مدرسة النهضة الثانوية للبنات
اهلا بكم في منتدى مدرسة النهضة الثانوية للبنات
مدرسة النهضة الثانوية للبنات
اهلا بكم في منتدى مدرسة النهضة الثانوية للبنات
مدرسة النهضة الثانوية للبنات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مدرسة النهضة الثانوية للبنات

منتدى تعليمي تثقيفي ترفيهي
 
الرئيسيةأحدث الصورالتسجيلدخول
الموقع الرسمي لمدرسة النهضة الثانوية للبنات : www.nahdabanat.freetzi.com
لا إله إلا أنت سبحانك إني كنت من الظالمين

انشط عضو في هذا الاسبوع  بسبوسة


أفضل موضوع لهذا الأسبوع هو ( شيخ العرب همام ) في ( تراث وموروثات )

حمدا لله على السلامة استاذ سيد عبدالكريم

كل عام وانتم بخير



 

 حكاية مشرف راح يتزوج

اذهب الى الأسفل 
5 مشترك
كاتب الموضوعرسالة
mustafa.sharf
سوبر عضو
سوبر عضو
mustafa.sharf


ذكر عدد المشاركات : 2378
العمر : 30
تاريخ التسجيل : 15/01/2010

حكاية مشرف راح يتزوج Empty
مُساهمةموضوع: حكاية مشرف راح يتزوج   حكاية مشرف راح يتزوج Icon_minitimeالأربعاء 17 نوفمبر - 9:40:57

حكاية مشرف راح يتزوج


كان المشرف مرتبط بموعد مع العروس وأهلها

ليتقدم إليها ولكنه لم يشأ إغلاق المنتدى لمدة ساعة هي مدة اللقاء

مع الأهل فأخذ اللابتوب معه وشحنه على آخره وتابع الردود على

الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف

على الإنتهاء

والد العروس: أهلا يابني .......إزيك !!

المشرف(وهو مشغول بلوحة مفاتيح اللابتوب): أهلا بيك يا عمي .....

أنا يشرفني إني أطلب إيد بنتك مها .....موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغربا): حضرتك بتكلمنى ولا بتكلم حد على الإنترنت

المشرف(مازال منشغلا بلوحة المفاتيح): لا يا عمى أنا بكلمك إنت هو معقولة

أتكلم مع حد غيرك وأنا قدام حضرتك!!!

والدة العروس: طب يابني طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم

بعيني ولا ببقي؟!!!!

إقترب الولد الصغير(8 سنوات) من العريس مبهورا باللابتوب(الجهاز المحمول)

وهو يقول

الصبى: عمو .....هو الجهاز ده فيه ألعاب كتير زي الأتاري الي عندي؟!!

العريس(مازال منشغلا بجهازه): أيوة يا حبيبي وأحلى من الي عندك كمان

الصبى: طيب ممكن ألعب شوية .....عشان خاطري يا عمو

هنا فقط رفع العريس عينه من على جهازه لأول مرة وتوقف عن الكتابة

وهو يوشوش فى أذن الصبي

العريس: لو خليت أبوك يوافق عليا هلعبك كتير قوي

طار الصبي فرحا وهو يقول

بابا بابا أنا موافق إن عمو يتجوز أختي الكبيرة أبلة مها!!!!!!

ثم إلتفت إلى العريس وهو يقول

ألف مبروك يا عمو!

الوالد(صارخا): أمشى ياد خش ذاكر ..... مبقاش إلا إنت يا أبو ريالة الى

هتوافق ومتوافقشي

مشي الولد باكيا ولم يهتم به العريس وقد عاد إلى جهازه منشغلا

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمي .....أنا معنديش حكايات إنت عندك؟!!!

الوالد(بضجر): إنت جاي تهزر

لم يعره العريس أي إهتمام وقد ظهر مشغولا بموضوع ما على جهازه

فإقتربت الأم من الوالد وتكلمت هامسة

الأم: إلا قولي يا حاج .....هو الجدع ده بيعمل إيه على البتاع الى معاه ده ....

.وإزاى بيكلمنا وهو بيحرك إديه الإتنين على الزراير دي كلها؟

الوالد: والله معرفشي يا تفيدة..... يظهر والله أعلم إنه بيكتب الكلام الي


بيقوله لنا فيطلع من بقه!!!!!!!

الأم: يا ندامتي !!!.....معقولة دي يا حاج ؟!!

الأب:طبعا يا تفيدة معقولة ماهو إحنا فى عصر التكنولوبيا!!!

إنتى مش شفتي إزاى كان ملهوف على أي فيشة كهربا أول ما جيه لأن

الشحن بتاع الكلام بتاعه كان هيخلص!

الأم: يا خويا الى يعيش ياما يشوف!!!

على كده يا حاج لو النور قطع هيبقى أخرس؟!!!!

الأم: طب يا خويا لازم لو وافقت عليه نشترى للبت كرتونة حجارة قلم

عشان تبقى عاملة حسابها في أى وقت!!!

الأب(صارخا): هو أنا معقولة أوافق على الآلة دي .....ليه من قلة الرجالة يعني

العريس: حضرتك بتكلمني يا عمي

الأب: لأ يا حبيبى أنا بكلم تفيدة

العريس: تفيدة مين ؟

دخلت العروسة فى هذه اللحظة مكسوفة وهى تنظر إلى الأرض

وبيدها أكواب العصير ولكنها لم تلاحظ فيشة الكهرباء فإنقلبت

على وجهها أرضا وإنفصلت الفيشة

العريس(صارخا): إيه الي هببتيه ده .....إنتي إزاي تفصلي الجهاز!!

الأم(بصوت خافت): يا حلاوة .....أهو بيتكلم من غير كهربا أهو يا حاج

الأب(بصوت خافت): ماهو كان شحن على الآخر يا تفيدة .....افهمي بقى

ثم إلتفت إلى العريس قائلا

الوالد: إيه يابني قلة الذوق دي إنت بتصرخ فى عروستك وإنت جاي تتقدملها؟!!

ده بدل ما تساعدها إنها تقوم وتودها بكلمتين بعد ما فيشتك الهباب دي وقعتها

العريس: يعني أساعدها تقوم ولا ألحق أشغل الجهاز عشان المنتدى ما

يتعطلشي؟!!
الأب: دة جيل إيه ده.....هو جاي لينا منين ده!

العروسة: من النت يا بابا.....من النت

الأم: الله يقطع النت والى شغالين فى النت !

يا رب تيجى عاصفة تسومانى على النت والى فيه!!!!!

الأب:ممكن بقى يابني تقفل المخروب ده وتكلمنا شوية

العريس: خلاص يا عمي المساعد بتاعي جه بدالي دلوقتي

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا أقصد إن المساعد بتاعي أخذ مكاني

فى الشغل دلوقتي يعني أنا دلوقتي جاهز لأي إستفسار لمدة ربع ساعة

الأب: لا حول ولا قوة إلا بالله .....طيب يابني طالما مش فاضي ليه حددت
المعاد ده
مش كنت تحدد معاد تكون فاضي فيه

العريس: يا عمي خير البر عاجله

الأب: طيب..... إحنا لسه متعرفناش بإسمك ولا شغلتك

ولا سنك ولا شهادتك ولا أي حاجة خالص!

العريس: أنا اسمي موديراتور ...دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكت

يده فجأة وهي تقول

الأم :ممكن تشمر إيدك يا عريس الهنا‍

العريس(وهو يشمر): ليه ياحاجة إنتي هطعميني!!! أنا إطعمت قبل ما آجى عندكوا ‍‍‍‍‍

الأب:ليه قالولك إننا عندنا كوليرا !!!

العريس: لأ يا عمى أصل أنا قاعد ليل نهار فى غرفتي المكيفة

الصحية فلما بروح أي داهية تانية لازم أطعّم

الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب

إمال إيه موديراتور ده؟ إنت يهودى؟‍‍‍‍‍‍‍‍‍!!!!

ضحكت العروسة وهي تقول: لا يا ماما ده اللا نيم بتاعه


الأم: أل إيه يا ضنايا؟‍‍!

العريس: خلاص يا جماعة .....أنا إسمي سعيد وعندي 25 سنة يعني تأبيدة‍‍‍!!!

معايا شهادات كتيرة لو قلتها لكم كلها يبقى هنقعد يومين فبلاش أحسن

وشغلتي مشرف على منتدى الفقر حشمة

نظر الأب إلى المشرف وملابسه البسيطة غير المتناسقة وهو يقول

سيماهم على وجوههم‍‍‍‍!!!‍‍‍‍


العروسة(مبتسمة): بجد إنت المشرف بتاع الفقر حشمة .....

ده انا مشتركة فيه من 5 شهور





العريس: ما شاء الله....بس إنتي مش ملتزمة بقوانين المنتدى

ولابسة كويس وعايشة فى عيشة آخر أبهة

العروسة: أنا عملت كدة عشان عارفة إن فيه عريس جاي يخطبني

الأب: إنت يابني عاوزها تلبس إيه .....هدوم مقطعة

العريس: لا يا عمي خلاص مش مهم لما أبقى أتجوزها أبقى أقطع لها هدومها‍‍‍‍‍‍!

الأب: ومين قالك إني وافقت عليك أصلا

العروسة: ومتوافقشي ليه يا بابا ده حتى الموديراتور أكيد هيخليني مميزة في المنتدى

مش كدة برضه يا موديراتور
العريس طبعا وهاعينك معانا من المشرفين على قسم لوحدك



العروسة(بسعادة): بجد..... هتعيني مشرفة على قسم لوحدي


العريس: طبعا وهديكي أسهل وأحسن قسم فى المنتدى

العروسة(فرحانة): هييييه .....هتديني قسم إيه ؟
العريس: الشكاوي!!!

العروسة (صارخة): لا أرجوك .....كله إلا الشكاوي

هز العريس كتفيه وهو يقول

العريس:خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس في ساعته وهو يقول: أنا فعلا وقتي قرب ينتهي

لأن المساعد بتاعي عنده ميعاد مهم ولازم أدخل مكانه

الأب: أنا مش موافق على الجوازة دي

العروسة: ليه يا بابا ده أنا.....

قاطعها الأب صارخا : اخرسى يا بت إنتى وروحى ذاكري لأخوكي

خرجت العروسة باكية غاضبة بينما إلتفت الأب إلى العريس قائلا

شوف يابني .....لما تبقى تفضى للجواز إبقى تعالى إتجوز بنتي .....

لكن طول ما إنت فى الفقر حشمة ده مالكشي عرايس عندي
فاهمني

العريس: خلاص يا عمي براحتك .....بس إذا كان منتدى الفقر حشمة

هو الى مزعلك أنا ممكن أسيبه

الأب(فرحا): بجد يابني .....طيب سيبه هو فعلا الي مزعلني

لو سيبته أنا هسيبلك بنتي بدون أى كلام

شكره العريس ثم جاء إليه فى اليوم التالى ومعه نفس اللابتوب وهو يقول

أنا سيبت الفقر حشمة من إمبارح وإشتركت فى منتدى تاني اسمه

اللاجئين

سقط الأب على الأرض ميتا وصرخت الأم وبكت العروسة وأخيها الصغير

بينما جلس العريس فى غرفة الصالون يتابع منتداه الجديد


هده قصة خيالية و أي تشابه في الأحداث أو الشخصيات مع شخصيات و أحداث واقعية فهي من قبيل الصدفة

الموضوع منقووووول للأمانة
الرجوع الى أعلى الصفحة اذهب الى الأسفل
(*دلوعه المنتدى*)
عضو ماسي
عضو ماسي
(*دلوعه المنتدى*)


انثى عدد المشاركات : 878
العمر : 27
تاريخ التسجيل : 29/09/2010

حكاية مشرف راح يتزوج Empty
مُساهمةموضوع: رد: حكاية مشرف راح يتزوج   حكاية مشرف راح يتزوج Icon_minitimeالجمعة 19 نوفمبر - 4:01:35

ههههههههههههه موضوع جميل بس كبير شويه
شكرا على الوضوع 78 66
الرجوع الى أعلى الصفحة اذهب الى الأسفل
Nody
سوبر عضو
سوبر عضو
Nody


انثى عدد المشاركات : 5311
العمر : 29
تاريخ التسجيل : 25/11/2009

حكاية مشرف راح يتزوج Empty
مُساهمةموضوع: رد: حكاية مشرف راح يتزوج   حكاية مشرف راح يتزوج Icon_minitimeالسبت 20 نوفمبر - 16:29:03

موضوع جميل شكرااااااااااااااااااا
يا مصطفى

78 78
الرجوع الى أعلى الصفحة اذهب الى الأسفل
Romancy 4 Ever
سوبر عضو
سوبر عضو
Romancy 4 Ever


ذكر عدد المشاركات : 8085
العمر : 29
تاريخ التسجيل : 18/01/2010

حكاية مشرف راح يتزوج Empty
مُساهمةموضوع: رد: حكاية مشرف راح يتزوج   حكاية مشرف راح يتزوج Icon_minitimeالأحد 21 نوفمبر - 2:32:32

جاااااااااااااااااااااااااااااااااامد اوي يا مصطفي هههههههه
الرجوع الى أعلى الصفحة اذهب الى الأسفل
http://www.arabian-djs.com
البنوته الجميله
سوبر عضو
سوبر عضو
البنوته الجميله


انثى عدد المشاركات : 3474
العمر : 29
تاريخ التسجيل : 22/03/2010

حكاية مشرف راح يتزوج Empty
مُساهمةموضوع: رد: حكاية مشرف راح يتزوج   حكاية مشرف راح يتزوج Icon_minitimeالأحد 21 نوفمبر - 4:36:23

66 66 66 66 66 66 66 66 66 66 66 66 66 66 66 66 66 66 66 66 66
الرجوع الى أعلى الصفحة اذهب الى الأسفل
 
حكاية مشرف راح يتزوج
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
مدرسة النهضة الثانوية للبنات :: الأقسام العامة :: إضحك من قلبك-
انتقل الى: