لسلام عليكم ورحمه الله وبركاته
انا المرادي يا جماعه هتكلم عن نفسي وهبتدي في الحكاوي والغامرات
بصوواا يا جماعه انا اول لما دخلت النت عندي في البيت طبعا كنت فرحان جدااا
لان اخيرا بقي عندي نت في البيت عشان السيبر اشتكي مني
المهم طبعا استخدامي للنت مكنش اكتر من شات وبس وكنت مدمن شات لان اي حد
كان بيقعد في سيبر مكنش بيستخدمه غير في الشات المهم
انا دخلت شات في مره واتعرفت علي بنت ساعتها كانت داخله بنيم بنوته مؤدبه
وانا كنت داخل بالنيم بتاعي صــــ،،ــــايــــ،،ـــع هههههههههههههههههههه
طبعا مفيش توافق خالص المهم اتعرفت عليها وبصراحه كان عجبني النيم بتعها
واتكلمنا كتير وخت ميلها واول لما خت ميلها جاي بكلمها علي الميل كانت حاطه صوره شخصيه علي الميل
بنت في منتهي الجمال طبعا انا شفت الصوره فسألتها صورتك دي قالتلي اه ده اول يوم
طبعا اتوهمت بالصوره بنت في منتهي الجمال وطلبت توريني صوره تانيه قالتلي مش عندي
وقعدنا نتكلم مع بعض بتاع شهرين تقريبا كل يوم كنا بنتكلم وكلمتها مايك وحصل اني خت تليفونها
وكان يا جماعه صوتها جميل جدااا جدااا
طبعا انا حلمت بالصوره والصوت وقلت انا خلاص اعجبت بالبنت دي وعايز اقبلها
هههههههههههههههههههههههههههه طبعا انا اتغيرت بس حبيت اوضح ان الفتره دي كانت اول
قعادي علي النت بصفه مستمره
المهم كنا بنكلم بعض طبعا علي الموبيل ورسايل وكدا المهم في نهايه الحكايه طلبت اني اقبلها
ههههههههههه طبعا تقلت عليا شويه وبعد كده وافقت
هي كانت من المطريه طبعا اتفقت معاها اني اقبلها وقالتي تعالي قبلني هنا وكده
رحت مظبط الحمبليظ والحته الي علي الحبل والحياه ماشيه تمام
وركبت المترو ونزلت من المترو وركبت عربيه تانيه واتبهدلت في المواصلات
ورحت في ميعادي وكله تمام وانا واقف ومستني اشوف ملكه جمال اوربا
لقيت كائنه متحركه جايه عليا من بعيد وبتشاور عليا وبتقولي انت مصطفى
قلت يمكن تكون غلطانه لكن للاسف طلع انا الهدف بتعها كانت يا جماعه في منتهي الجمال
واحده قصيره وتخينه ووحششششششششششششششه اوي فوق الوصف ههههههههههههههههههههههه
انا لقتها جايه عليا اتخضيت فبقلها انتي أيه بتقولي اه ايه رأيك في المفاجئه دي هههههههههههههه
فبقلها ليه بتقولي ليه ايه بقلها ليه مقلتليش ان الي في الصوره دي مش انتي قالتلي اصل لما
بحط صورتي بحس ان شكلها وحش فبقيت مبحطهاش هههههههههههههههه
والله يا جماعه انا مهما وصفت المفاجئه والخضه انا مكنتش عارف اتكلم نهاائي
يا دووبك عشر دقايق عدوا قلتلها طب بصي انا حاسس ان الوقفه بتعتنا دي هتسببلك مشاكل
انا لازم امشي ونبقي نتكلم علي الميل
ورحت مصدووم وكنت بجد مش عارف افكر والمشكله اني كنت معرف والدتي عشان خت منها
الفلوس الي هخرج بيها ههههههههههههههههههههه وحكتلها وقعدوا يتريقوا عليا تريقه
وقعدوا يغنوولي ولقتها شبه واحد صحبي هههههههههههههههههههههههههههههههههه
بس بجد كان موقف فوق الروعه كل مفتكره اقعد اضحك وبجد انا مش هحاول اعمل كده تاني
موضوع: حكايتى مع النت خش وشوف حصلى ايه 
الجمعة 22 يناير - 9:08:02
