اسئلة لازم تسمعها من اي بني آدم

اسئلة خنيقة اوي لازم نسمعها كل يوم من اي بني آدم

--------------------------------------------------------------------------------

خلـونـــا نشــوف أمثلة

***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع مشاهدة التليفزيون يعني !!! واضح ان انا هانام ))
***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))
***********

أو مثلا راكب العربية ودوّرتها وخلاص هتطلع ... يجيلك لك الواد بتاع الجراج ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))
***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بتفرّج عليه ))
***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))
***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. باكمل الطقم بس ))
***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لأ.... باضحك عليكي ))
***********
:albino: :albino: :albino:

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

:geek: :geek: :geek: :geek:
***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))
***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

***********

كفاية كده عليكواااااا

روعة والله يا مسيو احمد

بس شكل حضرتك مخنوق فعلا من الراجل بتاع الجراج
اص بيسأل باب نفس السؤال

احنا فعلا كل يوم بنسمع الاسئلة الرخمة دي

hahahahahahahahahahahahahaha!!!!!
I appreciate your efforts too much

بجد حضرتك فعلا راااااااااااااااااااائع وياريت تواصل

جميلة موت يا مسيو احمد
فعلا بنتسال الاسئلة كل يوم
بزات بتاعت انت تذكري
ولا انت هتنامي ي كل شوية
thanks

شكرا ليك بجد يا مسيو احمد

الله ينور يا مسيو
نقلت الواقع فعلا

موضوع رائع فعلا وجميل بجد

والله روعة يا مسيو

هههههههههههههههه

ههههههههههههه
شكراااااااااااا لحضرتك

ههههههههههههههههه بجد روعه

هههههههههههههه جميله بجد

ههههههههههههه
شكراااااااااااا لحضرتك

لاء بس حكاية انت هتنامى ولا ايه بسمعها كتير اوى

وبجد الموضوع جميل اوى

جزاك الله خير