انواع البنات على النت"

العاقله!!


لما تفتح متكلمش حد.. تستني الكل يرحب بيها وهي تبتسم وتقول شكرا..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.




المصلحجية!!


متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني


الرسمية!!


ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههههههههههههههههه



المجنونه!!


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه


الغلسه!!


تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.



البطة!!


طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههههههههههههههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئة!!


عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك هههههههههههههه


الكذابة الهبلة


اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا او بيرى.. ودايما تنتقدك و مايعجبها العجب.. واذا شافتك مشغول
الرد بيكون هوالشتايم
ههههههههههههههههه


تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه



كل واحد يصنف البنات اللى يعرفهم كدا.. واراهنكم مش هيطلع ايا منهم من التصنيف ده.هههههههههههه

علفكره الكلام ده صح تبقي اسمها كريمه وتقولك كوكي او كريمان ههههههههههههههههههههههه والا نحمدو وتقولك نونا وتاني كتيرررررر من النوعيه دي وربنا يخليك يا مصطفي وزيد من مواضيعك النار دي

وتدخلوا ليه على الشات ادام مش بيعجبكوا البنات

انتوا اللى مش ييعجبكوا العجب ولا الصيام فى رجب

وووووتقبل مرورى

عندك حق يا باربى والله ............ايه يامصطفى شكلى هحطك فى البلاك لست زى اسلام دولسى بالطبط...............
________________________________
لاتحزن على شىء......... ذهب لانه لن يعود ثانيا

ههههههههههه اهو انتوا كدا مش بتحبوا الصراحه

ههههههههههههههههههههه
الحمد لله انا عارفة ليا اصحاب كتير وكلهم موجودين فى الى انتو اتكلمت عليهم
بس انا مش لاقية نفسى فى اى وصف قولتو
بس موضوع حلو ثانكس

لا ركزى شويه بس هتلاقى نفسك

ملقتيش بقى تبقى انتى حاله خاصه

ههههههههههههههه حلوة...........

انتى بتغلط فى البنات كتير واحنا سكتنلك ومش عايزين نوريك الوش التانى

يامى يامى يامى ..... خوفتينى وركبى بتخبط على الجيران


شوفلكوا حاجه تانيه بقى اعملوها انا زهقت من الكلام ده عندكوا مواضيع اكتبوا وهنشوف مين اللى هيكسب ........

........... حددى المكان والميعاد حتى لو فوق سطح بيتنا