انا وحشه

منذ اكثر من سنتان كنت ادمن في احدى المنتديات وكنت المسئول فيها عن قسم تحت عنوان قول الي فى نفسك وكان القسم خاص بالفضفضه وكل عضو يتشرف بوضوع مشكلته وبعد ذلك اقوم بوجهة نظري المتواضعه بمحاولة حل المشكله ثما اقوم بعرضها وبعد ذلك تقوم باقي الاعضاء بمحاولة حل تلك المشكله وعرض وجهة نظرهم وكنت احرص دائما علي تدوين تلك المشكلات في مزكرات خاصه وسوف اقوم بمشيئة الله بعرض تلك المشاكل لكم ولكي اعرف هل كان ردى صحيح ام خاطىء حتى تستفيد باقي الاعضاء من تلك المشاكل وشكرا المشكله الاولي [justify] انا اسمي خ من محافظه المنصوره بس انا فضلت مده في مصر اصل ابويا متجوز اتنين بس امي الله يرحمها ماتت وانا قاعده في المنصوره مع ابويا ومراته وهما عندهم بتين بت صغيره والتانيه اصغر منى بسنه اه صحيح انا نسيت اقولك انا في تانيه ثانوي في مدرسه في المنصوره مشكلتى بقي ان شكلي يعنى مش ذى صحابي انا طولي قول 155 ووزنى ممكن يبقي 70 ولونى سمره بس شوييتين بس انا مش سوده مشكلتى بقي ان صحابي حلوين بس انا مش زعلانه والله علي فكره انا دمي خفيف بجد بس ساعات بحس انى اقل منهم بس مش كتير بص عاوز الحقيقه كتير وبالذات كنت واقفه قدام المرايا فجت بنت ابويا قالتلى انتى واقفه ليه قدام المرايا هي هتفرق عارف صعبت عليا نفسي اوى بس انا مش فكرت كتير ف الموضوع بس انت عارف ايه المشكله انى حاسه ان مفيش حد هيحبنى ولا هيجوزنى عارف انا ساعات لما امسك موبيل اصحابي والاقي الي بيحبوهم بعدلهم رسايل بتكون حلوه اوى وساعات بغير منها ونفسي حد يبعدلي ذيها بس طبعا لما يكون خطيبي بس خايفه ان محدش يرضي يجوزنى خايفه اوى ومعلشي عشان طولت عليك انتهى الحوار في انتظار الرد من الاعضاء الكرام

انا شايفة انها احسن من البنات الى بيكلموا الصبيان
وان الجمال مش جمال الشكل جمال الروح وهى بتقول ان دمها خفيف
المفروض انها تهتم بدراسة مش الحاجات التافه دية
وبعدين لما تكبر تبقى تفكر فى الحاجات التانية
وكل واحد مش عارف نصية فين

دة راى انا

شكرا ليك يا ديوار على الموضوع

صعب اوي تحس انك مش راضي ع نفسك
وخصوصا لوكان حاجة صعب تغيرها
بس الجمال يبقي جمال الروح
العريس اللي هيتقدم لبنت عشان جمالها يبقي في غيرها كتير
بس اللس هيتقدملك عشان روحك وشخصيتك يبقي مفيش غيرك انتي بس هتكوني ليه
بلاش تشوفي غيرك وتقولي انا ناقصلي
شوفي نفسك وقولي انا بس اللي (خ) وانا هفضل بكل حاجة حلوة فيا
واللي ناقصلي هكمله عشان ربي
في ناس بتموت كل يوم الف مرة من المرض وبيتمنوا الموت بجد
واحنا هنبص ف المرايا ونقول مش عاجبنا حالنا

سوري يا deewaar اني طولت
وميرسي بجد ع الموضوع وبجد نفسي يكون بداية حوار بينا كلنا

اولا ياديوار قولها ان عندها حق تتعقد لانها من المنصورة وانت ماتعرفوش ولا ايه بنات المنصورة انا روحت يوم ماقدرتش اكمل كنت هانحرف تانى ورجعت بنات المنصورة احلى بنات فى مصر بس مهما كان البنت اللى بتشتكى دى لازم مهما كان يكون عندك ثقة فى نفسك وان شاء الله ربنا هيبعتلها عريس كويس وكل شىء مكتوب فيه بنات حلوة جدا والواحد ممكن مابيبصلهمش علشان تصرفاتهم بايخة وتتشد لواحدة ممكن ماتكونش حلوة اوى بس تستريح معاها بس ايه ياديوار انت بقيت برنامج ربات البيوت

اولا مرسي لجميع ردودكم وانا اتعمد ارد ف الاخر عشان مائثرش علي وجهة نظر حد بدون مجامله افضل رد عجبنى هو رد صاحبة القصه الحزينه والي قالة فيه موضوع: رد: انا وحشه الإثنين 16 نوفمبر - 3:14:59

--------------------------------------------------------------------------------

صعب اوي تحس انك مش راضي ع نفسك
وخصوصا لوكان حاجة صعب تغيرها
بس الجمال يبقي جمال الروح
العريس اللي هيتقدم لبنت عشان جمالها يبقي في غيرها كتير
بس اللس هيتقدملك عشان روحك وشخصيتك يبقي مفيش غيرك انتي بس هتكوني ليه
بلاش تشوفي غيرك وتقولي انا ناقصلي
شوفي نفسك وقولي انا بس اللي (خ) وانا هفضل بكل حاجة حلوة فيا
واللي ناقصلي هكمله عشان ربي

مرسي لوجهة نظرك يا صاحبة القصه الحزينه

وبالنسبه لوجهة نظرك يا اسلام دولسي فانا لو قلتلها كلامك ان عندها حق وانها وحشه وبنات المنصوره حلوه واحلي منك كانت هتنط من اقرب بلكونه حرام عليك لو قرت الكلام بتاعك زنبها هيكون في ايدك

وع العموم مرسي لجميع ردودكم

كل فوله ولها كيال
واللي عجبني زي ما انا اهلا وسهلا واللي مش عجبني مش هيفرق معايا ده شكلي ومش هقدر اغيره

[b] ..زى ما قالت دمع القلب (كل فولة وليها كيال) دى النظرية الاصح ..

اولا مرسي لردك يا احلي دموع وحلوه حكاية كل فوله وليها كيال

مرسي لردك يا ميرو

ديوار
الجمال فانى لانها لو كانت جميلة ممكن بكل بساط ربنا يرزقها بواحد اعمى يحدفها باى حاجة فالجمال يروح او ممكن تعمل حادثة لاقدر الله وتتحرق مثلا
او حتى لو فضلت حلوة ومش جرى لها حاجة مع تقدم السن اكيد الجمال هيروح
فجمال الرووح فى كل الحالات اللى انا قلتها دى هو اللى هيفضل وتقبلوا مرورى

مرسي لمرورك يا كاجو وحلوه حكاية يرزقها بواحد اعمي يرميها باى حاجه

سورى يا ديوار ردى كان متاخر
بس الحوار شدنى اوى
وانا مش هرد على الموضوع ده عشان كل الاعضاء بصراحة
قالو كل الردود الى ممكن تتقال
بس انا حابة اقول رسالة لكل بنت
( اى بنت بتكلم ولد تبقى بترخص نفسها اوى قدامه ) دى نصيحة لاى بنت
والكلام ده انا بقوله واحده كنت اعرفها حصل معاها حوار زى ده
واكتشفت ان مافيش ولد بيكلم بنت وبيقول عليها محترمة
طبعا مش كلهم بس الاغلبيه كده
ودى مجرد وجهة نظر
سورى انى طولت
وميرسى يا ديوار على الموضوع ده

واكتشفت ان مافيش ولد بيكلم بنت وبيقول عليها محترمة
طبعا مش كلهم بس الاغلبيه كده

فيه فرق بين اللى بيتسلى وبيروح يقول عليها مش محترمة وفيه فرق بين اللى بيحب بجد

اولا مرسي ليكم علي ردودكم

اوفقك الرد يا دولسي في كده وفي كده

ومش معنى ان صحبتك قبلت واحد مش محترم ان الباقي كده

عندك مثلا دولسي اهوه زينة شباب المنتدى

انا قولت الاغلبيه كده مش كلو
كل حاجة فيها الحلو وفيها الوحش صح ولا ايه

طبعا بس ده ميخلناش نظهر الوحش ونخفي الكويس

قال رسول الله "صلى الله علية وسلم" :"عجبا لابن ادم ان امرة كلة لة خير ،، اذا ابتلى فصبر فكان خيرا لة ،، واذا أعطى فشكر فكان خيرا لة"
يعنى كدة خير
وكدة خير

شكرا ليك

على فكرة انا مع ميسى وكلامو صح كده اكيد خير ليها......... وانها اكيد لو كانت حلوة كان ممكن ابتلاء ربنا يخليها تكره انها تكون حلوة .......... وعلى فكرة هى بتقول اصحابى والى بيحبوهم.......... انا راى انها تركز فى المزكرة وعلى فكرة انا مش بحترم اى بنت بتكلم ولد
وربنا يوفق الجميع....
_____________________________________
لا تحزن على شىء......... ذهب لانه لن يعود ثانيا

اولا الف شكر ليكى يا ديوار على الموضوع ده وفعلا القصه دى فكرتنى بقصه جميله جدا قراتها بس هى طويله انا يا جماعه هقدملكم اول فصل منها لو عجبتكوا هكملها مش عجتكم خلاص

hala كتب:

على فكرة انا مع ميسى وكلامو صح كده اكيد خير ليها......... وانها اكيد لو كانت حلوة كان ممكن ابتلاء ربنا يخليها تكره انها تكون حلوة .......... وعلى فكرة هى بتقول اصحابى والى بيحبوهم.......... انا راى انها تركز فى المزكرة وعلى فكرة انا مش بحترم اى بنت بتكلم ولد
وربنا يوفق الجميع....
_____________________________________
لا تحزن على شىء......... ذهب لانه لن يعود ثانيا

مرسي لمرورك يا هلا

mustafa.sharf كتب:

اولا الف شكر ليكى يا ديوار على الموضوع ده وفعلا القصه دى فكرتنى بقصه جميله جدا قراتها بس هى طويله انا يا جماعه هقدملكم اول فصل منها لو عجبتكوا هكملها مش عجتكم خلاص

ليكي ايه يا مصطفي انا مش بنت


ومرسي لمرورك


وفى انتظار الفصل الاول

الف شكر لكل من ساهم فى هذا الموضوع

غلطه مطبعيه يا مان والقصه نزلتها وخلصتها كمان بس انت كنت غايب عنا شويه بس