حوار مع الفنانين

فكرة حلوة اوى لقيتها على احد المنتديات وحبيت اجيبهالكم يلا بينا

سرقة فيلا الفنان ( هانى شاكر )


* أول لما وصل الظابط رد هانى شاكر وقاله

* فينك من بدرى


* سأل الظابط هانى شاكر ايه اللى اتسرق

* كله ضاع كله راح كله اتكسر كله اتدمر



* سال الظابط ليه مش حاطط سيكيوريتى

* ياريتنى



* الجماهير بتسال عن اخبارك

* هو انتى لسه بتسالى



* طيب نحب نعليى الاحتياطات

* وعليي عليي عليى الاحتياطات عليي



* تحب تختم المحضر بإيه

* الله أكبر عليكم بحبكم واللهى

_______________________

مر حسنى دخل الجيش تانى

1- مش خايف يعاملوك وحش عشان انت هربت من الجيش قبل كده
* أنا مش حخاف المرة دى بعد ما عشت سنين فى الخوف مش حكون انسان عادى انا حتحدى اى خروف


2- عارف ان اللى بلغت عنك هى Safy
* يا بنت الايه


3- حتعمل ايه فى Safy بعد ما تطلع
* حوصلك حتى لو عارف انى ممكن اموت


4- طيب لو ما وصلتلهاش
* حتبقى حرقة دم


5- كام مرة وقفت فيها خدمة
* كل مرة اشوفك فيها


6- قلت ايه للظابط لما منع عنك الاجازات
* انت قلبك قاسى قوى قوى انت مش بتحس


7- ايه اللى حصل لحبيبتك لما دخلت الجيش
* راحت حبيبتى منى راحت ومش راجعة تانى


8- ازاى ما حدش عرف انك حتدخل الجيش
* ما كنتش مبين


9- تحب تقول حاجة لجماهيرك
* ما يحرمنيش منك


10- اخيراً ناوى تعمل ايه بعد ما تخلص جيش
* هعيش حياتى
____________________________________



عنوان الحلقة ( عمرو دياب ينجو من حاثة عربية ) بعد الشر طبعاً

المذيع : حسيت بايه بعد الحادثة
عمرو : حسيت انى عايش ومش عايش


المذيع: حد كان معاك فى العربية
عمرو : ايوه المدام وهى عاملة ايه دلوقت

المذيع : هى كويسة اطمن

المذيع : كنت رايح على فين
عمرو : كنت رايح آكل ايس كريم فى جليم

المذيع : طيب تقول ايه للولد اللى خبطه بالعربيه
عمرو : صعبان عليا يا غالى

المذيع : والوجع بيزيد عليك امتا
عمرو: ليلى ونهارى يا سيدى واللهى

المذيع : لما حاولت تتفادى الولد خبطت فى ايه
عمرو: فى رصيف نمرة خمسة

المذيع : وكيل اعمالك سأل عليك
عمرو: ولا على باله

المذيع : ايه اوحش ليلة عدت عليك
عمرو: اكيد الليلة دى

المذيع : تقول ايه للمدام اللى قالت لك سوق بالراحة
عمرو: اقولها كان عندك حق

المذيع : تفتكر ايه السبب فى الحادثة
عمرو: العالم الله

المذيع : مش ندمان على اليوم ده
عمرو: يا سيدى ايام وبنعيشها نعمل ايه

المذيع : نسيت منظر الحاثة
عمرو: لا طبعاً دايماً فى بالى

المذيع : قلت ايه للظابط لما سالك كتير
عمرو : قلت له صدقنى خلاص

المذيع : انت قلت فى المحضر انك ماشفتش الولد كويس ايه السبب
عمرو: عشان عماص عينى فى كل مكان

المذيع : لو الولد مات تقوله ايه
عمرو : كان طيب كان حنين

المذيع : هو الولد وقع قدامك
عمرو: قصاد عينى

المذيع : بتعمل ايه وانت قاعد فى المستشفى
عمرو : بعد الليالى

المذيع : عارف انه ممكن يتعمل لك عملية
عمرو : وماله

المذيع : فى حاجه مضيقاك فى المستشفى
عمرو: اى حاجه تيجى من ريحة الشباشب

المذيع : راجع لينا قريب
عمرو: احتمال اغيب اغيب

المذيع : بعد ما تطلع تفتكر الجماهير حتقولك ايه
عمرو: حتقولى حمد الله على السلامة هلا هلا

المذيع : تحب تقول حاجة لجمهورك
عمرو: اقوله خليك فاكرنى

المذيع : فى ناس كتير انتقدت البوستر الاخير تقول لهم ايه
عمرو: هما فرحوا بالسى دى ( ويلومونى ) على البوستر طيب ( اعمل ايه ) يعنى ، هما الجماهير ( عودونى ) انهم يقولوا رأيهم وانا ( بعترف قدام علا ) ان انا زودتها شويتين بس ( انا اكتر واحد ) عارف شغلى كويس وبقول للجمهور ( لو كان يرضيك ) انى اغير البوستر حغيره

المذيع : هو انا تقلت عليك فى الحوار
عمرو: لا كمل كلامك

المذيع : كلك ذوق يا عمور والله مش خسارة فيك البطيخة
عمرو: انت حتعايرنى كده عينى عينك

المذيع : طيب حاخد البطيخة وانا ماشى
عمرو: كده ، وعاملى فيها الملاك البرئ

المذيع : طيب انا ماشى مش عاوز حاجه من بره
عمرو: شكراً بس خلينا نشوفك

المذيع : يا سلام انت تأمر ده انت الغالى
_____________________________________


ستاذ عادل بنرحب بيك فى برنامجنا
الزعيم : اهلا بيك يا ....
حضرتك شايف ايه سبب السرقة
الزعيم : دى آخرة اللعب مع الكبار

تفتكر حضرتك محتاج ايه عشان يحميك
الزعيم : انا محتاج بودى جارد

البوليس قال ان اللى سرق كانوا اثنين بتشك فى حد
الزعيم : اه يا أما ( حسن ومرقص ) أو

( بخيت وعديلة ) أو ( حمادة وتوتو )
تفتكر ان السرقة كانت تجربة صعبة
الزعيم : اعتقد انها كانت تجربة دنماركية هههه حلوة صح

طبعاً كل حاجة تطلع منك يا زعيم حلوة بس انا كنت جايب يوستفاندى واخدوه منى بره فاكرينه قنابل
الزعيم : لالا ولا يهمك دى انحطاطات من جهه امنية

طيب ازاى اتسرقتم وكنتم جوه البيت
الزعيم : ماهى دى آخرة النوم فى العسل

سمعنا ان حضرتك موصى حد يتابع المحضر
الزعيم : ايوه الواد محروس بتاع الوزير



طيب والمحضر وصل لغاية فين
الزعيم : المحضر دلوقتى على باب الوزير
مكتوب فى المحضر ان الطباخ شاف الحرامية
الزعيم : لالا ده شاهد بس ماشفش حاجة
طيب اسمه ايه
الزعيم : اسمه الواد سيد الشغال

ليه ماشكتش فى شعبان البواب
الزعيم : ده شعبان تحت الصفر والصفر تقيل
عليه خالص مش عارف يتحرك الواد لالا مش اعتقد ان هو اللى سرق


طيب ورجب الجناينى
الزعيم : رجب فوق صفيح ساخن يا عينى قاعد يتلسع ويتشوشو حيتحرك ازاى برده مش هو

طيب وعنتر السواق
الزعيم : عنتر بقى شايل سيفه مش معقول حيسرق بإيد واحدة مش هو بردك

تفتكر حضرتك ليه حوادث السرقة زادت ليه ده هانى شاكر اتسرق من حلقتين ... قصدى من اسبوعين
الزعيم : ده نتيجة ( الارهاب والكباب ) وانا بقول لل( ارهابى ) اللى عمل كده انه حيكون ( منسى ) وما حدش ( حيبوبوس ) عليه خالص واقوله ( سلام يا صاحبى )

تحب تقول حاجه للناس فى نهاية حلقتنا
الزعيم : احب اقولهم احترسوا من الخط

ميرسي

جااااااااااااااااااااامد يا صافو

جميل اوووووووووووووووووووووووى