ونفضل زي ما احنا نعشق الهوان والمطاطيه ..
نستخبى ورا خيبتنا ونشحت منهم الحريه ..
ويضحك علينا الغرب ..
كونا بقينا مسخ بلاهويه ..
فين الشرف ؟
داست عليه جنديه ..
مريضه .. شاذه زي كتير منهم ساديه ..
انتهاكتها كتير .. تتصور وسط أسرى عراه ..
وتجر أسير عريان بسلسلة أمريكية..
هي دي الحرية .. ماركة مسجلة ..
باسم القيادة الأمريكية ..
حرية بوش ! راعي القضايا العربية ..
هي دي الحرية ..
جندي يتحدى كل المبادئ ..
كتب على خوذته "أنا القانون" بالعربية ..
أنا القانون ياشعوب ماتستاهلش ..
غير رصاصة من بندقية ..
أنا القانون ..
في زمن مجنون ..
قانون التعالب .. البقاء للغالب ..
البقاء للأقوى أبو مخالب ..
زمن العصا والجزرة ..
زمن السلطة فيه لشوية كفره ..
زمن نسي العرب فيه الجهاد ..
زمن حكم على المقاومة العراقية ..
إنهم مجموعات إرهابيه ..
ووجه رامسفيلد لجلاديه اللوم ..
ياحرام دانت قسيت عليهم ..
طيرت من عنيهم النوم ..
ارأف شويه بيهم ..
المرة الجايه هياخدوا بالهم ..
ويموتوا اللي يصورهم ..
يا رامسفيلد بشويش شويه عليهم ..
دول هم اللي حرروا العراق ..
حرروها من أصحابها ..
قالوا صدام ديكتاتور .. وخدوه ..
طب الشعب العربي ليه تعذبوه ..
ليه شرفه وعرضه برجليكوا تدنسوه ..
شرايط فيديو وآلاف الصور تبين فسادكوا ..
تبين للناس ساديتكوا ..
ياظلمه من أرضنا الطاهرة شدوا رحالكوا ..
وكفاية اللي جرالنا وجرالكوا ..
ومهما طال الزمن ..
ومهما كتر العفن ..
هترحلوا برضاكوا أو غصب عنكوا ..
ومهما عملتوا فينا نفضل مسلمين ..
شرفنا .. أخلاقنا في قلوبنا لأننا مؤمنين ..
سجن أبوغريب يا بوش وقبله جوانتنامو ..
وقبلهم فيتنام .. سجل حافل بجرايمكو ..
أوسمة خيبة قدام الخلق عمرها ما تشرفكو ..
وان كنتو النهارده بأسلحتكم مغرورين ..
بكره إن شاء الكريم في أسفل لاين ..
(من ديواني صرخة مواطن عربي)

انت مأمن ع نفسك كويس
لحسن انت هتبقى فى خبر كان
الموضوع جميل تسلم ايديك

اللى معاه الواحد يقف ادام اى واحد

معاك حق ربنا معانا هيجى يوم ونرفع راسنا على طووووووووووووووووول