مدرسة النهضة الثانوية للبنات
اهلا بكم في منتدى مدرسة النهضة الثانوية للبنات

مدرسة النهضة الثانوية للبنات

منتدى تعليمي تثقيفي ترفيهي
 
الرئيسيةس .و .جبحـثالتسجيلدخول
الموقع الرسمي لمدرسة النهضة الثانوية للبنات : www.nahdabanat.freetzi.com
لا إله إلا أنت سبحانك إني كنت من الظالمين

انشط عضو في هذا الاسبوع  بسبوسة


أفضل موضوع لهذا الأسبوع هو ( شيخ العرب همام ) في ( تراث وموروثات )

حمدا لله على السلامة استاذ سيد عبدالكريم

كل عام وانتم بخير



شاطر | 
 

 عايزه اذاعه جامده ممكن تساعدونى؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr.sara
عضو جديد
عضو جديد
avatar

انثى عدد المشاركات : 10
العمر : 23
تاريخ التسجيل : 07/03/2011

مُساهمةموضوع: عايزه اذاعه جامده ممكن تساعدونى؟؟   الخميس 31 مارس - 3:10:48

ياجماااااعه محتاجه مساعدتكم ضرورى انا عايزه اذاعه فى حب مصر وبما انى ماليش فى نظام التاليف والمقدمات والحاجات دى فقلت مفيش غيركم هيساعدنى وبصراحه انتوا يعتمد عليكم ياجدعاااااااااااااان

صح ولا ايه؟ 44
الرجوع الى أعلى الصفحة اذهب الى الأسفل
(*دلوعه المنتدى*)
عضو ماسي
عضو ماسي
avatar

انثى عدد المشاركات : 878
العمر : 20
تاريخ التسجيل : 29/09/2010

مُساهمةموضوع: رد: عايزه اذاعه جامده ممكن تساعدونى؟؟   الجمعة 1 أبريل - 5:00:44

بسم الله من نجا موسى فى التابوت

و نجا يونس فى بطن الحوت

و نجا ابراهيم من اللهب و الموت

و نجا محمد بخيوط العنكبوت بسم الله الرحمن الرحيم


على اسم مصر التاريخ يقدر يقول ما شاء

أنا مصر عندي أحب وأجمل الأشيـــاء

بحبها وهي مالكه الأرض شرق وغرب

وبحبها وهي مرميه جريحـــــــة حرب

بحبها بعنف وبرقة وعلى استحيـــــاء

واكرهها وألعن أبوها بعشق زي الداء

كل شىء يقل اذا انقسم بين اثنين

الا الحب فإنه يزداد ,

بكل الحب نلتقى بكم أعزائى

طالبة و طالبات مدرسة .........

و يسعدنا ان نقدم لكم اذاعة خاصة عن بلدنا الغالية

أم الدنيا مصر


و نبدئها بخير الكلام القرأن الكريم و الطالب .......

أعوذ بالله من الشيطان الرجيم

بسم الله الرحمن الرحيم :

( الرحمن * علم القرأن * خلق الانسان * علمه البيان

* الشمس و القمر بحسبان * و النجم و الشجر يسجدان

* و السماء رفعها و وضع الميزان * الا تطغو فى الميزان

* و أقيمو الوزن بالقسط

و لا تخسرو الميزان ) صـدق الله العظيم


مَـصــر يـاعُـمرى وسِنينى

ياللى دايـماً تِـرفـَعِـيـنـــــى

عَ الأعـادِى وتـُنصــريـنِى

حَ انـصُرك مِن غِير ماافـَكَّر


و الان نقطف زهرة جميلة من بستان النبوة

مع الحديث الشريف و الطالب .........

قال رسول الله صلى الله عليه وسلم

‏" ‏آية المنافق ثلاث‏:‏

إذا حدث كذب ، وإذا وعد أخلف ، وإذا اؤتمن خان ‏"‏

‏صدق رسول الله صلى الله عليه و سلم


. مَـصـــر يـاسِـــت الحَـبايـب

دَم قـَـلبى فِـيكِـى دايـــــــــب

واللى حَاضِر واللى غـَايب

يـِوهِـبـوكِـى الروح وأكـتــــــَر

. قالو فى قديم الزمان

" اليوم الذى يمرّ من عمرك

دون أن تتعلم فيه شيئاًً جديداً

, هو يوم ضائع من عمرك

فهيا بنا نتعلم شىء جديد

و نتعرف على معلومة جديدة مع الطالب ......



هل تعلم اننا نستخدم العديد من الكلمات الفرعونية

فى حياتنا اليومية دون ان نعلم ان هذة الكلمات

اصلها فرعونية و قبطية قديمة مثل :

كلمة أمبو باللغة القبطية تعنى أشرب

و كلمة مم باللغة القبطية تعنى كل

و كلمة كخة باللغة القبطية تعنى قذارة

و كلمة تاتا تاتا باللغة القبطية تعنى خطوة خطوة

و كلمة بعبع ماخوذة عن أسم عفريت فى مصر الفرعونية أسمه بوبو

و كلمة رخى رخى باللغة الفرعونية تعنى انزلى انزلى

و كلمة مدمس معناها فى اللغة الفرعونية الفول الناضج الجاهز للاكل

و كلمة بيصارة ماخوذة من كلمة بيصورو و هى اكل فرعونية عبارة عن فول مطبوخ

و كلمة صهد باللغة القبطية تعنى النار او الحر الشديد

و كامة نونو باللغة القبطية تعنى المولود الصغير

و كحكح باللغة القبطية تعنى الرجل الكبير فى السن

و كلمة مرتى التى لازلنا نقولها فى الصعيد هى كلمة فرعونية بمعنى زوجتى

و كلمة بح باللغة القبطية تعنى انتهى

و كلمة أبح باللغة القبطية تعنى شيل او احمل

و كلمة كركر باللغة القبطية تعنى الضحك الكثير

ام كلمة وحوي يا وحوي إياحة فهى ايضا ذات اصل فرعونى

الحكاية انه بعد انتصار احمس على الهكسوس

خرج الشعب يحي الملكة اياح حتب

ام الملك احمس طارد فكانوا يقولوا

واح واح إياح , واح واح إياح

أى تعيش تعيش إياح ( أم الملك أحمس )

و مع الزمن تطورت الكلمة

حتى صارت وحوى يا وحوى إياحه واصبحنا نقولها احتفالا برمضان




يا مصر يا أم الدنيا ياأغلى الاوطان

مين ده اللى يقدر يوصل بيكى لبر أمان

و يعدى بيكى على بكره غير ولادك الشجعان

قالو قديما الحكمة هى نور كل قلب

فهيا بنا نتعرف على حكمة جديدة مع الطالب .....



حكمة اليوم مجموعة من امثالنا المصرية الشعبية

قالو :

يا داخل بين البصلة و قشرتها ما ينوبك الا ريحتها

و قالو :

الى ياخد قوتى يبئا ناوى على موته يا موتى

و قالو :

اللى يمشى ورا كلام الناس ما ينفعش

و اللى ياكل حرام ما يشبعش

و قالو :

تراعينى قيراط اراعيك قيراطين

و تشوفنى بعين أشوفك باتنين

و قالو :

لو صفيت النية هتلاقى لقمة هنية تكفى مية



شعب مصر ده شعب أصيل

اصله شارب مية نيل

و عشان خاطرك يا مصر

هنعمل المستحيل

خلق الله لكل انسان موهبة ..

و عليك ان تبحث داخلك لتكتشف ما هى موهبتك ,,

و ثق انك موهوب

نبدء فقرات المواهب اليوم

و موهبة القاء الشعر أو الغناء

اغنية أرمى حمولك عليا و الطالب ....

ارمى حمولك عليا وانا اشيل عنك شوية

يا مصر يا اغلى عندى من كل الدنيا دية

ارمى حمولك عليا وانا اشيل عنك شوية

يا مصر يا اغلى عندى من كل الدنيا دية

يا بلدى يا حتة منى عمرى مابصيت لغيرك

بشتاقلك غصب عنى اصلى اتربيت فى خيرك

يا بلدى يا حتة منى عمرى مابصيت لغيرك

بشتاقلك غصب عنى اصلى اتربيت فى خيرك

ارمى حمولك عليا وانا اشيل عنك شوية

يا مصر يا اغلى عندى من كل الدنيا دية

يا مصر الله عليكى انا عاشقك للنهاية

لو مهما انا قولت فيكى يا حبيبتى مش كفاية

يا مصر اللة عليكى انا عاشقك للنهاية

لو مهما انا قولت فيكى يا حبيبتى مش كفاية

ارمى حمولك عليا وانا اشيل عنك شوية

يا مصر يا اغلى عندى من كل الدنيا دية

من كل الدنيا دية




. على أرضها اتربيت

و انا مهما روحت و جيت

مفيش مثيلها ولا فى جمالها

ولا زى ناسها لقيت

. لا زلنا مع فقرات المواهب

و الان مع قصيدة صعيدية فى حب مصر

و الطالب .....................


يامساء الخير يا مصر والتجلي ...

عم بكتبلك ده الجواب حسب التوجيت المحلي

بحبك يا مصر ..... انا جايلك جوام

بحبك وحبك جوا الجلب بيسرح ويناام

جدامي طول الوجت يا فرحة الاياام

بحبك جوى بجد و مش اوهاام

حتكوني لي جمري و نصيبي

و مش ناوى ارجع تانى للظلام

هعيشلك عمرى وتمسحيلى دمعي

و هجول فيكى احلى كلام

خليني احس اني انسان بجد مش بطرمان

واوعي تهمليني لحالي وتكوني في خبر كان

يابوي لو تفتحى جلبي

حتلاجي أسمك محفور جواه من زمان

مشاعري بترجص لما بحسكك

وانا صاحى و انا شغال وانا حتى نايم بشوفك كمان

ولو تفرجنا الليالي دموعي حتسيل بركان

هرجع جنبك و هحجج فيكى كل الاحلام

بحبك يا مصر جد ايه ماخابرش

لكنى على فراجك ماجادرش ..

من كتر الشوج خسيت

وآني كنت تخين وبكرش

حبك يا مصر بهدلني

مرمطني جوي وخرشمني

شومة حبك بطحتني ..

وجاموسة الشوج نطحتني ..

جايلك يا مصر

جايلك لاجل احجج لامايا الامنية

و اسعد اخواتى عطية و سعدية

و اتجوز فيكى بت الايه فوزية

واحشانى جوى جوى يا فوزية

انا جايلك يا مصر

أطلب ودك

وأجطف وردك

و ابوس يدك

و اتكلم و اجولك

بحبك جوى

هـ تصدجيني

أوعي تجولي لع

دأنا جلبي دايب دوب و مولع

أنا وأنت يا مصر شجرة توت

أنا فرع دهيب وأنتى فرع ياجوت..

جايلك يامو الدنيا

و لايمكن يفرجنا حاجة تانى الا الموت

و الى قصيدة تاااانيه لو كان فيا عمر و صوت

ولدك المشتاق جوى عبدالله ابو شلوت


ديما يارب احميــــها

و لفوق كمان عليها

علشان خاطرها تهون حياتنا

نموت عشان نحيــــــــــــيها

موعدنا الان مع موهبة القاء الشعر أو الغناء

و اغنية مشربتش من نيلها مع الطالب ..........

بلدنا آمانة فى إيدينا نعليها مادام عايشين

نعيش فيها سنين و سنين و إحنا مطمين

ما شربتش من نيلها؟ طب جربت تغنيلها؟؟

جربت فى عز ما تحزن تمشى فى شوارعها و تشكيلها

ما مشيتش فى ضواحيها؟ طيب ما كبرتش فيها ؟؟

ولا ليك صورة ع الرمل دامت ع الشط بمعانيها ؟؟

دور جواك تلقاها هى الصحبة و هى الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك و لا غيبت عليها

بس اللى مجرب و فارقها قال فى الدنيا ما فيش بعديها

إن غبت بحنلها و أنسى الدنيا و أجيلها

و إن جيت أنسى تفكرنا بمليون ذكرى القلب شايلها

********************

غالية بلدنا علينا و ها تفضل فى عنينا

و مدام بنحب بلدنا تبقى ها تتغير بإيدنا

إحنا اللى نعليها بإيدينا نخليها

أجمل لينا و لولادنا مهما العمر يعدى عليها



. بلدى سلام و امان

مذكورة فى القـرأن

علينا غالية و رايتها عاليـــة

و هنعلى بيها كمان و كمان

.............................................

بلدى الــــــود ودى

احضن ترابك بيدى

و اشيلك جوه عينــــى

اصلى انت غاليه عندى

. قال تعالى " ادعونى أستجب لكم

" و مع أخر فقرات اذعتنا و الدعاء

و دعاء خاص جدا لبلدنا الغالية مصر مع الطالب .....


اللهم أجعل مصر أجمل بلد فى الكون

اللهم أحفظ بلد التمنين مليون

أللهم أجعلها با ايدينا عالية و جميلة

اللهم احفظها من الظالمه ولاد اللئيمه

اللهم اجعل شورعنا نضيفه

و اجعل حياتنا عفيفــــــــه

اللهم ارحمنا من الميه المقطوعه

و الزباله و الكهربا المرفوعـــــه

اللهم أجعل الاسعار رخيصه

و اجعل الحياة فيها حلوة و لذيذة

اللهم أجعل مصر حرة و قوية

و اجعلها يارب متقدمة وغنية

اللهم اجعل شبابنا مستقيم

و ابعدهم يارب عن التدخين

و قربهم يارب من الدين

اللهم تقبل منا يارب العالمين

اللهم أجعل بناتنا محترمات

و اهديهم يارب الى الخيرات

و ابعدهم يارب عن الدش و الشات

اللهم تقبل منا يا سامع الدعوات

اللهم ارحمنا من المسلسلات المصرية

و احفظنا يارب من شر القنوات الفضائية

اللهم ارحمنا من الكليبات العربيه

و اهدى يارب الاستاذة روبى و هيفا و الاخت ماريه

اللهم أشفى فى مصر كل داء

و احفظها يارب من الفساد والبلاء

و احميها يارب من اى وباء

اللهم احفظ مصر من الاعداء


اللهم وفق منتخب مصر الى الانجازات

اللهم احفظ ابوتريكة و الحضرى و بركات

اللهم ان الاهلى مش محتاج بطولات

فأجعل يارب الزمالك يفوز بالدورى هذا الموسم

و يعود للانتصارات

اللهم أجعل مصر أجمل بلد فى الكون

اللهم أحفظ بلد التمنين مليون


. مصر من قبل التاريخ بتاريخ و هى

انكتب عليها تحمى الامه ديا

احنا اكتر شعب شال المسئولية

احنا اكتر شعب حارب للقضية

احنا جمهورية مصر العربيــة


بكل الحب التقينا اعزائى طالبة و طالبات مدرسة .....

و بكل الحب نودعكم على وعد باللقاء ان شاء الله

كان معاكم فى التقديم الطالب .........

مع تحيات أسرة مادة ................
الرجوع الى أعلى الصفحة اذهب الى الأسفل
(*دلوعه المنتدى*)
عضو ماسي
عضو ماسي
avatar

انثى عدد المشاركات : 878
العمر : 20
تاريخ التسجيل : 29/09/2010

مُساهمةموضوع: رد: عايزه اذاعه جامده ممكن تساعدونى؟؟   الجمعة 1 أبريل - 5:02:17

ابقى خدى منها اللى انتى عايزاه لحسن طويله اوى وممكن العيال ينامو منك
الرجوع الى أعلى الصفحة اذهب الى الأسفل
mustafa.sharf
سوبر عضو
سوبر عضو
avatar

ذكر عدد المشاركات : 2378
العمر : 24
تاريخ التسجيل : 15/01/2010

مُساهمةموضوع: رد: عايزه اذاعه جامده ممكن تساعدونى؟؟   الجمعة 1 أبريل - 7:55:55

احسن حاجه الارتجال والهى يابنتى فى الحاجات اللى زى دى ... شمروخى بيحنلك
الرجوع الى أعلى الصفحة اذهب الى الأسفل
(*دلوعه المنتدى*)
عضو ماسي
عضو ماسي
avatar

انثى عدد المشاركات : 878
العمر : 20
تاريخ التسجيل : 29/09/2010

مُساهمةموضوع: رد: عايزه اذاعه جامده ممكن تساعدونى؟؟   السبت 2 أبريل - 4:04:35

مش فاهمه حاجه هههههههههههههههه
الرجوع الى أعلى الصفحة اذهب الى الأسفل
كليو باترا
سوبر عضو
سوبر عضو
avatar

انثى عدد المشاركات : 1013
العمر : 23
تاريخ التسجيل : 06/12/2010

مُساهمةموضوع: رد: عايزه اذاعه جامده ممكن تساعدونى؟؟   السبت 2 أبريل - 4:44:00

يا حبيبتي متركزيش احنا متعودين منه علي كدة
اصل ثقافته عليا شويه 69
الرجوع الى أعلى الصفحة اذهب الى الأسفل
mustafa.sharf
سوبر عضو
سوبر عضو
avatar

ذكر عدد المشاركات : 2378
العمر : 24
تاريخ التسجيل : 15/01/2010

مُساهمةموضوع: رد: عايزه اذاعه جامده ممكن تساعدونى؟؟   السبت 2 أبريل - 7:19:24

بصى شفتى الخطبه اللى وحيد سيف قالها فى فيلم سيد العاطفى اهى هى دى بقى

ايه يا كليوبترا كدا انتى فضحتينى فى المنتدى الله يخربيتك
الرجوع الى أعلى الصفحة اذهب الى الأسفل
كليو باترا
سوبر عضو
سوبر عضو
avatar

انثى عدد المشاركات : 1013
العمر : 23
تاريخ التسجيل : 06/12/2010

مُساهمةموضوع: رد: عايزه اذاعه جامده ممكن تساعدونى؟؟   السبت 2 أبريل - 16:24:31

يخربيتك انتك ايه لازم كل اللي في المنتدي يا خد باله من ثقافتك العليا
عشان محدش يستغرب بس 66
الرجوع الى أعلى الصفحة اذهب الى الأسفل
(*دلوعه المنتدى*)
عضو ماسي
عضو ماسي
avatar

انثى عدد المشاركات : 878
العمر : 20
تاريخ التسجيل : 29/09/2010

مُساهمةموضوع: رد: عايزه اذاعه جامده ممكن تساعدونى؟؟   السبت 2 أبريل - 20:07:20

66 44 66
الرجوع الى أعلى الصفحة اذهب الى الأسفل
 
عايزه اذاعه جامده ممكن تساعدونى؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة النهضة الثانوية للبنات :: الأقسام العامة :: اذاعـة مدرسـية-
انتقل الى: