كان إبليس في غرفته , بيلم هدومه في شنطة إلى جانب باقي
متعلّقاته ...على التربيزة القريبة كانت استقالته موقّعة ومختومة
حسب الأصول
وبجوارها تذكرة سفر إلى جزر القمركانت ملامح وجهه في تلك
اللحظات تنطق بالحزن, والكآبة , والإحباط , واليأس , وقلّة الحيلة ...
مع دهشة مزمنة ارتسمت عليه منذ فترة ليست بالقريبة
واعترافٍ بالعجز والفشل إبليس هيهاجر عن بلادنا إلى غير رجعة...
كده هيفرح المؤمنون ....
على فين يامسهّل؟
ليه بتلم هدومك !!
ياراجل ماليش قعاد عندكم لي سنين عاطل عن العمل وقرّبت أموت
من الجوع ..
أقولك معاك سيجارة بس ؟
مش هسبلكم لاوسواس ولا خنّاس!
كنت من زمان أوسوس للوحدة تسيب ابنها يبكي وهي ترغى مع
جاراتها ودلوقتى بيرغوا لوحدهم ... بيرمو عيالهم أوّل ما يجوا
كنت أوسوس للواحد ينسى يسمّي بالله قبل ما ياكل دلوقتى الواحد
مش لاقى حاجه يأكلها ! يا راجل ..
إذا أنا إبليس... أتسمّمت من الشاورما
كنت أوسوس للشاب انه يقول كلمة للبنت وهي ماشية فى الشارع
دلوقتى البنات همه اللى بيعاكسوا الشباب وبيقولوا كلام أنا أتكسف
اقوله !!
واحد يسرق 100 مليون جنيه عيني عينك ويتسجن 3 سنين فى فيلاّ
على البحر
وإثنين بيدورا على اكل فى باللا تقوم تمسكهم الشرطة!!
إنتو محتاجين إبليس إنتوا ؟؟؟؟
دلوقتى عندكم فائض فى الفساد يكفّي 30 سنة قدّام, اصبحت أخاف
على نفسي منكم يا راجل!!
اصبحت انجبر سعات أوسوس بالمقلوب وأقول للمسؤول إرحم
وللحرامي كفاية.. خلّي شويّ للحراميّة اللي جايين بعدك..
يعني إذا إنتو لوحدكم ما شاء الله بتعملوا كل البلاوي دى أنا إبليس
اعمل أيه؟
أشتغل سواق تكسي يعني ولاّ أفتح محل حلاقة ؟ .....