نكت للبيع!!!!

مره واحد كسلان اوى راح يحلق فالحلاق بيقولو شعر ولا دقن صاحبنا قالو
اللى تشوفو الحلاق قالوا خلاص يبقى دقن ارفع دماغك قالوا خلاص خليها شعر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
واحد احول بيشوف كل حاجة اربعة خلف ولد بيشوف كل حاجة اتنين فالولد دخل علي ابوة قالة
يا بابا اجيبلك شاي انت وعمو قلة يللا ياد خد اخواتك وامشي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
مره واحد مسطول واقف قدام الظابط وهو بيقوله ازاي تخبط الراجل ده بالعربيه قاله
مانا قولتله وسع وسع وهو مرديش روحت داخل فيه فسأل الظابط التاني وقاله ليه ماوسعتش قالي ياباشا انا حاولت بس انا كنت قاعد في الدكانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
مره واحد بيقول لواحد صاحبه: اسكت مش انا حماتى ماتت امبارح..قاله لا حول ولا قوة الا بالله يا رب..ماتت ازاى الست دى
قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى
قاله لأ.. ماهى ماوقعتش على الارض... قاله امال ماتت ازاى
قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا
قاله لأ يا عم.. ماهى الكهرباء كانت مقطوعه... قاله امال ماتت ازاى بس
قاله اصل السلك نطرها في حمام السباحه... قاله لا اله الا الله ماتت غرقانه
قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله
امال انت بتقول ماتت ازاى
قاله ما انا لما ما لقيتش فايدة رحت خانقها بالإيشارب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
واحد سواق قابل واحد لابس اصفر قالة ممكن توصلني قالة انت مين قالة انا الفرفور الاصفر قالة
مبركبش معايا فرافير .شوية وقابلة واحد لابس اخضر قالة انا الفرفور الاخضر ممكن تركبي معاك قالة مبركبش معايا فرافير كمان شوية قابلة واحد لابس احمر قالة انا الفرفور الاحمر ممكن توصلني معاك قالة مبوصلش معايا فرافير اخر مرة فابلة واحد لابس ابيض فالسائق قالة وانت اية الفرفور الابيض قالة فرفور اية الرخص يا كوكوووووووووو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
دكتور اسنان دخل خناقة
حشوه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
مرة واحد مسافر فى طيارة معه بغبغانه البغبغان كل شوية يدوس الجرس تيجى المضيفة يقولها
بأدلع راحت للطيار تشتكيه قالها ارميه من الشباك فرمت فالراجل صاحب البغبغان اتغاظ راح عامل زى البغبغان راحت رمته فقابل البغبغان تحت فالبغبغان قاله لما انت مبتعرفش تطير بتدلع ليه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
اتنين مساطيل واحد بيقول للتانى تصور عبد الحليم حافظ مات وهو نايم التانى قال له
يا حرام يعنى لحد الان ما يعرفشى ان هو مات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
ولد مغلّب مدرس الجغرافيا معاه ليه؟؟؟؟؟؟؟ عاوز يعرف
خط الاستواء ده كليك ولا موبينيل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
مره كتكوت معلق سلسله على هيئه امليت راح صحبه ساله ايه الصوره دى قاله
دى صوره اخويا الشهيد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
بلدياتنا مبيعرفشى يعوم وقع فى
البحر مات محروق

جميل يا حالو

جميلة كالعادة طبعا يا حالو
بس أحب الفت انتباهك لحاجة صغيرة
هوأن مفيش حاجة اسمها (لا حول الله)
هذا تَعْبِير خاطئ .
وهو مُتَضَمِّن لِنَفْي الْحَول والقَّوة خَاصَّة إذا قال القائل : لا حَوْل ولا قُـوَّة .
وهو بِهذا الإطلاق لا يَجوز .
بل لو اعْتَقَد مَعناه كَفَر بِالله .
وسئل فضيلة الشيخ محمد بن عثيمين رحمه الله : عن قول : " لا حول الله " ؟
فأجاب قائلاً : قول " لا حول الله "، مَا سَمِعْتُ أحَدًا يقولها ، وكأنهم يريدون " لا حول ولا قوة إلا بالله "، فيكون الخطأ فيها في التعبير ، والواجب أن تعدل على الوجه الذي يُرَاد بها ، فيقال : " لا حول ولا قوة إلا بالله" . والله تعالى أعلم
فياريت نحاول ندقق شوية في تعبيراتنا ......
وشكرا على النكت

شكراً لك يا دودو .

وجزاك الله خيراً يا رورو وماشاء الله عليكي تملكي معلومات رائعة .
بصراحة تعلمت منك الكثير .

شكرا يا حالو ولو عايز تستفيد أكتر وتفيدنا معاك
حاول تجيب لنا بعض من الألفاظ والعبارات المخالفة للعقيدة وإحنا بنقولها بجهل منا ومش
عارفين إنها غلط وتكسب فينا ثواب Smile

ماشي؟؟

جامدة جدا ياحالو ويريت تقدملنا اكتر واكتررررررررررر ahg

هههههههههههههه