خبر فظيع .. الحق بسرعة

طبعا مش مصدقين ...حقكم عليا....أنا نفسي مش مصدق

شيء لا يمكن احتمال تصديقه


من غير مقدمات كدا

كانت الساعة حوالي الواحدة ظهرا توقفت اضطراريا عند محطة بنزين القريبة من مدينة النهضة لأمون السيارة الفارهة التي امتلكها وهي سيارتي الفيات 128 البيضا المعروفة طبعا حاجة كدا موديل 86

العربية دي ماشية بنظام اللي يدفع يركب ..يعني اللي يقدر يدفع بنزينها وتصليحها

يتفضل يركب والا فلا

لذلك تلاقيها أغلب أيام الاسبوع مركونة وتستقل الاسرة المواصلات العامة



المهم وأنا واقف أتكلم مع الواد بتاع البنزينة

لفيته سرح مني وبيبص على شيء مجهول ورايا

لقيت كل اللي حواليا بيبصو في نفس الاتجاه

طبعا وتلقائيا ..بصيت أنا كمان

واذا بي أفاجأ بسيارة "كرايسلر ليموزين" لم أرى مثلها قط

طبعا تنحت زي بقيت المتنحين

نزل السواق بتاعها وهو يرتدي بدلة في منتهى الشياكة بسرعة البرق عشان يمون هذه العربية العجيبة
عاوزين تشوفوا العربية اللي انا شفتها
طيب
اضغطوا ومتتخضوش

http://www.wileyclassiclimos.com/images/chrysler%20002c.jpg

واذا بي ألاحظ شباك العربية الوراني يفتح اتوماتيكيا

دققت النظر كدا ..الله الله؟؟؟

دا أحمد عز يا جدعان
أيوه أحمد عز" أمين التظيم بالحزب الوطني"
"وامبراطور صناعة حديد التسليح بمصر والشرق الأوسط"



حسيت بالجرأة تدب في عروقي وأنا أتوجه نحوه كي أكلمه"ان شالله في البطاطس "

بس عشان آجي وأتمنظر وأقولهم في المدرسة إني أنا قابلت أحمد عز
قابلت الراجل اللي بيغلي ويرخص الحديد بمزاجه .. قابلت الراجل اللي ...

http://upload.wikimedia.org/wikipedia/ar/a/ac/Ezz.jpg

المهم
لسا بمد ايدي عشان أسلم عليه قالي

بتشتغل ايه؟؟ :bounce: :bounce:

أنا مدرس فرنساوي حضرتك؟؟

أهلا وسهلا يا مسيو

أهلا بحضرتك

أنا ليا أصدقاء كتير مدرسين..

وأنت متجوز يا مسيو؟؟

اه يا أفندم أنا عندي مريم
بس اخويا لسة خاطب

اليه لسة خاطب؟؟

- بسبب الشقة حضرتك !!!

آه أكيد الشقة بتاخد وقت على بال ماتشطب
ماعندهوش شقة حضرتك :affraid:

ليه يا مسيو؟

يعني المرتب ما يكفيش أي حاجة

ليه هو كام؟؟


251 جنيه حضرتك

ياراجل؟؟؟

لالالا

أكيد بتهزر

و بعدين طيب ليه مايخدش قرض

يا فندم القرض هتضيع فلوسه على تمن الحديد

يعني قصدك المشكلة في الحديد طيب عموما ولا تزعل نفسك

قالها وهو يمد يده في جيب الجاكت



حظك حلو ..أنا نادرا ما أشيل دفتر شيكات



لا يا أفندم أنا مش محتاج والحمد لله



عيب يا راجل احنا اخوات وشباب زي بعض وبعدين كلنا مصريين وطنيين مش كدا ولا ايه؟؟؟



طبعا يا أفندم



قعد يشخبط شوية في الدفتر وقطع منه ورقة



اتفضل

ايه ده؟؟
أنا بصيت يا جماعة ماصدقتش نفسي

25 مليون جنيه
بس دا كتير أوي أوي يا أفندم "هموت يا أخواتي حد يسندني"

كتير ايه يا راجل؟؟

دانا بعملهم في يومين .."كلام في سرك طبعا"

السواق خلص ورجع جري ع العربية

طبعا أخدت المهندس أحمد بالحضن ونزلت فيه بوس_أقل واجب يعني_

وهي يقولي :مش هاوصيك ....الحزب محتاج الشباب اللي زيك و زي زمايلك

طبعا يا أفندم من بكره الصبح هلم اطلس 4 كله ونعمل كرنيهات الحزب

مع السلامة مع ألف سلامة



أحمد .... أحمد ؟؟؟......

مراتي ؟؟........ايه ده ؟؟؟؟
مريم


اتأخرت على المدرسة .. إصحى ؟؟؟؟

ماتنساش تسيلنا مصروف البيت
وابقى هات معاك ........

لأأأأأأأأاااااااااا .. استني أنا أفوق الاول
مش ممكن ...مش ممكن ماتقوليليش كنت بحلم


_ طبعا كالعادة... ومين بطل الحلم النهارده !!؟؟؟؟


لأ يا ام مريم ده بطل فوق العادة ..دا كان أحمد عز

الممثل اللي كان في فيلم امبارح

_ ممثل ايه بس يا بنتى ده حاجة كبيرة قوي ؟
ربنا يوعدنا .

ايه ده ؟؟
فيه حاجة ؟!!
لأ مفيش .. المية قاطعة


تحياتي
مسيو احمد عبدالحفيظ







ا

منتهى الإبداع يا مسيو احمد استمر فى هذه الاحلام المفزعة لكن نصحتى ليك
لو سمحت
لو سمحت
لو سمحت
اتغطى كويـــــــــــــــــــــــــــــــــــــــــــــــــــــــــــــــــــس :bounce: :bounce:

روووووعة
انت بتسرح بينا بقى يا مسيو

بحد موضوع زي العثل

دة حلم جامد جدا

اكيد دة العقل الباطن يا مسيو

يارب الحلم القادم تقابل سيادة الرئيس شخصيا

يا نظافة دماغك يا احمد
خرمت دماغ جودة
وطيرت بقية الشعرتين اللي باتباهى بيهم واتمنظر على زمايلي القرع رشاد وعلى السماحي
وكنت اتمنى الحلم دة يبقى حقيقة عشان اخد منك مليون اشتري بيه باروكة
نصيحة غير المعسل واشرب حاجة اصفرا عشان تسرح بينا كويس

إنها أضغاث أحلام يا مسيو أحمد !!!!

ان كان الحديد مشكلتك روح الصدليه فيه برشام كله حديد
موش تاخد م الراجل 25 مليون يا مفتري

ههههههههه بعد كل ده طلع حلم

على العموم موضوع متميز وجمييل



وتقبل مرورى

اكيد يا مسيو احمد كنت نايم مكشوف خلى مريم تغطيك كويس لما تنام

اجوك العلبانالمعلم سكر
بيقول يامسيو...............
طيب حتى نصف مليون نبنى حتت البيت ونرجع البلد

والله جامد يا مسيو احمد
خدنا على جناحك
وادي اخوك مسيو عباس كام مليون من ملايينك

حلوة اوى الخدعة دى وحلم جميل انشاء الله يتحقق وتدينا

حلم جميل
بس نهايته المية قطعت
يا خسااااارة

هههههههههههههههههههههههههههه بجد حلو اوووووووووووى طول عمرك دمك خفيف يامسيو حتى احلامك حلوه وسيبك اغلى من كل الحديد والشيكات هى حديده قلبك مريم ولا ايه وع العموم اخوك ليه رب اسمه الكريم ولو عاوز يتجوز قولى اشفله عروسه يااما اسيب خطيبى وانا تحت امره اهو انسبك وخلاص

شكرا للجميع
بداية من اول رد لعاشق اللغة العربية
ومرورا بسمسمة ونسمات الندى ومستر جودة ومستر اسواني ومستر ايمن وهيرميوني والادفاوي وبووودي ومستر عصام وسكر ومسيو عباس وعاشقة الرومانسية وشيكو ونهاية بطالبتي العزيزة التى نورت منتدانا مي شرف
آسف على تأخري في الرد عليكم جميعا لان جهازي كان عيان ومحجوز في مستشفى الدمرداش
بس الحمدلله الدكتور كتبله انتى فيروس وشوية مضادات حيوية من موقع MY EGY
ونصحني ان اتصفح في الفيس بوك يوميا
شكرا لكم ويارب احلامي تكون عجبتكم

ههههههههههههههههههههه
حلم تحفة يارب احلم به

حلم ممتع. يا ريت يكون حقيقه

شكرا جزيلا لبناتي العزيزات
e.m.f

weweanan
بالله عليكم شوفوا اسماء اسهل من كدة
عشان اعرف اناديكم بيها

ياريت تنام كتير يا مسيو احمد
لما تكون المية قاطعة عشان تقابل ......... مصر
عشان تحل مشكلة كل الشباب !!!!!
ربنا يخليهم للبلد وانا مستني الحلم اللي جاي هايكون مع مين ؟؟؟؟؟

اخوك
نبيل صيام
مدرس اول الكيمياء

عليا النعمه انا صدقت

وقولت خلاص يابت دلوقتى مش حد هيعرف يكلمك

المسيو بقى مليونير اد الدنيا

بس خيرها فى غيرها

بس والنبى لو قبلته فى الحلم تانى متنسناش معاك

ربنا يكتر من احلامك

حلم جميل ورائع

دة خيال حضرتك اللي فظيع
ايه الاحلام الجامدة دي ؟!!!

ممكن اقول ان حاجة كانت شاغلة حضرتك لذا عقلك الباطن كان منشغل بها

حلم جامد جدا جدا جدا
اشتغالة جامدة جدا جدا جدا

شكرا على مروركم الجميل

موضوع جميل وانا قابلت نجيب سويرسههههههههه

مرااحب...........طبعا انا ما اعرف هذا الشخص..........بس شكله وايد راائع وخادم الشعب وايد...............

شكراااااااااا



تحيااااااااااتي

ههههههه جامد جدا يا مسيو احمد

هههههههههههههههه
جميله جدا يا مسيو
ميرسي

هههههههههههههههههههههههه ده حلم تحفففففففففففففففففففففففففه

ههههههههههههههه
حلم روعه
اوعدنا يارب!
بس فى الحقيقه موضوع جااااااااااااامد

ميرسي على الموضوع

شكررررررررررررررررا موضوع جامد جدا

بعته صح يعنى ...............على فكره انا صدقت كده لحد25مليون جنيه بعد كده..........
الصراحه مصدقتش ......................بس الموضوع جاااااااااااااااااااااااااااامد جدا
شكراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

موضوع بجد روووعه شكرا ليك

موضوع رائع انا كنت مصدقه في الاول بس ياااا خسارة ده طلع حلم

Thanks

بجد حلم جامد اووووووى
يا مسيو