إليكِ صديقتى الجزائرية

توقفت لدقائق ناظرة إلى بريدها الإلكترونى فى حيرة .. تدور برأسى العديد من الأفكار المتضاربة .. وتتسارع التساؤلات على لسانى .. وتخشى يداى أن تترجمها إلى حروف مقروءة تنتقل عبر الشبكة العنكبوتية

ترى هل يمحو ما حدث خلال أيام صداقة نبتت فى أعوام ..
هل سأرى وجهاً أخر لم أعتده منكِ ..
وجهاً شاهدته مراراً على شاشات التلفاز يتوعد ويدبر وينفذ ..

هل سأرى ترحيبكِ المعتاد .. أم سأرى كلمات شامتة

هل أصبح لقب جزائرية حائلاً تتوقف عنده حدود صداقتنا ..
هل أصبح لقب مصرية سداً يصعب علينا اجتيازه ..

ترى هل تريننى مصرية أم مسلمة عربية ..
وهل أراكِ جزائرية أم مسلمة عربية ..

من وسط الأحداث لم يسعنى الا الغضب ..
فهل أنا حقاً غاضبة منكِ .. أم غاضبة منا ..

لم تتركينى غارقة فى حيرتى طويلاً فبدأ حديثك معى بتحية الإسلام وابتسامة لأستشعر من كلماتك حيرة مماثلة وتساؤلات ظننتها دارت برأسى فقط.

فإليكِ صديقتى الجزائرية أهدى ..

طبعا مرسي لموضوعك الي في منتهى الروعه

بس سوري يعنى العين بالعين والسن بالسن ومااخذ بالقوه لايسترد الا بالقوه

وكمان حضرتك دى مش اول مره

انا عارف ان الموضوع ده وراه ايد خفيه بس سوري يعنى كرامة المصري في كل شيئ
واسف للتطويل
والاختلاف في الراي لايفسد للود قضيه thanks

موضوعك فى منتهى روعة

deewaar كتب:: طبعا مرسي لموضوعك الي في منتهى الروعه
بس سوري يعنى العين بالعين والسن بالسن ومااخذ بالقوه لايسترد الا بالقوه وكمان حضرتك دى مش اول مره انا عارف ان الموضوع ده وراه ايد خفيه بس سوري يعنى كرامة المصري في كل شيئ
واسف للتطويل
والاختلاف في الراي لايفسد للود قضيه

[center]
اولا اشكرك على مدح الموضوع

ثانيا اوافقك على ان اختلاف الراى لا يفسد للود قضية

ثالثا ودى مترتبة على ثانيا فانا هختلف معاك
العين بالعين والسن بالسن صحيح لكن لا للتعميم وكمان لاتزر وازرة وزر اخرى
ومش هعادى كل شخص يحمل لقب جزائرى بسبب اهانة البعض وتطاوله

تقبل اختلافى معك فى الراى

[/center]

DoDo كتب:: موضوعك فى منتهى روعة

[center]جزاكم الله خيرا

[/center]

اولا مرسي لتعليق حضرتك علي وجهة نظري المتواضعه

بس لو كان في هناك عقلاء كانو اظهرو تعاطفهم معانا او كانو اعلنوا انهم ضد ماقامت به مشجعيهم و مش يلتزمو الصمت

وكائن شيئا لم يكن يا اختى الساكت عن الحق شرطان اخرس وصمتهم يعتبر موافقه ضمنيه علي ما حدث
بس طبعا ده ميمنعش ان موضوع حضرتك في منتهى الروعه thanks

deewaar كتب:: اولا مرسي لتعليق حضرتك علي وجهة نظري المتواضعه
بس لو كان في هناك عقلاء كانو اظهرو تعاطفهم معانا او كانو اعلنوا انهم ضد ماقامت به مشجعيهم و مش يلتزمو الصمت وكائن شيئا لم يكن يا اختى الساكت عن الحق شرطان اخرس وصمتهم يعتبر موافقه ضمنيه علي ما حدث
بس طبعا ده ميمنعش ان موضوع حضرتك في منتهى الروعه

[center]
ومين قالك ان مفيش منهم عقلاء رفضوا اللى حصل

على فكرة حتى البرامج اللى ولعت الدنيا جابت رسائل من ناس جزائريين رافضين اللى حصل وكمان لو تابعت منتديات جزائرية هتلاقى مؤيد ومعارض يعنى مش الكل ليه نفس الافكار

بس احنا اتعودنا ان الحقد صوته اعلى واوضح
على فكرة موضوعى ده حقيقى مش مجرد موضوع ادبى
انا فعلا ليا صديقة جزائرية وحصل معاها الموقف ده

بالنسبه لموضوع ان فيهم مؤيد وفي منهم معارض فمعروف طبعا ان الاقليه هما المعارضين وفي اى دوله هتلاقي كده وكده طيب مع الاختلاف طبعا مافي اسرائيل في منهم مؤيد لما يحدث في غزه وفي منهم معارض اقدر اقول ان الشعب الاسرائيلي كويس لا طبعا
كمان احنا كنا قدام عمليه مدبره مشترك فيها الجيش والشعب فلو فضلنا نقول مصر هى الكبيره والام الحنون سوري يعنى مش هينفع
كرامة المصري دلوقتى بقت مهانه في كل حته لاذم نقف شويه مع نفسنا عشان نعرف العالم مين احنا
الجزائر ولعت العلم المصري ورفعت شعار الجزائر وفلسطين ضد مصراليهوديه ممكن افهم هى الجزائر عملت ايه لفلسطين اصلا لاعمرنا سمعنا علي جندى جزائري مات في غزه ولا معونه من الجزائر راحت لفلسطين
وعجبي

سمعت ان الحكومه الجزائريه ظلت تنشر فى الصحافا صوره مخيفه عن مصر متخيل اذا كنت واحد من الشعب كل يوم تقرا على افعال شعب ما فيها من اجرام وتخريب
بالطبع ستكره هذا الشعب
ففى راى المتواضع ان الشعب ليس عليه اللوم فهو مثلنا
اما الحكومه فهى من ارادت شئ لم تصفح عنه حتى الان
فصمتها اخشى ان يكون مثل صمت البركان قبل الانفجار ووراءه مفاجا قد تبيد بشعب مصر

deewaar كتب:: بالنسبه لموضوع ان فيهم مؤيد وفي منهم معارض فمعروف طبعا ان الاقليه هما المعارضين وفي اى دوله هتلاقي كده وكده طيب مع الاختلاف طبعا مافي اسرائيل في منهم مؤيد لما يحدث في غزه وفي منهم معارض اقدر اقول ان الشعب الاسرائيلي كويس لا طبعا
كمان احنا كنا قدام عمليه مدبره مشترك فيها الجيش والشعب فلو فضلنا نقول مصر هى الكبيره والام الحنون سوري يعنى مش هينفع
كرامة المصري دلوقتى بقت مهانه في كل حته لاذم نقف شويه مع نفسنا عشان نعرف العالم مين احنا
الجزائر ولعت العلم المصري ورفعت شعار الجزائر وفلسطين ضد مصراليهوديه ممكن افهم هى الجزائر عملت ايه لفلسطين اصلا لاعمرنا سمعنا علي جندى جزائري مات في غزه ولا معونه من الجزائر راحت لفلسطين
وعجبي

وعلى اى اساس افترضنا ان القلة هما المعارضين اللى سمعنا صوتهم قد ايه ؟ الاف؟

الجزائريين عددهم 35 مليون منهم كتير قوى صوتهم مش واصل

حتى من خلال متابعتى ليهم لاحظت انهم بيتكلموا من مبدأ ان هما اللى ضرر واقع عليهم زى ما احنا بنتكلم بالظبط لان الصورة وصلت ليهم غلط زى ما وصلت لينا مبالغ فيها جدا وحب الوطن مش حكر على المصريين بس

وان لم يكن بأرض اجزائر سوى واحد فقط عاقل فله منى كل الاحترام

عيون الظلام كتب:: سمعت ان الحكومه الجزائريه ظلت تنشر فى الصحافا صوره مخيفه عن مصر متخيل اذا كنت واحد من الشعب كل يوم تقرا على افعال شعب ما فيها من اجرام وتخريب
بالطبع ستكره هذا الشعب
ففى راى المتواضع ان الشعب ليس عليه اللوم فهو مثلنا
اما الحكومه فهى من ارادت شئ لم تصفح عنه حتى الان
فصمتها اخشى ان يكون مثل صمت البركان قبل الانفجار ووراءه مفاجا قد تبيد بشعب مصر

بالفعل فيه مبالغات من الطرفين وتقصير من الحكومتين واللى راح فيها الشعب المصرى والجزائرى
ان غدا لناظره قريب وهنشوف الحكومات هتعمل ايه

واضح انك متعاطفه مع الجزائر عشان صحبتك

لمعلوماتك دى مش اول مره يعملو كده معانا

deewaar كتب:: واضح انك متعاطفه مع الجزائر عشان صحبتك لمعلوماتك دى مش اول مره يعملو كده معانا

بالظبط مش اول مرة يحصل شغب

اشمعنى المرة دى الموضوع كبر قوى بالشكل ده عن كل مرة

يعنى سكتنا مره والتانيه والتالته
حراااام عليكي عاوزنا نسكت الرابعه برده ruuuu

اعتقد ان المفروض يبقي لينا واقف حاسمه مع الكل

ميرسى لموضوعك بجد جميل جدا
بس زى ما ديوار قال كرامة المصرى فوق اى شىء
دى وجهة نظرى
وميرسى تانى لموضوعك