البدله

فاكر البدله وايا الزفه
تعمل منك ريس يا مشير
ولا الصدفه بصورة الكاميرا
تخدك ع الكرسى وتطير
مش قادر حبه تستنىَ
لما تاخدها بالتزوير
نازل فـ الشارع على غفله
وايا اذاعه وحفلة تصوير
قال يعنى فـ نزولك فاجئه
ضربه مفاجئه للتحرير
تضحك بيها بإعلام سكه
على شعب قليل التفكير
كان غيرك اشطر لامؤخذه
وأسئل اللى أختارك وايا الطراطير
كان برضو هايص فـ الزفه
وإعلامه شاطر فـ التخدير

الله
جميله اوى
تسلم ايدك

لا واللي كتب القصيدة لابس بدلة اشيك من بدلة المشير
وواخدنا بخيالاته وبيطير .. فعلا الكبير كبير
كلماتك سهلة بس المعنى خطير

والمشير ييجى جنبه ايه

بجد جميل اوووووووووى يا مدحت
تسلم ايدك

ايه الجمال ده كله جامداااا جداااااا