لماذا أنا محجبة؟

لماذا انا محجبه




" أنا محجبة ليه ؟ "


أنا محجبة - بعد إيماني بأمر ربنا إن الحجاب فرض

على كل مسلمة - علشان الأسباب التالية:


1 - علشان انا حرة … مش من حق حد يشوف مني

اللي مش عاوزاه يشوفه إلا بإرادتي … ومن حقي اختار

مين اللي يشوف مني أجمل ما عندي ..

واللي علشان يشوف ده ويبقى حقه وحلاله بلاله

عن طيب خاطر.. لازم هو كمان يديني مشاعره واللي

باقي من عمره عن طيب خاطر…





2 - علشان أنا غالية .. مينفعش أقلل من قيمة نفسي

واخليها عرضة لكل العيون .. ويبقى خروجي مكشوفة

ضوء أخضر لكل من هب ودب يسرق مني ولو نظرة لأي

جزء مش متغطي مني .. حتى لو مكنش ده قصدي …

بس مش حقدر امنعه …

(كامل اعتذاري لغير المحجبات.. ولكن ده اللي حيوصل منك

لضعيفي النفوس حتى لو مكنش ده قصدك.. وده اللي علشانه

ربنا فرض الحجاب . علشان ميطمعش الذي في قلبه مرض)

… مع الأخذ في الاعتبار انه “كل من هب ودب ده” مش بس

الشباب اللي بيعاكس البنات في الشارع .. ده يتضمن حتي

الزبال اللي بيسوق عربية اللا في الشارع .. كل دول بقى

من الممكن انهم يبصوا لي … لأ ده كمان يمكن

ماعجبهمش ويدوروا وشهم إعراضاً

3 - علشان أنا باحترم نفسي .. وشايفة نفسي كبيرة

قدام نفسي .. ومينفعش أنزل سوق المنافسة في الأنوثة

علشان أفوز في الآخر بنظرة شهوانية أو كلمة غزل

رخيصة أو عرض صحوبية…

4 - علشان انا جمالي مش خارجي وبس..

ومن حقي ان اللي ييجي يتجوزني ..

واللي حاديله الباقي من عمري ..

واللي حديله كل مشاعري ..

واللي حاقاسمه أحلامي وأفكاري ..

واللي حخلف منه ولادي .. وحاربيهم معاه ..

مايختارنيش على مقاييس شكلية وبس ..

أو تبقى هي دي العامل الأساسي في أختياره ليا …

علشان كدة مش ضروري يشوفني في كامل زينتي

وجمالي قبل ما ي! تجوزني . . الأهم انه يحب روحي

ويعجب بشخصيتي .. ويرتاح معايا نفسياً..

(أصل في بنات بتأجل الحجاب لحد ما تتجوز..

على أساسا انها تكون شنكلت واحد وضمنته..

مع إن مفيش حاجة مضمونة في الزمن ده ..

واللي اختارها علشان جمالها .. ممكن قوي يتجوز

عليها واحدة أجمل منها.. لأنه أكيد في الأجمل منها يعني)..

5 - علشان أنا باخاف على أخويا في الله اللي بيشوفني

في الشغل أو في الكلية أو في المواصلات أو في الشارع ..

ويمكن يكون عاوز يقرب من ربنا .. وبيجاهد نفسه علشان

يغض بصره.. فمرضاش لنفسي اني اكون سبب في

اني افتنه..


6 - علشان أنا باشيل هم أخويا في الله اللي نفسه

يتجوز ومش قادر لضعف إمكانياته المادية ..

فمش ضروري يعني ازود عليه همومه…

وأخيله في الرايحة والجاية ..

7 - ده غير حاجة مهمة كمان … الكفن بتاع النساء..

فيه حجاب.. فاللي مش حتلبسه وهي حية بإرادتها

طاعة الله.. حتلبسه كدة كدة وهي رايحة قبرها..

وطالما ربنا بيقول اننا نتستر حتى واحنا رايحين قبورنا

وخلاص انتهى التكليف … ومحدش حيشوفنا تاني ولا حد

حيطمع فينا .. يبقى مفيش معنى اننا نمشي مكشوفين لكل

العيون واحنا أحياء نرزق.. يبقى الأولى اطيع ربنا بإرادتي

وأقابله وهو راضي عني واخد أجري كامل.. ولاّ اني ملبسوش

غير وانا جثة واقابل ربنا وهو غضبان عليا؟

والأسباب اللي فوق دي .. هي اللي فهمتني ليه ربنا

فرض علينا الحجاب.. مش تعسير ولا تضييق ..

الحجاب فعلا عزة وكرامة.. ميعرفهاش غير اللي داق

طعم الستر..




ربنا يهدينا ويهدي بنات المسلمين

الموضوع منقول من ايميل



يارب يعجبكم اخواتى الكرام

انا مش عارفةاقول لك ايه يا هاجر بجد موضوع جميل جدا وانتي موضوعاتك كلها رائعة والله
ربنا يهدينا جميعا

ميرسى يا صفية .
ربنا يوفقك يا صافى.

جميل جدا يا هاجر موضوعك فى منتهى الاهمية لكل البنات الغير محجبات
شكرا ليكى مرة تانية

العفو...على ايه.........أى خدمة يا دو دو
اللهم اهدى شبابنا وفتياتنا

امين

رهييييييييييييييييييييييييييب مرررررررررررره............شكرياتي لك موضوع رائع

تحيااااااااااتي اختك الغاليه

سعدت بمرورك وردك
الله يعمر بيتك بالإيمان.

ماشاء الله عليكي يا هاجر ربنا يجازيك خير عن الموضوع ده

بس مستنيين منك شروط شروط شروط الحجاب الشرعي (اللي لو ماكانتش موجوده في حجابنا

يبقى مالوش لازمة) علشان الموضوع يكمل

جميله اوى يا جوجو


ميرسى جدا يا قمر


يارب دايما بالمواضيع الحلوه اللى زيك

جزاكم الله عنا كل خير

بسم الله ما شاء الله يا هاجر
يا رب يكون ف ميزان حسناتك

مافيش اجمل من كدة موضوع جزاكى الله خيرا

اولا سوري انى دخلت القسم الي عنوانه ممنوع دخول الرجاله بس بصراحه عنوان الموضوع لماذا انا محجبه شدنى جدا مما اثار بداخلي النازع الفضولي وحب الاستطلاع واحمد ربي ان ذلك الفضول قد دفعنى لقراءة ذلك الموضوع الرائع الذي اعتبره من وجهة نظري المتواضعه افضل موضوع في ذلك المنتدى وصدقونى لم اكن مبلاغا اذ قلت ان ذلك الموضوع افضل موضوع قرائته في حياتى واتمنى من كل قلبي ان يجعلك هدى لبنات جيلك

الحمد لله لكوني محجبه بحجاب شرعي...........

شكرااااااااا اخي .......لا عااااااااااادي انته في وقت ادخل...... مهو كلمت ممنوع الرجاله تم الغائها .......صح يا دودو..ههه


تحياااااااااااااتي

هههههههههه انا قراءت موضوعك الي فات وعرفت ان في مشاكل بسبب الرخصه مرسي جدا عشان اتدينى الرخصه ومنك اكيد مش مزوره

ربنا يبارك فيكي اختى الكريمة