صدقونى . هاخد جايزة نوبل

صدقونى . هاخد جايزة نوبل
طبعاً كلنا وبكل فخر مصريين ... والمعروف عن المصرى إنه أبو الإبتكارات .
يعنى مثلاً .. عندنا 3 مصريين حصلو على جايزة نوبل .. وخدنا كاس الأمم
الأفريقية 3 مرات متتالية .. وأذكى طفل فى العالم هو الطفل المصرى .. وأقوى
جندى فى الأرض هو الجندى المصرى .. وأقوى رجل فى العالم برضو مصرى.
وأفضل مفكر فى العالم هو المفكر المصرى .. فعيب أوى لما نبقى مصريين ونجيب
مواضيع مفتبسة وننسبها لينا ؟؟؟ ده حتى الموضوع يبقى مالوش طعم يعنى من الأخر
بايت . من غير طعم ولا أى روح . ده حتى الواحد بينه وبين نفسه بيحس إنه كداب
..أنا لقيت الحل .. هو بسيط جداً بس للى ناوى يبقى مفكر . أما بالنسبة للى شايف
أنه موضوع مش مهم فأنا أشكره لأنه قراه من البداية . نيجى بقى للمهم . أكيد كل
واحد فينا مرت عليه مواقف . مش مهم بقى مواقف مضحكة أو حزينة أو حتى موقف
ميكروباص حتى . مش مهم . المهم أنك نفضفض أو تكتب موضوع الكل يستفيد منه
أو تجربة مريت بيها . أى تجربة عدت على الواحد أكيد إستفاد منها يبقى ليه ناخد أفكار
ناس تانية وننسبها لينا ؟ ده الواحد لما بيكتب موضوع هو اللى كتبه فعلاً بيحس بفخر لما يجيله
رد جميل . محدش نفسه يبقى فخور حتى لو بينه وبين نفسه ؟؟ أنا عن نفسى فخور جداً
لأن الموضوع ده مهم جداً .أنا مش بتباهى ولا حاجة . بس لو كل واحد فكر إنه يعتمد
على نفسه هايكتب مواضيع فى الجووووون والله . المهم إنك تكون واثق من نفسك بجد.والجميل
إنك هتلاقى 3 حاجات مفيدة . أول حاجة هتفضفض بجد من قلبك . تانى حاجة

هتحس بفخر وإنت بتقرا الرد الجميل اللى هجيلك بس ده على حسب موضوعك اللى كتبته
ثالث حاجة هتستفيد من مواقف الأخرين بجد . لأن كله هايكتب مواضيع مهمة بجد .
رابع حاجة إنك هترد على مواضيع فعلاً تستحق الرد عليها من غير ما تحس إنك بتجامل
كداب . انا مش هكتب أى موضوع تانى إلا لما أشوف ردودكم
وأسف لو كنت طولت عليكم .أنا محرج أقولكم على اللى كاتب الموضوع ده بس إحنا
إتفقنا على إن محدش يقتبس أفكار غيره ودى فكرتى وعن ليساني أنا بس اللى كاتبها واحد صاحبى
أوى وقريب جداً إنشاء الله هايكون معانا فى المنتدى . إسمه أشرف الشيخ.

فكرة : روما
تحياتى : أشرف الشيخ

اكيد يا ماتريكس هتاخدى الجايزة لو انتى مختيهاش امال مين اللى هايخدوها