مدرسة النهضة الثانوية للبنات
اهلا بكم في منتدى مدرسة النهضة الثانوية للبنات

مدرسة النهضة الثانوية للبنات

منتدى تعليمي تثقيفي ترفيهي
 
الرئيسيةس .و .جبحـثالتسجيلدخول
الموقع الرسمي لمدرسة النهضة الثانوية للبنات : www.nahdabanat.freetzi.com
لا إله إلا أنت سبحانك إني كنت من الظالمين

انشط عضو في هذا الاسبوع  بسبوسة


أفضل موضوع لهذا الأسبوع هو ( شيخ العرب همام ) في ( تراث وموروثات )

حمدا لله على السلامة استاذ سيد عبدالكريم

كل عام وانتم بخير



شاطر | 
 

 ازاي تعرف انك اتربت في بيت مصري!!!!!!!!

اذهب الى الأسفل 
كاتب الموضوعرسالة
مرام
عضو ذهبي
عضو ذهبي
avatar

انثى عدد المشاركات : 662
العمر : 24
تاريخ التسجيل : 20/04/2011

مُساهمةموضوع: ازاي تعرف انك اتربت في بيت مصري!!!!!!!!   الجمعة 26 أغسطس - 6:55:28


[b][justifالسلام عليكم ورحمة الله وبركاته
y][color=violet][ بسملة /color]
باختصار ( أزاي تعرف أنك اتربيت في بيت مصري)
علي مدي سنوات الطفولة والمراهقة يقطع الابن منزل أسرته رايح جاي وهو يستمع للنصائح والتوجيهات نفسها والتوبيخ نفسه بأساليب وجمل ثابتة لا تتغير .. حتي أصبحنا بمرور الوقت نحفظها جيداً ونتوقعها ( واهالينا يقولوا وأحنا نكمل لهم ) واسترجاع هذه المقولات " التي لا تسمعها إلا في البيت المصري " يبعث في الوجدان قشعريرة مصحوبة بنوع من الكوميديا . ويعمق محبة أهالينا في القلوب . ويجعلنا نكتشف كم الهستيريا والقلق والمسئولية التي تكبدها الأهالي في سبيل أن تقف فخوراً برأي الناس فيك " شكله بن ناس .. ومتربي "
كفاية بقا عشان بدات أبقا رخمة
نبدأ في الجمل :-

[/center]

1- مش عايز أسمع صوت . وفي هذه الجملة تدريباً مبكراً علي تقبل الديكتاتورية الذي سوف تواجها طول حياتك .



2- ما تردش عليا . ودي نصيحة إذا ألتزمت بها سوف تكسب مديرك في العمل
3- تعد في أول صف أدام السبورة.
4- لو مش فاهم حاجة .. ارفع أيدك وقول للاستاذ مش فاهم ما تتكسفش .. فاكرين المدرالمدرسين زي اللي كانوا علي أيامهم .
5- اللي بيشيل قربة مخرومة بتخر عليه لوحده.
6- ومالها الكتب بتاعة الوزارة ؟ !
7- بص كويس وأنت بتعدي الشارع .
8- متتأخرش بعد المدرسة وتقعد تصيع مع أصحابك .. وهي نصيحة سوف تحقق لك قدراً من السعادة فيما بعد إذا تعودت علي أن تكون رجلا من الشغل للبيت
9- أفرد ضهرك .
10- مافيش مذاكرة علي المزيكا .. أو.. بتذاكر أزاي والبتاع دا شغال جنبك .
11- ماتمشيش حافي في السقعة دي
12- صليت العصر ؟!
13- ربنا يهديك يابني .. وأحيانا أنك لا تهدي من أحببت .
14- أطفي التلفزيون دا وقوم ذاكرلك حاجة تنفعك دا الامتحان قرب حتي لو كنا في أول المدارس .. أو .. أطفي التلفزيون وقوم خش أوضتك
15-أوعي تقول لحد هاتلي حاجة .
16- أقفل صدرك
17-بلاش وقفت الشبابيك والبلاكونات.
18-كل علي مهلك .. وامضغ كويس .. ومتكولش وأنت واقف .. وكا من قدامك متحفش
19-كفاية رغي في التليفون .
20-ما تعدتش قدام المروحة وانت لسا مستحمي .
21-المسلسل مش هينفعك ... قوم ذاكر .
23- وأنت فاكر أحن مستنين منك حاجة ؟!
24-متعليش صوتك عليا .
25-بلاش لعب في الشارع .
26-يابني ألي ذاكر ذاكر خلاص .. قوم نام
27- بلاش لعب بالمقص.... بيجيب الفقر .
28-يابني كلم خالتك العيانة أسأل عليها .
29-أوعي حد غريب يديك حاجة من برا تكولها أو تشربها وتخدها
30-النوم لحد الظهر يجيب الفقر ..
31- أوعي تكدب عليا تاني مرة .
32- لازم تاكل سلطة ..
33- لو شفت خناقة ملكش دعوة بيها .
34-عيب.. لازم تحترم ألي أكبر منك .
35- كلمنا لما توصل .
36- ملكش دعوة بسياسة .
37-بلاش أكل برا ..
38-لو فلحت أبقي تعالي " أعمل بي بي علي قبري " .. ( إيه الخيال دا )
39-ما تلبس القميص علي اللحم زي العيال الصايعة .
40-يا بني أنت مسطول ولا أيه .
41- أنت فاكرنا نايمين علي ودانا ؟!
42-وطي الزفت دا شوية .
43- قوم أقرأ لك كلمتين ينفعوك .
44- أيه اللامبالاه والاستهتار اللي أنت عايش فيهم دول .
45-أنت فاكر احنا لاقيين الفلوس دي في الشارع .
46- والله منتا فالح .. وأدي دقني أيه .
47- ما تتكلمش بصوت عالي في الحمام .
48- ما تنامش ألا أما تغسل سنانك .
49-ما تلزقش في التلفزيون كده .. نظرك هيضعف .
50- ضرب أمثلة تشجع علي الكفاح وأشهرها " أحد الأقارب اللي ذاكر علي لمبة الجاز أو عي نور العمود في الشارع وخد الدكتوراه وسافر أمريكا )
51-سلم علي عمك كويس يا ولد .
52-يا بني محدش بينفع حد .
53- ماتطلعش أيديك من شباك العربية .
54- قصة الغريق الكاذب ألي كل مرة يقول ألحقوني لغاية مغرق بجد .
55-ربنا يرزقك بعيل يوريك اللي أنت ورتهولنا .
56- حول القناة دي بلاش مسخرة وقلة أدب.
57- طلع أيدك من جيبك وأنت بتكلمنا .
الى يدخل بقى يقولى اتقالو كام جمله من الجمل ديه
الرجوع الى أعلى الصفحة اذهب الى الأسفل
ريناد55
عضو ذهبي
عضو ذهبي
avatar

انثى عدد المشاركات : 577
العمر : 24
تاريخ التسجيل : 06/12/2010

مُساهمةموضوع: رد: ازاي تعرف انك اتربت في بيت مصري!!!!!!!!   السبت 27 أغسطس - 21:52:58

صراااااحة اتقال منهم 57 بسسسسسسسسس
الرجوع الى أعلى الصفحة اذهب الى الأسفل
كليو باترا
سوبر عضو
سوبر عضو
avatar

انثى عدد المشاركات : 1013
العمر : 23
تاريخ التسجيل : 06/12/2010

مُساهمةموضوع: رد: ازاي تعرف انك اتربت في بيت مصري!!!!!!!!   الأحد 28 أغسطس - 12:38:57

هههههههههههههههههههههههه اتقال نهم كتيييييييييييييييييييييييييييييييييير اوووووووووي
ميرسي يا مرام علي موضعك
الرجوع الى أعلى الصفحة اذهب الى الأسفل
مرام
عضو ذهبي
عضو ذهبي
avatar

انثى عدد المشاركات : 662
العمر : 24
تاريخ التسجيل : 20/04/2011

مُساهمةموضوع: رد: ازاي تعرف انك اتربت في بيت مصري!!!!!!!!   الخميس 1 سبتمبر - 4:28:07

مرسي ليكي يا كليوباترا انتي وريناد 78
الرجوع الى أعلى الصفحة اذهب الى الأسفل
 
ازاي تعرف انك اتربت في بيت مصري!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة النهضة الثانوية للبنات :: الأقسام العامة :: متفرقـــات-
انتقل الى: