الحكم لاعضاء المنتدى

الرسالة لمصطفى شرف
اولا ديه الجملة اللى قالهالى مصطفى او قالها على الفيس بوك على الجروب بتاعنا


(والهى العظيم انا هقولك حاجه صغيره اوووى انا مسألتش حد متسول قبل كدا وقلتله بتشجع ايه ويقلى حاجه غير الاهلى .... متلقيش الا صفوه المجتمع هما الزملكاويه)


وده معناه ان كل الاهلوية متسولين
يعنى انا كمان من المتسولين واخوتى والعائلة صح
انت اولا ما تعرفنيش غير من خلال النت وماتعرفش حاجة عنى وغير كده انت حكمت على باقى الشعب ان هو متسول عشان بيشجع الاهلى عموما انا مش هتكلم عن الناس وهتكلم عن نفسى
على ما اعتقد ان انا لما اكون راجل جامعى وفى كلية حقوق انجليزى جامعة عين شمس واخوية راجل خريج كلية اللسن المانى وبيشتغل مدير شئون عاملين فى شركة استيراد وتصدير فى النمسا وكمان اختى خريجة كلية سياحة وفنادق جامعة عين شمس
واخوية الصغير فى ثانوية عامة ووالدى بيشتغل مدير قطاع فى وزارة التموين ووالدتى بتشتغل فى قسم الجوازات فى مجمع التحرير ودول اسرتى بس وكلهم بيشجعوه النادى الاهلى يبقى دول كلهم تحكم عليهم وتقول ان هما متسولين

يبقى ده عيب
وسورى يا مصطفى ده يتسمى قله ادب واحترام للناس وحريتهم
وانا لما اتكلمت على الزمالك اتكلمت على النادى مش الناس لان فعلا فى ناس كتير محترمين جدا بيشجعوه الزمالك
وكفايه ان محمد حسنى مبارك زملكاوى وهو انسان فاسد وظالم يبقى الناس كلها فاسدين لالالالا

عموما انا هخلى الاعضاء الكرام اللى بيفهمه يحكمه على الكلام ده
انت انسان كويس وحبوب وبتهزر واحنا بنتقبل هزارك بس يكون ليه حدود
مش ده يخليك تنفلت فى كلام انت شايف ان هو مش خارج حدود الادب
وانا قولت كده يا مصطفى وعملت الموضوع ده عشان انا بجد بحبك وبعزك
فياريت ما تخلنيش اغير صورتك بالنسبالى
وارجوا منك يا ايها الاعضاء الكرام الحكم وتقولولى لو انا غلطان ؟؟؟
وشكرا

بص ياباسم انت مش غلطان ولا حاجة وبعدين مش الكورة اللي هتوقعنا في بعض وبعدين ياجماعه احنا صحاب مينفعش اللي حصل ده وانت يامصطفي حاول تسيطر علي نفسك شويه متندفعش كده مرة واحدة وحاول انك تنقي كلامك عشان متزعلش منك حد وبعدين ياجماعه مهما حصل احنا صحاب بردوا والصحاب ميهنوش بعض ياريت تنسوا الحكايه ديه وترجعوا اصحاب تاني لان انتوا بالفعل صحاب ويا مصطفي حاول تسيطر علي نفسك انتوا مش اعداء

هههههههه اللبس يا صاحبى ايه رأيك فى القرف ده عالم تييييييييييت وده دائما الزمالكويه ...؟؟؟؟؟ بلاش

ده الكلام اللى انت قلتوا بردوا صح ولا انا غلطان وانا هقولهالك للمره التانيه انا مقلتش
عنك كدا ولا حاجه لسمح الله انت راجل محترم وعيلتك ناس محترمه ده اللى انا متاكد
منه من غير ما اعرفكوا وبعدين لو قريت كلامى كويس هتعرف انى انا مبقولش عليك
انت ومقلتلكش يا باسم انت كدا انا بقول اللى انا شفته وبقول المعظم كدا مقلتلكش انت
بقى وتعملى حوار كبير وموضوع من غير موضوع وانا هقولك حاجه كمان الناس
اللى هنا فى المنتدى القديمه تعرفها عنى كويس انا اللى ع لسانى بقوله ع الكيبورد
مش بنافق ولا اجامل زى ناس ومش بيهمنى حد يزعل او ميزعلش المهم اقول
الحقيقه واقول اللى فى قلبى ومش انافق .... وفى الاول وفى الاخر انا مش هخش
المنتدى تانى سلام

لالالالالالالالالالالالا
على فكرة مش كل واحد يعتب على حد التانى يقول هسيب المنتدى
احنا مش عيال مش من الافضل يا مصطفى انو يعتب عليك احسن
لما يكلم معاك وهو زعلان منك او مش يكلم معاك خالص وبعدين هو عتب عليك من حقك ترد وتقول مبرر كلامك وزى مانتا بتقول مبرر لكلامك هو من حقة يكتب ليك عتاب
وبعدين مااحنا بنتخانق على اهلى و زمالك يبقى المفروض المسلمين والمسحين يتخانقوا زى ما احنا بنتخانق
دية حكاية صغيرة مش لازم نتخانق عليها انت بتشجع الزمالك وانا بشجع الاهلى يبقى يعنى كدة نتخانق كل واحد بيحب فرق بيعبر عن حبة لها باحترام وفى النهاية كلنا فى الاخر بنشجع مصر
وارجو منك يا مصطفى لا تترك المنتدى
تقبلوا ردى

انا متشكر جدا يا بنات على مروركم وابداء ارائكم

وبعدين يا مصطفى انا لو مش بحبك وبعزك ما كنتش عملت موضوع وعتبتك
وكنت بقيت شايل منك وهنتكلم مع بعض بطريقة وحشة ممكن تخلينى نمسك فى بعض بعد كده
صح
انت بقى فجأة تزعل وتتأمص وتقول همشى ومش داخل تانى يبقى ده هروب من المواجه وده شغل عيال
لو انت شايف نفسك عيل اعمل كده وامشى
بس

لا حول ولا قوة الا بالله .. اغيب يومين عن المنتدى ارجع الاقيكوا مقطعين هدوم بعض وبتضربوا فى بعض وماسكين فى شعور بعض ؟
ههههههههههههههههههههههههههههههههه
خلاص خلاص هابطل هزار وهاكلم جد .. بس محدش يضحكنى
انا كان ليا نقد ليك ياباسم : واضح من كلامك ان اللى حصل بينكوا انة حصل على الفيس فـ ماينفعش انك تعمل موضوع على المنتدى وتعاتب راموس فية كنت ممكن تبعتلة رسالة تقولة وجهة نظرك ...إلخ....... بس اللى حصل حصل

ثانيا : راموس زيى ماقالك اللى فى قالبة على " كيبوردة " ولو هو غلط انت كمان غلطان

ثالثا : ياراموس حاااااول تحسس على الكلام قبل ماتقولة ودة مش نفاق دة مراعاة لشعور الغير

ويا جماعة مهما اختلفنا فنحن أصدقاء وعلى الأصدقاء انهم يسامحوا بعض مهما حصل بينهم

انا كدة قولت اللى فى ضميرى واللى انتوا عايزينة اعملوة

بص هوا المفروض محدش يشتم عن حد اصل هتقول الزمالك مفيهاش حد وحش هقول لا ومليون لا كل حاجه فيها الحلو وفيها الوحش والمفروض لما حد يشتم عن حد شافه وحش ميجمعش علشان كده غلط
ده راى ارجو ان تتقبلوه

شكرا اوى لمرورك اولا
ورأيك ثانيا
وانا اوافق على رأيك بصراحة
وشكرا تانى مرة