تخيلوا لو اتنين سمعهم تقيل اتكلموا مع بعض

حوار بين اثنين سمعهم خفيف تضحكك وأن ماضحكت بكيفك
تخيلوا لو اتنين سمعهم تقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار ده
الأول : الاتوبيس ده بيروح مــصر الجديدة؟
الثاني : على الحديدة !!... ليه انت طالب احسان
الأول : بذرة الكتان !! لا ..دي تلاقيها عند العطار
الثاني : جزار!! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! انت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
الثاني : خيش!! والله ده صوف انجليزي
الأول: بنتك زيزي!!! ربنا يخلي...
الثاني : أنتاج محلي .!!!! ده مستورد
يمر شاويش من بتوعنا ... يلفت انتباه الحوار، : بتعمل ايه يا جدع منك له!!!
الاتنين: ايوة يا شاويش ...احنا مستنين الأتوبيس
الشاويش :! نهاركم مش فايت .... جواسيس !!! قدامي على القسم

هههههههههههههههههههههههههههه
والله الاتنين زى العسل
موضوع كالعادة جميل يا حالو يعنى مش غريب عليك

بجد انا مش عرفة اقول اة من المواضيع الجمدة دة
بجد انت تجنن موا ضيعك كلها تحفة

شكراً لك زينا وشكراً دودو .
بس يعني زي اي مواضيع يعني.

شكرً يا توتا .

موضوعك جاااااااااااااااااااااااااااااااامد ياحالو زي عادتك

شكراً يا صفية .

ربنا يخليكي يا زينا المهم اشوف البسمة علي وجهكم.

هههههههههههههههههههههههههههههههه
حلو كدا

ايوه طبعاً النبي عربي.

لا يا ماما محدش طبعاً يقدر يقول .

فتى مطيع

hhhhhhhhhhhhhhh
thank u