يوميات مشرف

يوميات مشرف

هههههههههههههههههههههههههههههههههههههههههههههههههه هه
اول ما قام من النوم لقى الموبايل بتاعه بيرن فلقى الادمناللي هو مدير المنتدى يعني بيتصل بيه

المشرف:اصطبحنا واصبح الملك لله ......صباح الخير يا فندم
الادمن: خير هييجى منين الخير ياسى زفت انت سايب قسمك ونايم الله يخرب بيت اللى شار عليا الشورة السودة دى انى امسكك مشرف انت متنفعش حتى تبقى عضو موقوف

المشرف : ليه بس يا فندم دا انا حتى مغسلتش وشى ودخلت على طول ع المنتدى
الادمن : عموما ادخل شوف قسمك ودا اخر انذار ليك


وانتهت المكالمه والمشرف طبعا مضايق وبيقول انا ايه بس ياربى اللى دبسنى التدبيسه السودة دى ماكنت عضو وميه ميه المهم دخل على الرسايل الخاصه بتاعته بقى لقى الرسايل دى


:الرسالة الأولى

السلام عليكم ...ازيك مشرفنا .. بقولك أنا اضفت موضوع بس معرفش شكله نزل ثلاث مرات بالغلط أحذف أي واحد فيهم .. اللي يعجبك أنت بس احذف

:الرسالة الثانية

مرحب مشرفنا ..... باقولك شوف : في عضو قاعدلي كل موضوع يرد عليا ويهيني قدام الأعضاء ... لو ماسكتوش هعمل حاجه محصلتش.. ... واقلبلكم المنتدى .. وقد اعذر من بنجر

: الرسالة الثالثة

.... ياااأبو الشبااااااااااااب ألحقني ... كل ما أدخل المنتدى يطلعني بره ... ومش راضي يدخلني
ايه الحكاية شكلها كدة الدخول بفلوس

: الرسالة الرابعة

مشرفنا ... ممكن لو سمحت تعدل اسمي من الحلوة الى ملكة جمال المنتديات ( مصدقه نفسها )

:الرسالة الخامسة

هاي عمري ... يارب تكون مبسوط .. بصراحة شخصيتك عاجباني ولك هيببة في المنتدى بس ياريت يعني اذا عملت موضوع ثبتهولي ..على فكرة انا زعلانة محدش يثبتلي مواضيعي ولا يدوني جايزة احسن عضو مثلا
وانا مال اهلى انا محدش بيثبتلك مواضيعك (متتحرقى انتى والمنتدى) دا رده طبعا

:الرسالة السادسة
..ياعم هاقولك على حاجة : مش هسلم عليك ولا حاجة انت أصلاُ ماتستاهلش كل ما اعمل موضوع تحذفهولي
... عجيبة والله


:الرسالة السابعة

... مساك زي الفل يا سوبر ستار المنتدى
بصراحة انا مكسوف منك عايز أطلب طلب بسيط ... يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .. عايز الباسوورد بتاعتك اذا تكرمت (ماهو دا اللى ناقص)

: الرسالة الثامنة
يا اخي انت زودتها ... شايف نفسك علينا وكل مانكلمك ما تديناش وش .. ياخي الاشراف مش يعني بقيت ملك ... اختشي على دمك بقى .. قال مشرف قاال ... انت أصلاً خدام عندنا يعني تخدمنا .. اقولك : روح هاتلي واحد شاااي

صحيح الى ميعرفش يقول عدس

:الرسالة التاسعة
حبيب قلبى... ازيك يا كبير .. عرفتني ؟؟ أنا أمورة .. واحشني اوي ... اقولك كلمني على الياهو ضروري ... بااااااااااي

:الرسالة العاشرة

(من المشرف العام)

السلام عليكم ..أخي ...الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة
... المنتدى ... وشــكــراً

:الرساله الحادية عشر
لو سمحت والنبى يا سعاده الباشا فى بنت موجوده على المنتدى ياريت تبقى تبعتلى ايميلها على ايميلى وليك الحلاوة طبعا ( ليه يعنى قالولك عليا فتحها عالم سمسم باوزع ايميلات )

وسلامي لكل المشرفين اللى فى المنتدى
وربنا يكون في عون الجميع وباهديهم
يوميات مشرف