عمرك حبيت قبل كده ؟؟؟

السلام عليكم ورحمة الله

كيف أحوالكم جميعا اتمنى ان تكون بخير حال في جميع أمور دينكم ودنياكم

انقضى 7 أيام من رمضان

ها أخبارك ايه ؟؟؟؟ أوعى تكون زي ما انت ده النبي بيقول ((000 ولله عتقاء من النار وذلك كل ليلة ))

بس مش ده موضوعي نخل في الموضوع



بس اتمنى انكم تقروا الموضوع بقلوبكم مش بعلام


سؤال : انت حبيت / ي قبل كده ؟؟؟

يااااااااااااااااااه ايه التنهيدة دي كلها



زمانك دلوقتي بتضحك عليا بتقول هي البت دي هبلة ولا أيه معقول اكون في السن ده


ولسه مادوقتش حلاوة الحب ؟؟؟؟

أقولك ايه ولا ايه ولا ايه عن الحب ؟؟؟

آه أيوة معقول انك تكون في السن ده واكبر منه كمان وتكون لسة ماعرفتش يعني ايه حب أصلا!!!

اه انتي قصدك بقى حب تاني الكلام بتاع قال الله وقال الرسول ده ؟؟

لأ ده مش حب تاني والله العظيم هو ده الحب الاول والخير واللي كل حب سواه ليس له قيمة وفاني مهما بقي ويعذب ويجرح مهما اسعدك

كفايه كده كلام وندخل في الموضوع0000000

اسمع بالله عليك وكلم نفسك واسألها :

كل إنسان يعاملك ليربح منك ويكسب

أما الله يعاملك لتربح أنت منه وتكسب انت منه ,

فالحسنة بعشر أمثالها إلى سبعمائة ضعف الى أضعاف كثيرة لأنه يحبك 00 مش عدل والله ده ما عدل ده حب ولا يمكن يكون غير حب

والسيئة عليك واحدة وهي أسرع شيء إلى المحو ويمحيها ليه لو ماكانش بيحبك وعايزك تدخل الجنة ((والله يدعو إلى الجنة والمغفرة بإذنه )) ( سورة البقرة )

شايف كلمة يدعو ؟؟؟ حاسس بيها ؟؟؟

دمعة واحدة تمحو الآف الخطايا

وخطوة قصيرة في الطاعة تنسف أطنان الذنوب كيف لا..! , و قد سمى الله نفسه بـ العفو الغفور معظم ايات القران اللي يذكر فيها عذاب يجي بعدها

على طول أو ربما في نفس الاية اية رحمة ومغفرة اسمع كده:


" اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَحِيمٌ "

" إِنَّ رَبّك سَرِيعُ الْعِقَابِ وَإِنَّهُ لَغَفُورٌ رَحِيمٌ "

" نَبِّئْ عِبَادِي أَنِّي أَنَا الْغَفُورُ الرَّحِيمُ * وَأَنَّ عَذَابِي هُوَ الْعَذَابُ الْأَلِيمُ " وغيرها وغيرها



الله علا يشكر اليسير من العمل ويمحوا لكثير من الزلل لأنه يحبك , أسمع إليه وهويقول :

(( إذا هم عبدي بحسنة ولم يعملها كتبتها له حسنة فإن هو عملها كتبتها له عشر حسنات إلى سبعمائة ضعف وإذا هم بسئية ولم يعملها لم أكتبها


عليه فإن عملها كتبتها سيئة واحدة ))


واسمع الحديث القدسي الرائع ده :

( وقال جل وعلا كما في الحديث القدسي (( إذا تقرب إلي عبدي شبرا تقربت إليه ذراعا وإذا تقرب إلَي ذراعا تقربت إليه باعا وإذا أتاني يمشي

أتيته هرولة ))

انت ابن مين في مصر لأ في العالم لأ في انت مين في كونه كله عشان يتودد إليك كده ؟؟؟؟؟؟؟ عمرك مافكرت في الموضوع ده أبدا

ربنا مايستحقش منك نص ساعة تفكير فيه وهو خلق الكون كله عشانك ؟؟؟؟ هو انا وحش قوي كده ؟؟؟؟

اه وحش 00000 مش لسه بتسمع أغاني مش لسه بتقطع في الصلاة مش لسة بتكلم بنات على الشات

وانتي مش لسه بتحطي مكياج وانتي نازله ولا بتلبسي لبس ضيق عدمه أحسن ولا متابعة مسلسلات رمضان مسلسل مسلسل

و تحكي أحداثه أحسن من اللي بيمثلوا علينا فيه

ايوة يا جماعة إحنا لسه وحشين جدا جدا

لإنه يحبك يتنزل إلى السماء الدنيا كل ليلة نزولا يليق بجلاله فينادي الجموع الغافلة والاجفان التائمة بألطف قوله وحلو ندائه فيقول :

(( هل من تائب فأتوب عليه هل من سائل فأعطيه سؤاله هل من مستغفر فأسغفر له ))

معقول لسه بتصلي ركعتين تهجد بقلب غافل ؟؟؟ دي مصيبة لو ماكنتش بتصليهم أصلا ؟؟؟

انا هقولك حاجة عايز تنام بالليل ؟؟؟؟؟؟ طيب نام بس بشرط

لو ماعندكش مشكلة في حياتك عايز تحلها 0000 نام

لو ماعندكش ذنوب تتعذب بها في النار 0000 نام

لو عندك رصيد كافي من الحسنات يدخلك الجنة 000 نام

لو عرفت أن صيامك بالنهار اتقبل 0000000 نام


انتي بتهزري 00000 لأ والله دي الحقيقة طيب قوللي بقى نايم ليه أمال؟؟


أليس لك إلى الله حاجة في أمر دنيا أو في أمر آخرة ؟!!!!
هل إستغنيت عن ربك !!
هل استكفيت حاجتك منه!!
هل حللت كل مشاكلك!!
هل تخلصت من متاعبك!!

رد علي وأجبني !! :
ألا تشكوا قسوة القلب ؟
ألا تعاني هجر القرآن ؟
إلا يسوؤك حالك مع الله ؟
إلا يواجهك ضيق عيش ؟
ألا يواجهك عقوق ولد,
أو مرض أو وقوع في بلاء ؟!!


إذا ً هلم إليه إن كان يواجهك شيء .. ارفع شكواك.. قدم نجواك هنا في الثلث الأخير .. هنا فاتحة الأحزان .. وفاتحة الرضوان وجنات النعيم الدنيوي والكرم الألهي ..

لو ناداك أبوك يطلب منك منفعة له لأجبته , وهذا هو الله العلي العظيم يناديك فتنام عنه.وترد يده المبسوطة إليك

إسمع إلى من أحب الله وأحبهم الله :-

- عبد الله بن جحش قبل أحد يرفع يديه إلى السماء يا رب أسألك أن ترزقني غدا رجل من الكفار شديد القوة أقاتله ويقاتلني فسأقتله ثم أسألك أن

ترزقني رجل آخر من الكفار أقاتله ويقاتلني فأقتله ثم اسألك أن ترزقني رجل من الكفار شديد القوة أقاتله ويقاتلني فأقتله ثم اسألك أن ترزقني رجل

من الكفار شديد القوة أقاتله ويقاتلني فيقتلني ويبقر بطني ويجدع أنفي ويقطع أذني فأتيك يوم القيامة هكذا ( متقطع يعني ) فتقول فيما حدث هذا فأقول فيك و من

أجلك يا رب فيقول صدقت .

,, يقول سعد بن معاذ والله يارسول الله لقد رايته بعد المعركة قد جدع أنفه وبقر بطنه وقطعت أذنه وحوله اثنين من الكفار ، الله أكبر صدق مع الله فصدقه الله .




طيب ايه العمل ؟؟؟؟ ايه الحل ؟؟؟؟ أوصل للحالة دي إزاي يعني انتي فاكراني مين ؟؟؟؟ والله الموضوع اسهل مما تتخيل ماإحنا لسة

قايلين مش هتمشي كتيييييييير _ ( اتيته هرولة )

ربنا هايقابلك برحمته بغفرانه وبالذات في الشهر ده في الاوكازيون ده ده ربنا دلوقتي بيباهي بينا (بعباده الصالحين اللي إن شاء الله نكون منهم ) الملائكة

اسجد بالليل وأطل السجود وابكي ولو مابكتش تباكى ( يعني عيط نفسك غصب عنك ) افتكر ذنوبك افتكر الجنة اللي ممكن ماتدخلهاش افتكر النار اللي ممكن تدخلها افتكر النظرة الحرام افتكر الفيلم الاجنبي افتكر الكليب الفاجر افتكر عصيانك لوالديك

افتكر القبر وضمته وعذابه أو نعيمه افتكر انه ممكن يكون هو الحياة الحقيقية والسعيدة ليك بعد الموت


اسمع الصفات دي وإن شاء الله تتحقق فيك على اخر رمضان

سُئل الجنيد ما هي صفات المحب الصادق ؟؟؟؟ 00000 فأطرق رأسه ودمعت عيناه ثم قال :

. هو عبد ذاهب عن نفسه متصل بربه إن سكت فمع الله ( بيسبح في قلبه مثلا ) وإن تكلم فعن الله

(لدعوة إلى الله مثلا) وإن تحرك فبأمر الله وإن سكن فمع الله فهو لله وبالله ومع الله 000


تعالوا ندعي بالدعاء ده :

اللهم إني أسألك حبك وحب من يحبك وحب كل عمل يقربني إلى حبك

اللهم اجعل حبك أحب إليَّ من نفسي وأهلي ومالي وولدي ومن الماء البارد على الظمأ

اللهم اجعلني أحبك بقلبي كله وأرضيك بجهدي كله.

اللهم اجعل حبي لك كله وسعي كله في مرضاتك

اللهم ما زويت عني مما أحب فاجعله قوة لي فيما تحب واجعلني لك كما تحب.

اللهم حببني إليك وإلى ملائكتك وأنبيائك وجميع خلقك.

اللهم إني أسألك التوفيق لمحابك من الأعمال وصدق التوكل عليك وحسن الظن بك.

اللهم اجعلنا ممن توكل عليك فكفيته واستهداك فهديته واستغفرك فغفرت له واستنصرك فنصرته ودعاك فأجبته .


وتعالوا نناجيه كلنا بهذه الكلمات

فليتك تحلوا والحياة مريـرة ** وليتك ترضى والأنام غضاب

وليت الذي بيني وبينك عامر ** وبيني وبين العالمين خراب

إذا صح منك الود فالكل هين ** وكل الذي فوق التراب تراب

شكرا يا دكتورة على الموضوع الجميل ده

جميل جدا يا رورو تسلم اتيدك

الموضوع حلو اوي يارورو

موضوع عظيم بارك الله فيك

جزاكم الله كل خير
انت فين يا رورو
انت فين يا بودي

ترجعولنا بالف سلامة يارب

موضوع جميل جدا شكرا ليكى يادودو