حكاية منتدى

طبعا كل عام وانتم بخير مرتين
الاولى بمناسبة قدوم شهر رمضان المبارك أعاده الله علينا وعلى الامة الاسلامية بكل خير وسلام
والتانية بمناسبة مرور عام على انشاء منتدى مدرستنا واللي باسهاماتكم بقى احلى منتدى


الحكاية بدأت بداية غريبة شوية
اولا
يا جماعة انا كنت في السعودية 2005 وكنت راجع من رحلة عمرة أنا وواحد صاحبي ربنا يصبحه بكل خير اسمه محمد كيرة من طنطا وكان هو مدرس الحاسب الآلي في المدرسة اللي كنت باشتغل فيها هناك وكنا في عربيته وصمم اننا نتعشى سوا حتى يوصلنى ورحنا اديناها كبسة ومقدرناش نتحرك بعد العشا لولا سفن أب الله يستره هو اللي حل المشكلة

لقيت محمد بيقوللي تصور انى بأكلم كل اصحابي على النت
عادي يا محمد ايه المشكلة موش على الماسينجر
قالي لا يا راجل ياطيب .. أنا بأكلمهم على المنتدى
سألته يعنى إزاي حضرتك ؟!!
قالي المنتدى دة موقع تفاعلى بنسجل فيه عضوية ونتناقش في كل حاجة
طيب ما هو الشات أريح يا محمد
لا شات مين يا راجل يا طيب .. الشات رغي وخلاص
انما المنتدى خبراته أكبر لأانه أعضاؤه أكتر

وقام مشغل الجهاز وورانى اصحابه من ايام جامعة وبلدياته واخوه .. كل الناس دي على المنتدى
يا سلام .. حلوة الفكرة دي .. وكل واحد بيقول رأيه في الموضوع واللي بيكتب شعر واللي بيكتب قصة
وصور وموضوعات دينية ومعلومات واخبار وهيصة وراح سجلى عضوية في المنتدى بتاعهم وراحوا مرحبين بيا
ترحيب جامد قوي ورحت كتبت قصة اسمها ( بيت الحرمان ) عجبتهم قوي .........

لا يا عم المنتدى دة بيضيع الوقت .. شوية شوية بقيت مدمن .. كل ليلة بعد صلاة العشاة أمشي لآخر الشارع واخش المنتدى اسلم على الاصحاب واهنى اللي اتجوز وأرد على اللي قرأوا قصتى ونتحاور ونتناقش وتيجي الساعة 12 اقوم مروح نايم وهكذا أصبح المنتدى جزء من حياتى اليومية يقضي على آلام الغربة

حتى عدت إلى ارض الوطن
ماذا حدث ؟!!!
ستعرفون بعد الفاصل

متابعين يا مستر
ماذا حدث

على فكرة
اسلوب حضرتك شيق جدا

يا مفاجآتك يا مستر محمد
كمل
احنا منتظرين بقية الحكاية

متابعة
عاوزين نعرف حكاية المنتدى الجميل دة عملتوه ازاي

كمل يا استاذ
ياريت الفاصل مايطولش
عشان انا عارفك
لازم تنشف دمنا حتى تكمل

كمل يا مستر
وللا الكبسة دي

وفين قصة بيت الحرمان دي
منقدرش نقراها يعنى ؟

متابعين

انتظروووووونا
سنعود بعد هذا الفاصل الاعلانى القصير

أوكـ

انا مستنية

مستنين حضرتك يا مستر محمد

ماشي

حاضر يا شباب نكمل
لما رجعت مصر كان لازم آخد الحقنة ما هو بقى ادمان
لازم ادخل على المنتدى واشوف الناس واطمن عليهم واكلمهم وارد على موضوعاتهم
لان اللي بيغيب في المنتدى بيسألوا عليه ويطمنوا عليه من أقرب أصحابه

وبدأت رحلة البحث على سايبر هادي ومفيهوش دوشة عشان كل مكان اروحه ألاقي عيال صغيرة ودوشة وفيفا 2006 وحاجات غريبة

و عشان أنا مكنتش وصلت نت عندى في البيت كان لازم استحمل .. رحت دخلت على المنتدى من هنا .. احساس تانى .. ليه لانى حاسس انى قريب من اصحابي جدا لانى في مصر !!!!

المفاجأة
أن المنتدى كان عامل دعوة للقاء بين كل الاعضاء الشباب في حديقة الأزهر ..
تخيل بقى الناس اللي انت بتكلمهم وترد على موضوعاتهم هتشوفهم وتكلم معاهم وجها لوجه
يعنى الغربة اللي انا كنت بأحس بيها وأنا في السعودية والناس دي اللي كانت بتونس وقتى وتفيدنى وتزود خبراتى في الحياه هأقابلهم بجد لحم ودم

وكان يوما لا ينسى وبدلا من الكلام عبر الكيبورد بقى الكلام وجها لوجه وكانت صحبة في منتهى الروعة وشباب واعى ومثقف وحاسس بهموم بلده وكان فيه الدكتور والمهندس والمحامى وطالب الجامعة و ... الخ

وأكلنا عيش وكشري مع بعض وهزرنا وضحكنا وجبنا سيرة باقي الاعضاء وحكينا النوادر والمواقف

وانتهى اليوم
بمفاجأة أكبر

المفاجأة الأكبر أننى قابلت واحد كان دفعتى في الكلية بس كان قسم لغة عربية ومعرفتش كدة إلا لما اتقابلنا وكان اسمه الرمزي على المنتدى أبو عمر رغم أنه لم يكن متزوجا وقتها ولكنه الآن متزوج ومعاه عمر وسلمى كمان

انتهى اليوم على وعد بالتواصل الدائم وعدم انقطاع الاتصالات ..

ولكن حدث مالم يكن بالحسبان

يلة بقى كمل يا مستر
انا مستنية

منتظرين.............

انا هاشكر كل اللي تابعوا الحكاية في الاخر
محدش يزعل ويقول موش معبرنا

ماشى

نلتقي عد هذا الفاصل القصير

آكل لقمة ونكمل

انا مستني يا مستر

عدنا

اللي حصل يا شباب لم يكن على البال ولا على الخاطر .. السيرفر الذي يستضيف المنتدى وقع ولم تعد هناك أي وسيلة اتصال بين الاعضاء الاصدقاء سوى الميل والشات على الماسينجر

واستمرت هذه المشكلة حوالى 8 شهور تقريبا إلى أن فاجئنا أحد الاصدقاء بعمل منتدى جديد ليتجمع فيه الاصدقاء من تانى ولكن صادف هذا المنتدى مشاكل متعلقة بالادارة وتأجير السيرفر وخلافات على الاعتمادات الاعلانية


بقيت وحيدا لا يربطنى بالاصدقاء سوى احاديث على الماسينجر وعمل احدهم جروب على الفيس بوك لعلنا نتجمع من جديد ولكن لم يكتب له النجاح وخصوصا ان المجموعة دخلتها عناصر غريبة
لا نعرفهم


قاطعت المنتديات بلا رجعة
وتخلصت من ادمانى
وواصلت حياتى

حتى رشحتنى المدرسة لدورة تدريبية لمدة شهر عام 2007 وقابلت أحد الاصدقاء المتدربين معى
وأقنعنى بأن أعود لكتابة القصص مرة أخرى واستغل موهبتى وأنشر ما يسمى بالكتاب الالكترونى

كيف يتم ذلك وانا كرهت الانترنت ولم تعد عندى رغبة للجلوس والكتابة زي زمان
قال لازم تعمل مدونة الكترونية تنشر فيها اعمالك

بصراحة لم اكن مقتنعا وخصوصا ان مساحة التفاعل في المدونات لا تضاهيه في المنتديات
المهم
عملت مدونة

ووجدت شيئا غريبا
ان زوارها في زيادة مستمرة ويكتبون تعليقاتهم الناقدة المفيدة بالنسبة لى وأعطانى أحد زوار المدونة رابط لاكبر منتدى ثقافي أدبي في الوطن العربي وهو منتدى ( قهوة كتكوت )


سجلت عضوية وقوبلت قصصي القصيرة بحفاوة بالغة واصبح مرتادي القهوة من الاعضاء والزوار
ينتظروا ما اكتب لدرجة أن أول قصة أكتبها حصلت على ما يبلغ حوالى 5000 مشاهدة
وهو عد يبدو في عالم المنتديات مذهلا

مين عاوز رابط القصة
مين قال أنا ؟!!

إلى أن جاء شهر أغسطس 2008 وحدثت مفاجأة غير متوقعة

تابعونا
شيل ايديك من على الريموت كنترول

يوووووه
قصدي الماوس

كمل يا مستر
ايه اللي حصل

انا شاهد على موضوع المدونة وقهوة كتكوت
ايه اللي حصل بعد كدة ؟!!!!

انا شفت قصص هايلة لحضرتك في قهوة كتكوت
ليه حضرتك مابتنزلهاش على المنتدى هنا

دة اسلوب حضرتك روعة والله
في منتهى السهولة والتشويق

منتظرين الباقي

سأكمل بعد صلاة العشاء

كونوا معنا

ماشي يا مستر محمد احنا منتظرين حضرتك

يا مستر حضرتك شكلك بتصلي التراويح

طال الانتظار
منتظرين البقية على احر من الجمر

وحشتنا حكايات حضرتك

معلش يا جماعة استنو المستر شوية بس انا بجد صبري نفد القصة جميلة جدا

اعتذاري لكل الاعضاء
والله ما كان تأخيري إلا لعطل في لوحة مفاتيحي

ولما وجدت شغفا للتكملة منكم
استلفت كيبيورد الجيران وسأنزل بعد التكملة لشراء واحد جديد

احنا عندنا واحد جديد استلفه وكمل يا مستر مش لازم تشتري يعني

عدنا

ما إن خلا بيتنا الهادئ من الديناصور المرعب المدعو يوسف بعد أن حول بيتنا إلى حطام

قفزت إلى ذهنى فكرة إنشاء منتدى ولكن من أين لي بخبرة إدارة المنتديات .. إن كل ما أدعى معرفته هو الكتابة والردود ولكن خبرة إدارة منتدى بالكامل ومواجهة مسئوليته وأعباؤه ومشاكله كانت تبدو صعبة للغاية

كيف أتمكن من إنشاء منتدى وما هدفه .. هل سأستطيع أن أجعل من المنتدى مكانا محببا ووسيلة لكسب الأجر وجمع الحسنات واستغلال الوقت على الانترنت بطريقة مفيدة

نعم .. الحل هو أن أتسلح بالمعرفة فقرأت كل ما وقعت عليه عينى في كيفية تصميم المنتديات
وكيفية ادارتها حتى ألهمني الله بموقع فيه أسهل الطرق لبناء منتدى وأسهل لوحات الادارة والاشراف

بدأت العمل سرا حتى لا أواجه أحد بفشلي إلى أن ظهرت ملامح هذا الوليد الجديد
كان تصميمه متأثرا بمسحة حزن دفينة من أجل فلسطين الجريحة وغزة المحاصرة

لم أخبر أحدا بالمنتدى سوى الاصدقاء المقربين حتى أستشيرهم في الاقسام التى يمكن إضافتها للمنتدى

وحدثت مفاجآت غريبة

ومازلت ممسكا بكيبورد الجيران

حتى اكمل لكم مولد هذا المنتدى وخروجه للنور .. هذا المولود الذي أحببتموه وصار مكانا لتجمعنا .. كشجرة نرويها بماء الصدق ونستظل بحبنا في الله دون أدنى مصلحة شخصية

بدا المنتدى واقفا وحيدا في عالم المنتديات وأنا أخبئه لمهمة أكبر و منفعة أعظم


ولم يكن مسجلا في المنتدى سوى خمسة أو ستة من أصدقائي المقربين وكانت موضوعاتنا قليلة
وكانت أسماء الأقسام غريبة فيما يبدو يعنى فضفضة كان اسمه ( مساحة بوح ) ومخاميخ كان اسمه ( اقدح ذناد فكرك ) وتم إلغاؤه ثم رجوعه من جديد باسمه الحالى وقسم حوار من نار كان اسمه ( اسلاك شائكة )

إلى أن جاء اليوم الذي احتاجت مدرستنا الوليد الذي خبأته شهورا لا يعلم عنه شئ سوى
مسيو أحمد عبد الحفيظ
والذي اقترح علي تغيير التصميم من الحزن إلى هذه الالوان المفرحة

أعلنا عن وجود المنتدى على أرض الواقع وكان لنا في زملاءنا من أعانونا بصدق في تقديم مقترحاتهم لتطوير المنتدى فلا ننسى وقوف الحاج عاطف صالح في مباركة الفكرة ومساندة الصقر الاستاذ الأخ الأكبر محمد السيد إبراهيم ومقترحات الأستاذ عيد عبدالستار التى كان لها عظيم الفضل في إثراء المنتدى

تواى تسجيل الطالبات ونزول موضوعاتهن ومع كلمشاركة كان يطير قلبي فرحا لأن الوليد صار يكبر أمام عيني ويحلق في آفاق جديدة ويتزايد عدد أعضاؤه وتتزايد مشاركاتهم

وما يجعل فرحتى تتضاعف هو ان ينضم إلى منتدانا أعضاء جدد من خارج مدستنا يثرون المنتدى
بابداعاتهم الخلاقة وموضوعاتهم الثرية

ثم أخذ فريق عمل المنتدى على عاتقه أن يكون المنتدى ليس مجرد تعليمي صرف ولكن لابد له من دور في التثقيف والتعليم والتنويرولا ننسى قسم قوافل الخير الذي هو مجرد بوابة لنا إذا نفذنا بعض الاعمال الخيرية بقدر ما نستطيع

في النهاية لابد أن أتقدم بجزيل الشكر لمديرة مدرستنا الخلوقة التى جعلت العمل يتم في مدرستنا بمنتهى الحب للمكان الذي يضمنا جميعا وما المنتدى إلا صورة مصغرة منه

أشكر كل ما تابعوا حكاية منتدانا المتواضع الذى أصبح بفضل مشاركاتكم منارة للابداع والتعلم الجاد


جزيل شكري لكل الاعضاء من المدرسة ومن خارجها ولكل من يزور منتدانا قاصدا علما وخير

كل عام وانتم بخير

اروح بقى ارجع الكيبورد للجيران
وكل الردود على المشاركات ستكون بلوحة مفاتيحى الجديدة

دمتم في رعاية الرحمن وحفظه

جميلة جدا يا مستر محمد بجد روعة
بس يلة بقى بسرعة روح رجع الكيبورد علشان الناس ماتزعلشى

بجد
روعة
معقولة
دة انا اكلت كلام حضرتك اكل
اسلوب شيق
وكلام يدخل القلب

انا باحس فعلا في المنتدى ان الناس كلها اسرة واحدة
ربنا يخلى حضرتك لينا ويبارك في مجهودك ويجعله في ميزان حسناتك

جميل اوي يا مستر محمد

روعه يا مستر

الكيبورد لسه معايا لو عايز اسلفوهلك

انا جبت كيبورد خلاص
شكرا يا احمد


وسأرد عليكم تباعا

كل سنة وانتم طيبين
وياب يفضل دايما احلى منتدى

خلااص يا مستر جبت اكتب الوقتي

ربنا يرخلى حضرتك لينا ويبارك في مجهودك ويجعله في ميزان حسناتكيكل عام وانتم بخ

كل عام وانتم بخير

كل عام وانتم بخير وتعود عليكم ايام هذا الشهر بالخير واليمن والبركات

كل سنة وانتم طيبين مع المنتدى ويبقى بفضل مجهوداتكم احلى واحلى

شكري للجميع من رد ومن لم يرد

كل سنة وانت احلى يا منتدانا الحبيب ياللي مجمعنا ع الخير دايما
وكل سنة ومستر محمد وفريق دارة المنتدى والاعضاء والزوار بخير
ومن تقدم الى تقدم

كل رمضان ومنتدانا احلى

كل سنة ومنتدانا احلى واحلى

يارب دايما في تألق مستمر يا مستر محمد

بجد يا مستر اسلوبك رااااااااااااااااااااااااااااااااااااااااائع جدا

مشكور

والف مليون مبروك علينا المنتدى الجميل دة
مكان رائع بيجمعنا على العلم والخير
شكرا ليكم كلكم

غدا يكمل المنتدى من عمره عام كامل
فقد ولد يوم السابع والعشرين من أغسطس 2008

كل عام وانتم بخير

كل سنة والمنتدى بخير
ونفضل على طول مع بعض
كل سنة وحضرتك طيب يا مستر واحلى الاعضاء

عندما يكتب المعلم نبقى صامتين لنسمع
لاننا حتما سنتعلم منه كل جديد

فهو دائما يفكر بطريقة تختلف عن الآخرين
صنع المنتدى ليكون ملتقى من يريدون ان يتعلمواويتثقفوا في مكان محترم
دون اي منفعة شخصية

احبك في الله يا مستر
احترم عقليتك المبدعة

كل سنة والمنتدى من نجاح الى نجاح

والله مجهود رائع يا مستر
المنتدى في منتهى الجماااااال

شكرا جزيلا على مروركم الجميل على موضوعي المتواضع