جدع يا باشا

إلى الشخص الذي إنعدمت مروءته وتجرد من إنسانيته هو وجنوده .. الى ضرب المتظاهرين في عنيهم والعسكري قاله " جدع يا باشا "
-------
من ضى عينى حرمتــنى
و نسيت يا باشا انى بطل
عمر الرصاص ما يهزنى
اضرب وركز فى النيشان
افرح قوى انك جــــــــبان
صاحبك فى سينا راح شهيد
وانت بتتدارى فى حيطان
فكرك يا باشا انى بشوف
عشقى لبلادى بالعنيـــن ؟؟
وكلاب سعادتـك لو الوف
راح يمنعوا حلم السنين ؟؟
انا جيت هنا علشـــان بلد
وتار شهيد و دموع ابـوه
وحلم بكرة بيتــــــــولد
وطن حلفنا نرجعــــــوه
لو من عنيا النور خمــد
ملايين بدالى حيشوفوه
اضرب يا باشا اضرب كمان
و اطلق ديابتك فى الميـــدان
قبلك كلاب هاصـــــت نباح
واهى قاعده تبكى فى اللومان
اضرب كمان تسلم ايديــك
ملعون ابوك و اللى حاميك
ملايين فى مصر بيهتفــــوا
يا باشا اهوه .. اتفووووووووووووووووووه عليك

تحفة يامدحت وبجد اتفوووووووه علي دهه جندي وخسره فيه اسم مصري

جميله اوى انا عنيا دمعت وحسبى الله ونعم الوكيل فيه